Jeremiah 19:11 - Hawaii Pidgin Bible

¹¹ Tell dem, ‘Dis wat Da One In Charge, da God Ova All Da Armies, tell: I goin broke down dis peopo an dis big town, jalike Jeremiah wen broke dis bottle from da guy dat make pots, so no can fix um. Da Judah an Jerusalem peopo goin bury dea mahke guys inside dis Tofet Valley till no mo room.

Jeremiah 19:11 交叉參考

Songs 2:9

You goin smash um wit one iron bar, An bus um up Jalike dey ony clay pots.’ ”

Isaiah 30:14

Da wall goin broke jalike one clay pot. Goin all broke in small pieces, Cuz I no goin hold back notting. Da small pieces dat stay, No goin be big enuff fo take hot coal from da fire, O even fo get watta from da watta place.”

Sad Song 4:2

Da ones dat born Zion side worth plenny, jalike gold. But now dey ony worth one clay pot dat some guy make.

Jesus Show 2:27

Da Bible tell dis befo time bout me, Jesus: “He goin be dea leada. He goin carry one stick wit iron on top Fo show he stay in charge. He goin bus dem guys in pieces, jalike one clay pot.” An dass da kine powa my Faddah give me.

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

Jeremiah 19:6

So you guys betta wise up! Me, Da One In Charge, an dis wat I tell: Da time goin come wen peopo no goin call dis place Tofet no moa, o da Ben Hinnom Valley, but da Valley Wea Dey Kill Peopo.

Jesus Guys 21:11

He come by us, an take Paul belt. He tie up Paul hands an feets wit um, an tell, “da Good An Spesho Spirit tell dis, ‘Da Jew guys inside Jerusalem goin tie up da guy dat own dis belt lidis. An dey goin turn ova dat guy to da peopo dass not Jew guys.’ ”

Smart Guys 6:15

Dass why dey all goin come wipe out one time, An dey all goin come bus up one time, Den dey no can come good bumbye.

Jeremiah 19:12

Me, Da One In Charge, dis wat I goin do to dis place an to da peopo dat live hea. I goin fill up dis town wit mahke bodies jalike Tofet Valley.

Jeremiah 48:38

On top all da flat roofs Moab side, An inside all da open places, Erybody stay moan cuz dey stay sad inside. Cuz I wen bus up Moab, Jalike one clay jar dat nobody like um no moa.” Az wat Da One In Charge tell.

Jeremiah 51:63

Wen you pau read dis book, tie one rock aroun um, an throw um inside da middo a da Eufrates Riva.

Jeremiah 25:34

“You bad leada guys, You suppose to take kea yoa peopo Jalike da sheep guys take kea dea sheeps. But you goin cry an yell. You guys dat get powa ova yoa sheeps, Roll aroun on top da dirt, Jalike fo one funeral! Now stay yoa time fo you get kill O get chase all ova da place! You guys goin fall down an come bus up Jalike you da kine clay pots dat cost plenny an easy fo broke.