Jeremiah 12:4 - Hawaii Pidgin Bible

⁴ “Da land stay coming all dry, An da grass inside ery field stay come wipe out, An da animals an birds go way awready. Cuz da peopo dat live inside dat land do bad kine stuff. How long moa, till you goin make dem stop?! An dose bad peopo stay tell, ‘God no give a rip wat happen to us guys!’ ”

Jeremiah 12:4 交叉參考

Jeremiah 9:10

Jeremiah tell: “Wen I tink bout da mountains, I like cry an make big noise. I goin sing sad songs bout da mahke peopo, Cuz a da grass inside da boonies Wea da sheep guys wen stay wit dea sheeps. Da grass stay all burn up, No mo nobody go thru dea. You no hear da noise from da cows no moa. Da birds an all da animals, Dey run away awready.”

Jeremiah 4:25

I look, an you know wat?! I no see no mo peopo dea! All da birds inside da sky wen fly away.

Songs 107:34

God make da kine land dat grow plenny fruits Come all mud, Cuz da peopo dat live dea do bad kine stuff.

Rome 8:22

Us guys know, from befo time till now, dat all da tings God wen make stay moan jalike get big pain, jalike wen one wahine suffa plenny wen she born one bebe.

Hosea 4:3

Cuz a dat, all da peopo stay sad inside. Eryting dat live inside da land goin come dry up— Da wild animals inside da boonies, Da birds inside da sky, An da fish inside da watta, dey all goin mahke.

Jeremiah 23:10

All ova da land, get plenny peopo Dat ack jalike one wahine dat fool aroun behind her husban back, Cuz dey go fool aroun wit da odda gods. Da land get kahuna on top um, Cuz da peopo no do wat dey tell God dey goin do. Az how come da whole land look dry jalike stay mahke. Da places inside da boonies wea get grass, stay dry. Az cuz da guys dat suppose to talk fo God, Dey ony do wat dey like do, an az bad. Dey no use dea powa da right way.

Jeremiah 7:20

“Az why Da One In Charge a me tell: ‘You know wat I goin do to dis place?! I goin come real huhu, an I had it wit wat dis peopo do. Az why da peopo inside dis place hea, an da animals, da trees, an da stuffs dat grow on top da groun—eryting goin burn, an no mo nobody can pio da fire!’ ”

Habakkuk 3:17

No matta da fig tree no mo bud, No matta da grape plant no mo grape, No matta da olive tree no mo olive, No matta da fields no mo food, No matta da sheeps Mahke inside da pens, No matta da pens no mo cows,

Jeremiah 5:31

Da guys dat tell dey talk fo God, Wateva dey tell, dey bulai. Da pries guys make da kine rules dey like. An my peopo like fo eryting stay lidat. But how you guys goin handle Wat goin happen cuz a dat, aah?”

Jeremiah 14:2

“Da Judah peopo stay sad inside. Da big towns no mo biznis. Da peopo sit on top da groun An cry bout da land, jalike get one funeral. All da Jerusalem peopo stay yell fo help.

Jeremiah 5:13

Dea guys dat tell dey talk fo God, dey ony mout. Da One In Charge no tell dem notting. Dey tell dat bad tings goin happen to us guys, But we like wat dey tell, happen to dem!’ ”

Jeremiah 4:28

Az why da peopo all ova da world goin stay sad inside, An da sky up dea goin come dark. Cuz I awready wen tell wat I make one plan fo do, An I no goin change my mind an do someting diffren.”

Songs 50:21

Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.

Jeremiah 12:11

Goin come one wasted place. Make me come sore inside wen I see dat empty land. Da whole land stay bus up Cuz no mo nobody kea bout um.

Joel 1:18

Da cows moan, Dey donno wea dey stay going, Cuz dey no mo grass. Even da sheeps stay suffa.

Amos 1:2

Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”

Zekariah 1:12

Den da firs angel guy from Da One In Charge dat I talk to pray lidis: “You Da One In Charge, Da God Ova All Da Armies. Seventy year awready you stay real huhu wit da Jerusalem peopo. So, how long you no goin show pity fo dem, an fo da peopo inside da odda Judah towns?”

Isaiah 24:4

Da world, jalike stay sad inside, an all dry up. Ery place peopo live, jalike dey stay tired, an all dry up. Da big name peopo, jalike dey all tired too.

Isaiah 24:6

Dass why God put kahuna on top da world Fo burn up eryting dea. All da peopo dat live dea, Dey gotta suffa cuz dey wen do wrong. Dass why, from da ones dat live on top da earth, Ony litto bit peopo stay now.

Jeremiah 9:9

You tink I no need punish dem fo all dis stuff?! I goin punish um! You tink I no need pay back dat kine nation fo dis?! I goin pay um back!” Az wat Da One In Charge tell.