Jeremiah 15:6 - Hawaii Pidgin Bible

⁶ Dis, da message from Da One In Charge: “You guys da ones dat bag from me awready. You guys no give a rip an you go way from me. So I goin grab you guys an wipe you out. I had it awready! I no goin show you love an pity no moa!”

Jeremiah 15:6 交叉參考

Jeremiah 7:24

“But my peopo, dey no lissen, o tink bout wat I tell. Dey hard head, an dey do wat dea bad heart like do. Dey suppose to go one way, an dey go da odda way,

Zefaniah 1:4

“I goin use my powa agains da Judah peopo, An erybody dat live inside Jerusalem. I goin wipe out from dis place eryting dat still stay bout da Baal god. I goin wipe out even da names fo da pries guys fo da idol kine gods, An fo da pries guys dat wen bag from me, Da One In Charge.

Zekariah 7:11

“But dat time, da peopo no like lissen. Dey hard head, an dey turn dea back, an cova up dea ears fo no lissen.

Hosea 11:7

My peopo go all out fo tell ‘Laytas’ to me. Even wen dey call me Da Mos Importan God, Dey no mo respeck fo me.

Isaiah 1:4

Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Hosea 13:14

You tink I goin pay da price fo dem So da Mahke Peopo Place no mo powa ova dem? No ways! You tink I goin pay fo dem no mahke? Not even! Az da real bad kine sick goin make dem mahke! Da Mahke Peopo Place goin wipe dem out! No way I goin show dem pity!

Ezekiel 25:7

Cuz you guys do dat, I goin go agains you wit all my powa. I goin give you guys to da odda peopos fo come dea slaves. I goin cut you guys off from da nations an wipe out you guys from da diffren lands. Den you guys goin know dass me, Da One In Charge, do all dat!”

Jeremiah 6:19

Lissen, all you peopo on top da earth! Dis wat I stay do: I stay make bad kine stuff happen to dis peopo. Da same ting dey make plan fo do, goin happen to dem, Cuz dey no bodda fo lissen wat I tell dem. Dey hate my rules.

Jeremiah 6:11

But you Da One In Charge, An you tell ‘Laytas’ to wat dey do, An I feel da same ting! Az why I gotta tell someting!” Da One In Charge tell me: “Tell erybody I stay huhu wit dem! Jalike you stay dumping watta all ova da place! Tell da kids in da street, An da young guys dat hang out togedda! Tell da husbans an wifes, Even da real ol peopo too!

Jeremiah 2:17

You guys do all dis to you, Cuz you guys wen bag From yoa God, Da One In Charge, Da time he show you guys da way fo go.

Jeremiah 1:16

I goin tell wat I figga bout my peopo, cuz I da Judge. Cuz a all da bad tings dey stay do— Dey tell ‘Laytas!’ to me An burn sacrifice fo odda gods An go down in front da gods dey wen make wit dea hands.

Hosea 4:16

Da Israel peopo, dey hard head. Jalike one young hard head girl cow. So den, how Da One In Charge goin lead da Israel peopo To one big grass field, jalike dey bebe sheeps?! No can!

Ezekiel 14:9

An maybe da guy dat tell he talk fo me tink he gotta tell someting, dat mean was me, Da One In Charge, dat bulai da talka guy. I goin grab da guy dat tell he talk fo me an wipe him out from my Israel peopo.

Jeremiah 20:9

But if I tell, “I no goin even tink bout Da One In Charge! I no goin talk fo him no moa!” Den, da tings he like me tell stay inside me, Jalike one fire stay burn inside me! Jalike my bones burning up inside. I stay tired from hold um inside. I no can hold um inside no moa.

Jeremiah 8:5

So! How come dese peopo stay go da wrong road? How come da Jerusalem peopo erytime no come back by me? Dey stay tight wit bulaia kine gods. Da Jerusalem peopo tell, ‘Us guys no goin go back!’

Jeremiah 2:19

Da bad kine stuff you guys do, Dass wat goin punish you guys. Da way you guys make deaf ear to me, Dat show proof awready dat you guys stay wrong. Try tink hard, an you goin know Dat eryting come real bad fo you guys, Jalike you haunas! Az cuz you guys bag from me, yoa God, Da One In Charge, An no show respeck fo me.” Dass da message from Da One In Charge, da God Ova All Da Armies.

Jeremiah 2:13

“My peopo wen do two real bad tings: Numba one, dey wen bag from me, No matta I jalike one watta spring Wea da watta come out all da time An make peopo come alive. Numba two, dey go wit odda gods, dass good fo notting. Jalike dey dig big holes fo hold watta, But no can hold da watta!

Isaiah 28:13

Az why, fo dem guys, wat Da One In Charge tell um Goin be jalike wat he tell befo time: “Do dis, do dat, One rule, anodda rule, Litto bit hea, litto bit dea.” An dey goin go way, But den dey goin fall on dea okole. Dey goin come all bus up. Da army guys goin grab dem An dey goin come prisonas.

Isaiah 31:3

Still yet, da Egypt guys, dey ony peopo. Dey not God. Dea horses, dey ony animals, Dey not spirits. Wen Da One In Charge put up his hand fo bus um up, Da guys dat help dem, Jalike dey goin trip. An da guys dey help, Jalike dey goin fall down. All a dem goin come wipe out togedda.

Jeremiah 6:12

Odda peopo goin take ova dea houses, Dea fields, an dea wifes, eryting dey get! Dat goin happen wen I use my powa Agains da peopo dat live inside dis land. Az da message from Da One In Charge.

Jeremiah 7:16

“So you, Jeremiah, no pray fo dese peopo o beg me fo help dem. Cuz I no goin lissen you.

Jeremiah 8:9

Dese peopo dat tink dey know wat fo do erytime, Dey goin come shame. Dey goin come sked Jalike dey fall down inside one trap. Az cuz dey tell “Laytas” to wat Da One In Charge tell. So den, how come you guys tink Dey mo smart fo real? Dey know wat fo do erytime, o wat?!

Ezekiel 35:3

Tell um: ‘Dis wat Da One In Charge, da Boss, tell: I stay agains you Seir Range guys. I goin wase yoa land fo show my powa agains you guys fo erybody come sked go dea.

Jeremiah 13:14

Den I goin smash um agains each odda jalike dey clay wine jars. I goin even smash da faddah-muddah guys agains dea kids too, all togedda. I no goin show pity fo dem, o make easy kine to dem, o give dem chance. I goin wipe um out.’ ” Az da message from Da One In Charge.

Jeremiah 44:22

You guys all da time wen do da worses pilau kine stuff eva. But Da One In Charge, he had it awready wit you guys. Az how come yoa land come all wipe out. An dass goin get one bad rep dat peopo like use fo put kahuna on top somebody, cuz no mo peopo live ova dea. An dass how stay today.