Jeremiah 19:2 - Hawaii Pidgin Bible

² Go da Ben Hinnom landfill nea da town gate wea peopo throw da broke kine clay pots. Wen you get dea, tell um da tings I tell you now.

Jeremiah 19:2 交叉參考

Joshua 15:8

Den from da edge a da Judah land go up da Ben Hinnom Valley, da south side a da hill dat get Jerusalem on top side, da main town fo da Jebus peopo. Den go da top a da hill dat make da west side a da Hinnom Valley, by da north end a da Refaim Valley.

2 Kings 23:10

Josiah make da place dey call Tofet, dat stay inside da Ben Hinnom Valley, so nobody can use um fo kill dea boy o girl dea, fo make one sacrifice wit fire fo da idol god Molek.

Jeremiah 32:35

Dey make sacrifice places fo da god Baal inside da Ben-Hinnom Valley, fo burn up dea boys an girls inside da fire ova dea! Dey do dat fo make sacrifice to da god Molek. I neva tell um fo make lidat, an I neva plan fo dem do dat kine pilau stuff an make da Judah peopo do pilau kine stuff too.

2 Records 33:6

He make some a his boys da sacrifices inside da fire inside da Ben Hinnom Valley. He bring up da bad kine spirits fo tell him wat goin happen. He put kahuna on top peopo. He look fo signs bout wat goin happen. He get wahines an guys dat can talk to da mahke peopo. Da way Da One In Charge see um, he do plenny real bad kine stuff. Az why Da One In Charge come real huhu wit him.

2 Records 28:3

He make sacrifices inside da Ben Hinnom Valley, an put his boys thru da fire fo make one sacrifice. Az was jalike da pilau kine stuff da odda nations do, da peopos Da One In Charge wen push outa da land in front da Israel peopo.

Jesus Guys 20:27

Cuz I no sked fo tell you guys all da stuff God like fo you guys do.

Jesus Guys 5:20

He tell, “Go stan in front all da peopo inside da open lanai fo da Temple, an tell um eryting bout dis new kine life.”

Matthew 10:27

Wat I stay tell you guys in da dark, tell um wea get light too. An wat I wispa in yoa ear, stan on top da house an yell um out.

Jonah 3:2

“No wait! Go Nineveh town, da main town Assyria side. Tell da peopo ova dea all da tings I stay tell you now.”

Jeremiah 26:2

Dis wat Da One In Charge tell: “Go stan in front da lanai fo da Temple Fo Da One In Charge. Talk to all da peopo from da towns inside Judah dat come my Temple fo go down in front me fo show love an respeck fo me, Da One In Charge. Tell dem eryting I tell you. No hold back notting I tell you.

Jeremiah 11:6

Da One In Charge tell me, “Tell all dis stuff I stay tell you inside da Judah towns an on top da Jerusalem streets: ‘No foget wass my deal wit yoa ancesta guys, an do um.

Jeremiah 7:2

“Stan by da gate fo da open lanai aroun da Temple Fo Da One In Charge. Talk real loud dea fo tell da peopo dis: “ ‘Eh! All you Judah peopo dat come inside dese gates fo go down an show respeck fo Da One In Charge! Lissen wat Da One In Charge tell!

Jeremiah 3:12

Go, tell dis fo da Israel peopo hear um: “Da One In Charge tell, ‘Go come back by me, you Israel peopo Dat wen tell “Laytas” to me. I no goin give you guys stink eye no moa. Cuz I like give you guys chance, I no goin stay huhu all da time.

Jeremiah 1:7

But Da One In Charge, he tell, “No talk lidat, ‘I ony one young guy!’ Cuz you gotta go talk to erybody I sen you fo talk to, an you gotta tell dem wateva I tell you fo tell um.

Nehemiah 3:29

Nex to dem, Zadok Immer boy fix da wall da odda side his place. Nex to him, Shemaiah Shekaniah boy, dat stay in charge a da East Gate, fix da wall.

Jeremiah 18:2

“Go down by da house a da guy dat make clay pots. Wen you get dea, I goin tell you someting.”