Jeremiah 13:26 - Hawaii Pidgin Bible

²⁶ Jalike I pull up yoa robe ova yoa face. An erybody goin see yoa shame.

Jeremiah 13:26 交叉參考

Hosea 2:10

So now I goin show erybody how she make shame Wen da guys dat make sex wit her stay watch. Den no mo nobody goin take her outa my powa.

Sad Song 1:8

Da Jerusalem peopo wen do plenny bad kine stuff. Dey come pilau an no can go in front God. All da peopo dat wen show respeck fo dem, Now dose peopo make to dem jalike dey no worth notting. Az jalike da Jerusalem peopo stay naked. Dey moan an dey stay plenny shame.

Ezekiel 23:29

Dey goin come down hard on you cuz dey hate you. Dey goin take away eryting you wen work fo. Dey goin leave you naked, an show erybody how plenny shame you get wen you fool aroun fo money.

Ezekiel 16:37

Az why dis wat I goin do wit you Jerusalem peopo. I goin bring togedda all da guys you wen fool aroun wit, da ones dat wen like you, all da ones you wen love an all da ones you wen hate. I goin bring dem from all ova agains you. I goin take yoa clotheses off fo shame you in front erybody, an dey goin see eryting.

Jeremiah 13:22

Wen you guys start fo tink, “How come all dis stay happen to us?” All dis happen cuz you guys stay do plenny bad kine stuff. Az why dea army guys goin rip off yoa clotheses An rape you!

Jeremiah 49:10

But me, I goin take away eryting from da Esau ohana. I goin show erybody da secret places wea dey stay hide, So dey no can hide dea no moa. Dea kids, dea ohana, da peopo dat live nea dem, All dem goin come wipe out. An da Esau peopo no goin stay no moa.

Nahum 3:5

Da One In Charge, Da God Ova All Da Armies, tell da Nineveh peopo dis: “Look! I stay agains you! I goin strip you naked. I goin show da peopos an dea kings Yoa shame cuz you naked.

Isaiah 47:3

Den erybody goin see you Babylon guys naked. You goin come shame. I goin pay you guys back. I no goin let nobody go.

Hosea 2:12

I goin wipe out her grape plants an her fig trees Dat she tink, ‘Da guys dat make sex wit me wen give me dis fo pay me!’ I goin make her trees grow thick togedda Fo ony da wild animals eat all da fruits.