Jeremiah 15:13 - Hawaii Pidgin Bible

¹³ All da rich kine stuff you guys get, I goin let da army guys dat come rip um off. Dey no goin buy um, Cuz a all da real bad kine stuff you guys do All ova yoa country.

Jeremiah 15:13 交叉參考

Jeremiah 17:3

I goin let da army dat goin come take ova da hill dat stay spesho fo me. An all da rich kine stuffs you guys stash, An all yoa sacrifice places on top da hills— I goin let da army guys rip um all off. Dass how you guys goin pay Fo all da real bad kine stuff you guys do All ova yoa country.

Songs 44:12

Jalike you wen go sell yoa peopo Even fo cheap, Jalike you neva Make money from dem.

Isaiah 52:3

Cuz dis, da spesho message from Da One In Charge: “I wen sell you guys to da Babylon peopo An dey neva pay me notting fo you guys. Now, dey let you guys go, An I no goin pay dem notting!”

Jeremiah 20:5

I goin give all da rich kine stuff from dis town to da guys dat stay agains dem—all da stuff oua peopo wen work fo make, an all da awesome kine stuffs da peopo get, an all da rich kine stuff da Judah kings get. Da Babylon guys goin rip off all dat, an take um Babylon side.

Isaiah 52:5

An now, Da One In Charge tell: “Now, wat I get hea?! Da Babylon peopo take away my peopo An dey no pay me notting fo dem. Da guys dat stay lead da Babylon peopo yell plenny. An all day dey talk bad bout who me.

Jeremiah 15:8

I goin make dem get mo plenny widows Den da ocean get sand. Noon time, I goin bring somebody Fo wipe out da young guys. Right den an dea I goin make dea muddahs Come sore inside an stay real sked.

Ezekiel 38:13

Da peopo from Sheba, an Dedan, an da trader guys from Tarshish in Spain, an all dea towns, goin tell, ‘Eh Gog! Wot! All you guys come fo attack an rip off da Israel peopo fo take away dea silva an gold an animals, an grab plenny odda stuffs, o wat?!’

Zefaniah 1:13

Dat kine peopo, goin get all dea rich kine stuffs rip off. An dea houses all bus up. Dey goin build houses, But dey no goin live inside um. Dey goin plant grape fields, But dey no goin drink da wine.”