Jeremiah 18:21 - Hawaii Pidgin Bible

²¹ So make dea kids mahke cuz no mo food! Let dem get kill in da war! Make dea wifes come widows An lose dea kids too! Make dea guys mahke from da real bad kine sick! Kill dea young guys wit swords wen dey go war!

Jeremiah 18:21 交叉參考

Amos 4:10

Da One In Charge tell: “Was me wen sen da sick fo make trouble fo you guys, Same ting jalike befo time I wen make da Egypt peopo come sick. War time, was me wen kill yoa young guys An let da odda peopos catch you guys horses. Real sad! Haunas, da mahke army guys bodies inside yoa camp! Still yet, you guys no like come back an be my guys!” Dass wat Da One In Charge tell.

Sad Song 5:3

Now us jalike peopo dat no mo faddah an muddah. Oua muddahs jalike widows, jalike dea husban mahke.

Jeremiah 15:8

I goin make dem get mo plenny widows Den da ocean get sand. Noon time, I goin bring somebody Fo wipe out da young guys. Right den an dea I goin make dea muddahs Come sore inside an stay real sked.

Jeremiah 9:21

Teach um lidat, cuz da way us stay now, Jalike oua enemy guys stay come inside thru oua windows fo kill, An inside oua strong wall. Jalike fo wipe out da kids on top da streets An da young guys inside da parks.

Rules Secon Time 32:25

Outside on da street, Goin get war dat goin wipe out dea kids. An even inside dea houses, Dey goin come real sked. Same ting fo da young guys an young wahines, Da bebes an da ol guys, Dey goin mahke too.

Outa Egypt 22:24

I had it wit wat you guys stay do to dem. Jalike wen one fire come one big fire, I goin go afta you guys an make odda peopo kill you guys wit swords. Den you guys wifes goin come widows, an yoa kids no goin get dea muddah an faddah.

2 Timoty 4:14

You rememba da guy Alexander, da guy dat make da coppa stuffs? Da buggah wen jam me up real bad! Da One In Charge goin pay him back bumbye, jalike Alexander wen do to me.

Jeremiah 12:3

But you Da One In Charge, an you know me. You see wat I stay do, An you tes how I tink bout you. Drag dose guys away jalike dey sheeps ready fo da meat market! Pick dem fo kill, wen da time come fo kill dem!

2 Records 36:17

God bring da Babylon king agains dem. Da Babylon army guys kill da young Israel guys wit swords inside da place dat stay spesho fo Da One In Charge. He no show pity fo nobody, da young guys an young wahines, o da ol guys an real ol peopo. God turn dem all ova to Nebukadnezzar.

1 Samuel 15:33

But Samuel tell, “Jalike you wen use yoa sword so dat da wahines no mo dea kids, Now, yoa muddah goin come one a da wahines dat no mo kids.” So Samuel wack Agag wit his sword an chop um up, right dea in front Da One In Charge, Gilgal side.

Songs 63:10

I like fo dem get kill wit swords An da wild dogs Share dea bodies fo grind.

Isaiah 9:17

Dass why my Boss No goin feel good bout da young guys, He no goin show pity notting Fo dea widows o dea kids dat no mo faddah o muddah. Cuz all dem peopo ack jalike God no matta to dem, An still stay do bad kine stuff. All dem get pilau mout. An Da One In Charge stay huhu wit da Israel peopo still yet, An he stay ready fo bus um up.

Isaiah 13:18

Dey goin use bow an arrow Fo kill young guys from Babylon. Dey no goin pity da small bebes. O look at yoa kids wit aloha!”

Jeremiah 14:16

An da peopo dat lissen dem, dey goin mahke too inside Jerusalem, cuz dey no mo food, an da army guys goin kill dem wit swords too. Da army guys goin throw out da mahke bodies on top da streets. No goin get nobody fo bury dem, o dea wifes bodies, o dea boys bodies, o dea girls bodies. I goin make all da bad kine stuff dey do happen to dem.

Jeremiah 15:7

Den Da One In Charge tell: “I goin judge da Judah peopo Wea da judges come togedda inside dea towns all ova da land, Jalike peopo throw da wheat in da air Fo da wind blow away da junks. I goin wipe dem out An make shua dea kids mahke, Cuz dey no change wat dey do.

Jeremiah 50:30

Az why da young guys from Babylon Goin mahke on top da streets. All dea army guys goin mahke dat time, An eryting goin come real quiet.” Az wat Da One In Charge tell.

Sad Song 1:15

“Da Boss laugh at all da strong leadas aroun me. He call one army fo fight me, Fo smash my young guys. Da Boss walk all ova da Judah peopo, Jalike he step da grapes fo make wine.

Ezekiel 16:38

I da judge, an I goin punish you Jerusalem peopo. I goin punish you jalike da Rules tell fo da wahines dat fool aroun da guys dey no stay married to, an da wahines dat kill peopo. Dat mean, you goin bleed an mahke. Cuz I stay real huhu wit you, jalike one jealous husban.

Ezekiel 22:25

Da Israel princes make plan togedda agains da land. Dey jalike da lion dat make loud noise wen he kill one animal an rip um up. Az jalike da prince guys eat up da peopo. Dey rip off da rich kine stuff dat worth plenny, an make plenny Israel wahines come widows.

Songs 63:11

Da King, he goin stay real good inside Cuz az how God stay. Erybody dat make one strong promise An tell God fo put kahuna on top dem If dey no do wat dey promise fo do, Dey goin tell dat God da bestes. But erybody dat stay bulai peopo, God goin shut um up.

Isaiah 9:16

Az how come, da ones dat stay lead dis peopo, Make um go da wrong way, An az how come, da peopo dat lissen dea leadas, Come all mix up an donno wat fo do.