Jeremiah 15:1 - Hawaii Pidgin Bible

¹ Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!

Jeremiah 15:1 交叉參考

Ezekiel 14:14

Even if get Noah, Daniel, an Job stay inside dat country, dey da ony ones goin get outa trouble. Cuz dey do da right kine stuff. But dey no can help da odda peopo. Az wat Da One In Charge, da Boss, tell.

Jeremiah 14:11

Den Da One In Charge tell me, “No pray fo dis peopo one mo time! No aks me fo do good tings fo dem!

Jeremiah 11:14

“Eh Jeremiah! Az why, no pray fo dis peopo no moa! No go yell o beg me fo do stuff fo dem! Cuz I no goin lissen wen bad tings happen an dey yell fo me fo help dem.

Songs 106:23

So God tell, “I goin wipe out All da peopo!” But Moses, da guy God wen pick, He go stan in da middo Wit God on one side An da peopo on da odda side. He try fo make God no kill da peopo, No matta God wen had it Wit da kine stuff da peopo stay do.

Songs 99:6

Moses an Aaron, dey was pries guys Dat work fo God. Samuel too, he was one a dem guys Dat wen tell God fo help um Cuz dey know who him. All dem guys, wen dey yell To Da One In Charge fo help um, Da One In Charge lissen dem An help um.

1 Samuel 12:23

An me, if I wen no pray fo you guys, fo shua az one bad kine ting I wen do agains Da One In Charge. Az why fo shua I goin stay pray fo you guys! An I goin teach you guys da way dat stay good an right.

2 Kings 17:20

Az why Da One In Charge come plenny huhu an cut off da Israel peopo from him. He let da steala guys rip off dea stuffs, all da time till he kick dem outa da land wea he stay.

1 Samuel 7:9

So Samuel take one bebe sheep dat still suck milk, an make one burn up kine sacrifice wit da whole bebe sheep fo Da One In Charge. Samuel call out to Da One In Charge, an Da One In Charge talk to him.

Jeremiah 52:3

Cuz a dat, Da One In Charge come real huhu wit da Jerusalem peopo an da Judah peopo. So he throw dem outa da place he stay. Den Zedekiah fight fo no let da Babylon king stay in charge a da Judah peopo.

Jeremiah 23:39

Az why I goin dump you guys fo shua, an I goin throw you outa wea I stay. I goin do da same ting fo all da odda peopo inside Jerusalem town, no matta I wen give da town to you guys an yoa ancesta guys.

Jeremiah 18:20

You goin do good kine tings fo dem Wen dey stay do bad kine tings fo me, Jeremiah, o wat?! Jalike dey dig one big hole fo kill me. No foget dat I wen stan in front you An aks you fo do good kine tings fo dem, So you no stay huhu wit dem.

Jeremiah 15:19

Az why Da One In Charge tell me dis: “Jeremiah, if you come sorry an change, I goin let you come back by me An work fo me one mo time. If you tell me stuff dat good fo me hear, An no tell wase time kine stuff, You can talk fo me one mo time. Let dese peopo come do stuff yoa way, But you betta not do stuff dea way!

Smart Guys 14:35

Da govmen guy dat do one good job, Da king like dat kine. Da govmen guy dat make him come shame, Da king, he no goin take dat.

Hebrews 9:24

You know, had one place dass spesho fo God dat da peopo wen make, dat was ony one copy a da real ting. But Christ neva go inside dat place dat da peopo wen make. He go wea God stay fo real kine inside da sky, an now he stay wea God stay fo help us guys.

Jeremiah 35:19

Az why me, Da One In Charge, da God Ova All Da Armies, an da God fo da Israel peopo, tell dis: “Rekab boy Jonadab, his ohana erytime goin get peopo in place fo work in front me.” ’ ”

Local Leadas 5:9

I get love an aloha fo da ones dat make da rules fo da Israel peopo, An fo da Israel guys dat volunteer fo da army. I like fo dem talk good bout Da One In Charge!

Start 19:27

Dat morning, Abraham wake up early an go to da place wea him an Da One In Charge stan fo talk da day befoa.

Zekariah 3:3

Joshua get pilau kine clotheses on, standing in front da angel messenja guy.

Rules Secon Time 9:26

But I pray to Da One In Charge, an I tell, ‘You da One In Charge! You da Boss! Try no wipe out yoa peopo! You own dem, an you wen do wat you gotta do fo get dem outa trouble cuz you big an awesome! You wen use yoa strong powa fo bring um outa Egypt.

1 Samuel 12:19

All da peopo tell Samuel, “Pray to yoa God, Da One In Charge, fo us guys, cuz you da boss fo us guys. Pray fo us no mahke. Cuz now, we wen do even mo bad kine stuff den befo time cuz we wen aks fo one king.”

Jeremiah 9:19

Can hear da crying come from inside Jerusalem, Da peopo tell, ‘Us guys all bus up! Us guys stay shame! Us gotta give up oua land, Cuz da peopo dat stay agains us Wen bus up oua houses!’ ”

Jeremiah 10:18

Cuz dis da message from Da One In Charge: “Dis wat I goin do right now. I goin throw out you peopo dat live inside dis land. I goin make you guys suffa plenny Fo da odda army guys capcha you.”

Jeremiah 16:5

Dis anodda message from Da One In Charge: “Jeremiah, no go inside one house wea da peopo stay eat food fo one funeral. No cry fo show dat you stay sad inside, an no show pity fo dem. Cuz I pau awready fo make eryting come good fo dem. I no goin stay tight wit dis peopo no moa, an I no goin show love an pity fo dem. Az wat Da One In Charge tell.

Jeremiah 16:13

Az why I goin throw you guys outa dis land, an bring you inside one land dat you guys an yoa ancesta guys neva know befo time. Ova dea you guys goin work fo odda gods day time an nite time. Cuz I no goin give you guys chance.

Jeremiah 22:28

Peopo tell: “Dis guy Koniah— He jalike one pot dat erybody tink no good awready, Dat stay all bus up. He jalike one dish, Dat no mo nobody like keep um. How come gotta throw out him an his kids An make um go anodda country Dey neva know befo, aah?!

Ezekiel 22:30

“Me, Da One In Charge wen look fo one guy from da Israel land fo build up da wall one mo time, an stan up fo me, inside da place wea da wall stay broke down, so I no gotta wipe out da land. But I no find nobody.

Jeremiah 14:12

No matta dey skip food wen dey pray, I no goin lissen wat dey yell to me fo do. No matta dey make burn up kine sacrifices an wheat an barley kine sacrifices, I had it wit wat dey stay do. I goin be da One dat goin wipe dem out cuz a da war, an cuz dey no mo food, an cuz a da real bad kine sick.”

Hosea 9:15

Da One In Charge tell, “Cuz a all da bad kine stuff my peopo wen do Gilgal side, Ova dea I wen start fo hate dem. Cuz a da bad kine tings dey stay do, I goin kick dem outa my land. I no goin love dem no moa. All dea leadas stay go agains me.