Jeremiah 11:19 - Hawaii Pidgin Bible

¹⁹ Befo Da One In Charge tell me dat, I stay jalike one bebe sheep dat trus da peopo dat lead um out fo kill um, cuz I neva know dey make one plan agains me! Dey tell, “Eh, we goin kill dis Jeremiah buggah an wat he tell, jalike we goin wipe out one tree an eryting dat grow on top um! We goin wipe him out from da land wea peopo live. Den erybody goin foget him an his name!”

Jeremiah 11:19 交叉參考

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Jeremiah 18:18

Some peopo tell: “Eh come! We go make one plan fo kill Jeremiah. Dat way, we not goin throw out da rules da pries guys teach, o throw out wat da guys dat know wat fo do erytime tell us fo do, o throw out da tings da guys dat talk fo God tell. So we goin poin finga Jeremiah an tell wat he do wrong. We no goin lissen him notting!”

Songs 83:4

Dey tell, “Go come! We go wipe out Da whole Israel nation! Fo nobody rememba Da Israel name no moa!”

Songs 31:13

Cuz you know, I hear da bad kine tings Dat plenny peopo tell bout me, An all aroun me, Get stuff dat make me real sked. Get peopo dat come togedda agains me. Dey figga how fo kill me.

Job 28:13

Peopo donno wat az worth, fo know wat fo do erytime. Dey no goin find all dat in dis world wea peopo live.

Songs 27:13

If I neva trus God, den I no goin see How good Da One In Charge stay. But fo shua, I know How good Da One In Charge stay, An fo shua I goin stay alive.

Census 1:14

from da Gad ohana, Eliasaf, Deuel boy;

Isaiah 38:11

I tell, “In dis land, wit da peopo dat stay alive, I no goin see Da One In Charge no moa. I no goin see peopo no moa, O stay wit da ones dat live Inside dis world.

Isaiah 32:7

Da guys dat fool erybody, Eryting dey do, stay bad. Dey make one plan fo do real bad kine stuff. Az how come dey bulai Da peopo dat no mo notting Fo wipe dem out, No matta da peopo dat fo real kine need stuff Even wen dey get um right in front da judge.

Smart Guys 10:7

Wen you rememba all da good peopo Dat you know from long time, Make you feel good inside. But da bad peopo, dey get pilau name So you no like even tink bout dem.

Smart Guys 7:22

Den short time he go wit her, Jalike wen one cow go inside da slaughterhouse, Jalike wen one deer jump right inside one trap,

Songs 116:9

Now, ery place I go, I stay nea Da One In Charge Right hea inside dis world Wea peopo live.

Songs 109:13

Cut off da peopo dat goin come From da guy dat stay agains me. No let nobody even rememba who da guy.

Daniel 9:26

“Afta da sixty-two times seven year, somebody goin kill da one dat God wen pick. He no goin get nobody his side. Goin get one leada dat goin come wit his army. Dey goin wipe out Jerusalem town an da Temple dat stay spesho fo God. Den da end goin come quick, jalike wen one flood come. Goin get war till da end, an erybody goin bag an eryting goin come wipe out.

Songs 142:5

I yell fo you fo help me, Da One In Charge. I tell, “You, da one take kea me Fo nobody hurt me. I get ony you, All da time I live inside dis world!”

Songs 112:6

Fo dat kine guy, no mo notting Goin throw him off. Fo anybody dat do da right ting erytime, Peopo no goin foget dem foeva.

Songs 52:5

But God, he goin smash you So you stay bus up all da time. He goin grab you An drag you outa yoa tent, Fo throw you In da Mahke Peopo Place, Jalike he pull out one plant Wit da roots fo kill um. (Time out fo da music.)

Songs 35:15

Wen dey see me almos fall down, Dey ack jalike dey feel good bout dat. Dey stay come aroun me plenny Fo attack me. Had guys dat I donno, Dat come fo bus me up. Dey try bus me up, An dey no shut dea mout fo notting.

Jeremiah 26:8

But wen Jeremiah pau tell all da stuff Da One In Charge tell him fo tell, da pries guys, da guys dat tell dey talk fo God, an all da peopo grab him, an tell, “You gotta mahke!

Sad Song 3:60

You see how plenny dey pay me back. Dey make all kine plan agains me.

Ezekiel 32:24

“Da Elam peopo stay dea too, an all dea choke plenny peopos aroun da Elam tomb. Dey all get kill wit swords. Dey da ones dat make da peopo sked dat still stay alive. But dey all wen go down jalike da odda peopos dat no mo da mark from God dat show dey his peopo. Dey shame in front erybody, jalike da oddas dat go down inside da Deep Dark Hole.

Smart Guys 24:15

No ack jalike one bad guy An go wait outside da house Wea one guy dat do wass right erytime stay, Fo you jump um an hurt um, Den go jam up da place wea he res.

Jeremiah 1:19

Dey goin fight you, But dey no goin win ova you. Cuz I stay wit you, An I goin get you outa trouble.” Az da message from Da One In Charge.

Hosea 9:8

Da guys dat talk fo my God, Dey da guys dat guard you Efraim peopo. But all ova da place, get traps dat stay ready Fo catch da guys dat talk fo God. Get peopo dat hate dem even inside da Temple Fo God.