Jeremiah 14:4 - Hawaii Pidgin Bible

⁴ Da groun all dry an stay crack, Cuz no mo rain inside da land. Da farma guys stay shame. Az why dey cova dea heads too.

Jeremiah 14:4 交叉參考

Joel 1:11

Eh you farma guys! Bum out! You guys dat grow da grapes, cry loud! Stay sore inside bout da wheat an barley, Cuz da food fo harves come all wipe out!

Jeremiah 3:3

Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Joel 1:17

Da seeds stay all dry up unda da dirt. Da wheat an barley plants stay all dry up. Da storage places fo food, An fo da wheat an barley, stay all bus up.

Rules Secon Time 29:23

Da whole land goin stay jalike was burn up from salt an sulfur. Nobody goin plant notting dea. No can make notting grow dea. No mo notting green come up. Goin be jalike wen Sodom an Gomorrah towns wen come wipe out, an wen Da One In Charge bus up Admah an Zeboiim towns cuz he real mad wit dem.

Jeremiah 2:37

Wea eva you guys go fo make one deal Fo dem help you, You goin go way from dea Wit yoa hands on top yoa head, Cuz dey make you come dea prisonas! Az cuz da peopos dat you guys trus, Dey no good. Me, Da One In Charge, an I tell you dat awready! You guys stay tight wit dem, Az why notting goin come good fo you guys.

Amos 4:8

Had peopo from two-three towns, Real thirsty, aah? Dey stagga to anodda town Fo try get watta fo drink, But dey no can find enuff. Still yet, you guys no like come back an be my guys!” Dass wat Da One In Charge tell.

Prieses 26:18

“Afta I make all dese kine tings happen to you guys, an you guys still yet no like lissen me, I goin punish you guys seven times mo fo da bad kine stuff you guys still yet do.