Jeremiah 17:4 - Hawaii Pidgin Bible

⁴ You guys get da blame! Az why you guys goin lose da land I wen give you guys fo come yoa property. I goin make you guys come slaves fo da peopo dat stay agains you Inside one land you guys donno from befo time. Az cuz you guys wen make me come real huhu, Jalike one real hot fire dat goin burn foeva.”

Jeremiah 17:4 交叉參考

Jeremiah 15:14

I goin let da peopo dat stay agains you guys Take you guys away Inside one land you guys donno from befo time. I goin do all dis cuz I stay real huhu wit you guys, Jalike one hot burning fire.”

Sad Song 5:2

Oua property wen pass to peopo us guys donno. Peopo from anodda place get oua houses.

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Isaiah 5:25

Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.

Jeremiah 16:13

Az why I goin throw you guys outa dis land, an bring you inside one land dat you guys an yoa ancesta guys neva know befo time. Ova dea you guys goin work fo odda gods day time an nite time. Cuz I no goin give you guys chance.

Isaiah 14:3

Bumbye, Da One In Charge goin let you res. Den you no goin feel sore no moa, an you no goin come sked an shake cuz you worry, an no goin be no mo da hard slave kine work dey make you do.

Ezekiel 21:31

I goin show dat I stay huhu An pay you back. I goin turn you ova to da skery hit men, Guys dat know how fo take peopo out.

Sad Song 1:12

“Eh! All you guys dat stay go by hea, You guys no kea, o wat?! Look aroun an see. No mo nobody stay suffa jalike I stay suffa. Da One In Charge bring dis hard time on top me, Wen he come real huhu.

Jeremiah 12:7

Da One In Charge tell: “I goin leave my ohana an let um hang. I goin bag from da peopo dat stay mines. I goin let da peopo I love Suffa from da guys dat stay agains dem.

Jeremiah 5:29

Da One In Charge tell, “You tink I no need punish dem fo all dis stuff?! I goin punish dem! You tink I no goin pay back dat kine peopo fo dis?! I goin pay um back!

Isaiah 66:24

“An wen peopo go outside Jerusalem, dey goin see all da mahke bodies a da peopo dat wen go agains me. Da worm dat stay eat dem no goin mahke, an da fire dat burn dem no goin pio. Erybody goin feel pilau wen dey see da bodies.”

Isaiah 30:33

Da place outside Jerusalem Wea da peopo dat donno God Burn up dea kids Fo make one sacrifice fo dea idol kine gods, From long time, jalike dat place stay ready Fo burn up da Assyria king. Somebody wen dig da burning place Real deep an real wide. Get plenny fire An plenny wood all pile up dea. Wen Da One In Charge blow on top um, Make um start fo burn, Jalike one burning sulfur riva Make da wood pile burn.

Nehemiah 9:28

“But wen oua peopo come inside dis land an make house dea, One mo time dey go do bad kine stuff in front you. You make shua dat da peopo dat stay agains dem Bus dem up an come da boss guys fo oua peopo. Den oua guys turn aroun like how was befo time An yell fo help to you one mo time. You hear dem from inside da sky, An plenny times you get um outa trouble Cuz you get plenny pity fo dem.

2 Kings 25:21

Ova dea, Riblah town inside da Hamat land, da king guys kill all dem. Az how plenny Judah peopo go way from dea land an come prisonas Babylon side.

1 Kings 9:7

If you guys jam up, den I goin throw out da Israel peopo from da land I wen give um. Dat Temple dat I wen make spesho fo me, da place fo show wat kine god me, I no goin kea bout dat place no moa. An wen all da odda peopos tink bout da Israel peopo, dey goin tell bad kine stuff bout dem, an tell, ‘Watch out! You goin come jalike da Israel peopo!’

Rules Secon Time 28:25

“Da One In Charge goin make da peopo dat stay agains you guys win ova you. You goin go fo attack dem from one place, but run away from dem to seven places. Peopo in all da diffren countries on top da earth goin come bum out wen dey tink bout you guys.

Jeremiah 2:14

You tink da Israel peopo wen born fo come slaves? No ways! So how come dey wen come prisonas, aah?!

Jeremiah 18:23

But you, Da One In Charge, you know all dea plans fo kill me. No let dem go cuz a da wrong tings dey do! Make dem so dey no can stay tight wit you Wen dey get da blame fo do wat stay wrong. No foget da bad kine stuff dey do in front you! Make um fall down in front you! Make to dem how you like wen you stay real huhu!”

Jeremiah 21:12

You David ohana guys, dis wat me, da Boss, tell: “ ‘Wen you guys judge da peopo, Do wass right ery morning. No let da guys dat rip off peopo Put presha one mo time fo da ones dey wen steal from. If you no do dat, I goin come real huhu jalike fire, Cuz you guys do bad kine stuff. An no mo nobody goin pio dat fire!

Jeremiah 22:28

Peopo tell: “Dis guy Koniah— He jalike one pot dat erybody tink no good awready, Dat stay all bus up. He jalike one dish, Dat no mo nobody like keep um. How come gotta throw out him an his kids An make um go anodda country Dey neva know befo, aah?!

Isaiah 50:11

But, all you odda guys dat make fire An put arrows dat burn inside yoa arrow bag, Go walk in da light from da fire you guys wen make An da burning arrows you wen light. Da ony ting you guys goin get from me, Goin be dis: Bumbye wen you guys lay down, You goin suffa plenny!

Jeremiah 5:19

Wen da peopo tell, ‘How come oua God, dass Da One In Charge a us, do all dis kine stuff to us?’ you, Jeremiah, goin tell um, ‘Da One In Charge tell, you guys wen dig out from me, fo work inside yoa land fo da idol kine gods from da diffren peopos. An den, dese diffren peopos goin make you guys work fo dem inside one land dass not yoa land!’

Ezekiel 7:24

Da country wit da worses kine peopo, I goin let dem take ova you guys houses. Da Israel guys dat get big head cuz dey tink dey real strong, I goin make um come all shame. Dose peopo, dey goin make da spesho places fo da odda gods come pilau so nobody can pray dea.