Jeremiah 12:1 - Hawaii Pidgin Bible

¹ “You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Jeremiah 12:1 交叉參考

Malakai 3:15

So den, from now, us guys goin figga, ‘Da peopo dat ack jalike dey mo betta den all da odda peopo an no give a rip bout nobody, dey da ones dat stay good inside.’ Da peopo dat do wass wrong, dey da ones dat come rich! Even wen dey push God fo see if he goin punish dem, notting bad happen to dem!”

Songs 92:7

Dis wat dey no undastan: No matta da bad kine peopo come up All ova da place jalike grass, An all da bad guys Dat stay do wass wrong Look good, Jalike wen da flowas come out, God goin wipe um out, An dey goin stay wipe out foeva!

Songs 37:1

Da guys dat do bad kine stuff, No let dem make you come huhu. An no go tink “I like be Jalike dem guys Dat stay do wass wrong.”

Daniel 9:7

“Boss, you do da right ting erytime. But today, even mo den befo time, us guys get plenny shame an lose face cuz a wat us wen do. Us peopo from Judah an Jerusalem an all ova Israel, no matta we stay nea o far, us wen broke yoa rules an no stay tight wit you. An same ting inside all da odda lands wea you wen make us go.

Job 12:6

Eryting stay quiet inside da tents Wea da guys live dat like bus up eryting. An inside da tents wea da guys live Dat make God come huhu, No mo nobody bodda dem. Az jalike dey carry dea idol kine gods wit dem.

Habakkuk 1:4

Az why da Rules come all jam up, An da judge guys make shua da guys Dat do wass right no win. Da bad kine peopo no let da good kine peopo Do wat dey suppose to do. Da bad guys make da right way come all kapakahi.”

Songs 51:4

Was ony you dat I wen do da bad ting to. Da way you see me, Was no right, da ting I wen do. Eh God, you stay perfeck, An you do da right ting Wen you tell you gotta punish me.

Songs 37:35

One time, I wen see one real bad guy. Erybody sked a him. Da guy look solid, Jalike one tree dat grow good dea Fo one long time.

Zefaniah 3:5

But Da One In Charge, he stay dea inside da town, An he do da right kine tings. He no do wass wrong! Ery morning he judge da peopo da right way. Ery new day he no let nobody down. Still yet, dose peopo dat no do wass right, Dey no mo shame!

Jeremiah 11:20

But you, Da One In Charge, da God Ova All Da Armies, you judge peopo da right way. You know how erybody feel an how erybody tink. I wen tell you eryting fo you take kea me cuz you da Judge. Az why I like you pay back da peopo dat stay make one plan fo kill me.

Jeremiah 12:6

Even yoa braddahs an yoa ohana peopo, Dey stab you in da back. Dey go all out fo talk bad bout you. But no trus dem, no matta dey talk nice to you.”

Jeremiah 5:11

Da Israel ohana an da Judah ohana, Da way dey ack, no way I can trus dem!” Az wat Da One In Charge tell.

Job 13:3

But me, I like talk strait to Da God Dat Get All Da Powa. I like show proof I neva do notting wrong.

Ezra 9:15

You Da One In Charge. You da God fo da Israel peopo. You do wass right erytime. Some a us guys come back hea now, afta we get outa trouble Babylon side. Us guys wen jam up real plenny ova hea. We no can even stan in front you cuz a da shame we get fo wat we wen do!”

Hosea 6:7

“But jalike Adam wen do, dey wen broke da deal dey get wit me. Da way dey ack, I no can trus dem.

Isaiah 48:8

You guys neva hear o know Bout wat I tell goin happen. From long time befo time you no like lissen. “But I know dis fo shua— No can trus you guys fo notting. Erybody know, you guys stay go agains me From da time you born.

Isaiah 41:21

Da One In Charge, da king fo da peopo dat come from Jacob, he tell, “You peopo dat pray to da idol kine gods, I da Judge. How come you no come in front me?! Tell me wat you make argue bout!

Smart Guys 1:32

Da peopo dat easy fo bulai, Dey goin go away from me, Az dea fault Wen dey get all bus up an mahke from dat. Da stupid peopo, dey ack jalike notting bad goin happen, An cuz a dat, someting goin wipe um out.

Songs 145:17

Da One In Charge, eryting he do, He do wass right. An no matta wat he do, He stay tight wit eryting he make.

Songs 119:137

Eh! You Da One In Charge! You erytime do da right ting! Da tings you tell cuz you da judge, Dey pono!

Songs 119:75

Eh! You Da One In Charge! Dis wat I know: Eryting you tell cuz you da judge, Az da right ting. Weneva you punish me, Az cuz dass da right ting fo do.

Rules Secon Time 32:4

God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

Nehemiah 9:33

You wen do da right ting Fo eryting dat happen to us guys. Cuz we can trus you fo do Wat you tell you goin do. But us guys know fo shua Dat we wen do bad kine stuff.

Songs 116:5

Da One In Charge, he like give peopo chance, An he erytime do wass right fo dem. Oua God, he erytime get pity fo dem.

Teacha 8:14

Get anodda ting dat happen on top da earth dat no make sense: Get guys dat do wass right, but dey get punish jalike dey bad kine guys. An get guys dat do bad kine stuff, an dey get wat da guys dat do wass right suppose to get. Fo shua dat no make sense!

Jeremiah 3:7

I wen tink dat afta dey do all dat kine stuff, dey goin come back by me, but dey neva. An da Judah peopo, dey jalike dea sistah guys too. Dey see wat da Israel peopo do, an dey do da same ting an ack jalike one wahine you no can trus too.

Jeremiah 3:20

But you Israel peopo, Da way you guys ack, I no can trus you! You guys ack jalike one wahine dat her husban no can trus, An she dig out from him!’ ” Dass da message from Da One In Charge.

Jeremiah 9:2

Too bad no mo one place inside da boonies Fo me stay dea nite time. Den fo shua I can go way from my peopo An stay ova dea. Cuz all my peopo fool aroun wit odda gods Jalike dey fool aroun wit peopo dat not dea wife o husban. You no can trus dem cuz dey bulai.

Jeremiah 32:16

Afta I give da paypas fo da land to Baruk, Neriah boy, I pray to Da One In Charge lidis:

Sad Song 1:18

Da Jerusalem peopo tell: “Da One In Charge do da right kine ting erytime. But I wen go agains wat he tell me fo do. Lissen, all you peopos! Look how I suffa. My young guys an wahines Wen come prisonas an go one far place.

Ezekiel 18:25

“But you guys tell, ‘Da way da Boss do stuff, az not pono!’ Lissen, you Israel ohana peopo: You guys tink da way I do stuff, not pono? O you da ones dat stay do wass not pono!

Job 8:17

Jalike one plant dat twis dea roots all ova da small stones, An look fo one place fo hang on to da rocks.

Job 24:12

Inside Jerusalem town, da ones dat stay dying, stay moan. An da peopo dat stay hurt yell fo somebody come help dem. But God no lissen wen dey pray.

Job 24:23

Maybe God goin let dem tink dey strong an stay safe, But he watch how dey ack.

Songs 51:6

Fo shua you feel good wen I tell da trut, Even bout da secret kine tings Dat nobody but me know. So help me know fo real kine Wat I gotta do Bout da stuff I stay hide.

Daniel 9:14

You, oua God, dass Da One In Charge, you no wait fo drop da bad kine stuff on top us, cuz you do da right ting erytime. But still yet we no lissen you.

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”