Jeremiah 17:6 - Hawaii Pidgin Bible

⁶ Dose guys goin be jalike one bush dat no mo leaf inside da up country boonies. Good tings goin happen, but dose guys no goin see um. Ony da odda guys goin see um. Da bad guys goin live inside da boonies wea ony get lava rock all ova, Inside one land wea get plenny salt in da groun an no can grow notting, An no mo peopo live ova dea.

Jeremiah 17:6 交叉參考

Job 20:17

Da guys dat rip off stuff no goin live long enuff fo see da streams dat dey own, An da gulches dat run wit honey an sof cheese.

Songs 1:4

Da guys dat broke da Rules from God, Dey not like God peopo. Dey jalike da junks from da wheat Dat da wind blow all ova da place.

Rules Secon Time 29:23

Da whole land goin stay jalike was burn up from salt an sulfur. Nobody goin plant notting dea. No can make notting grow dea. No mo notting green come up. Goin be jalike wen Sodom an Gomorrah towns wen come wipe out, an wen Da One In Charge bus up Admah an Zeboiim towns cuz he real mad wit dem.

Jeremiah 48:6

Run away! Run fo stay alive! No go nea odda peopo! Make jalike you one bush inside da boonies!

Job 39:6

Az me wen put dem inside da dry boonies fo dea place. Dass da place wea get salt in da dirt, fo dem live ova dea.

Zefaniah 2:9

But Da One In Charge, Da God Ova All Da Armies, da God fo da Israel peopo, he tell dis too: “Fo shua I stay alive! Az why da Moab peopo goin come jalike da Sodom peopo, An da Ammon peopo goin come jalike da Gomorrah peopo. Inside dea land, ony goin get Da kine weed dat make yoa skin itch, An dry pukas full a salt, Eryting goin stay all wipe out, foeva. My peopo dat still stay alive goin rip dem off. My peopo dat still stay alive, goin take ova dea land.”

Local Leadas 9:45

All dat day, Abimelek fight da peopo from da town, till he take ova da town an kill da peopo. Den he bus up Shekem town, an scatta plenny salt all ova da groun.

Ezekiel 47:11

But da swamps an marshes ova dea no goin come fresh. Dey goin stay lidat fo da peopo get salt.

Isaiah 1:30

Cuz a dat, you guys goin come jalike one oak tree Wit leaf dat stay come all dry up. An jalike one garden Dat no mo watta.

Songs 92:7

Dis wat dey no undastan: No matta da bad kine peopo come up All ova da place jalike grass, An all da bad guys Dat stay do wass wrong Look good, Jalike wen da flowas come out, God goin wipe um out, An dey goin stay wipe out foeva!

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”

Songs 107:34

God make da kine land dat grow plenny fruits Come all mud, Cuz da peopo dat live dea do bad kine stuff.

Jeremiah 29:32

Dass how come dis wat me, Da One In Charge, tell: I goin punish Shemaiah da Nehelam guy an da peopo dat goin come from him. He no goin get even one guy from his line dat goin live wea dis peopo live. He no goin even see da good kine stuff I goin do fo my peopo, cuz he stay tell da peopo fo bag from me.” Az wat Da One In Charge tell.