Jeremiah 10:25 - Hawaii Pidgin Bible

²⁵ Mo betta you throw yoa huhu On top da nations dat donno you, An wit da ohanas dat donno wat kine god you, An dey no call you fo help dem. Cuz dem, dey kill us peopo dat get Jacob fo oua ancesta, An dey bus up da land wea we live.”

Jeremiah 10:25 交叉參考

Jeremiah 8:16

From da Dan ohana land north side We hear da noise From da horses dat da army guys use dat stay agains us! Wen dea strong horses make noise, All da Judah peopo stay shake an come sked. Da army guys stay come Jalike dey goin eat up da land an eryting inside um, An Jerusalem town an all da peopo dat stay live dea.”

Songs 14:4

Dem guys dat stay do wass wrong, How come dey neva learn notting? Dey still do wass wrong! Easy fo dem eat up my peopo, Jalike easy fo dem eat bread. An dey no pray to Da One In Charge.

Job 18:21

Peopo goin tell, ‘Fo shua, dis wea da peopo dat no do wass right wen live, Da place fo peopo dat donno God!’ ”

2 Tessalonika 1:8

Goin get one big fire dat time. God goin punish da peopo dat donno him, an no like lissen da Good Stuff Bout Da One In Charge a us guys, dass Jesus.

1 Tessalonika 4:5

No take her ony cuz you get da hots fo her, jalike all da diffren kine peopos all ova da world ack cuz dey donno God.

Zekariah 1:15

But I stay real huhu wit da odda peopos dat tink notting bad goin happen to dem. Befo time I stay ony litto bit huhu, but dose guys wen make mo worse tings happen to my peopo.’

Zefaniah 1:6

An I goin wipe out da peopo dat wen bag from me, Da One In Charge, An tell me fo help dem, O try find out from me wass good fo dem do.

Jeremiah 50:17

“Da Israel peopo, dey stay run all ova da place Jalike sheeps an goats wen da lions chase um. Da firs lion fo eat um was da Assyria king. Da nex lion was Nebukadnezzar da Babylon king. He grind da meat off dea bones.”

Jeremiah 50:7

Anybody dat find dose sheeps eat um up! Da ones dat stay agains my peopo tell: ‘Poin finga dem, not us guys, fo us eat um lidat! Cuz was dem, not us, dat wen do bad kine stuff agains Da One In Charge An Da One In Charge, he jalike da fo real kine grass land, He da fo real kine res place fo his sheeps. Da One In Charge, he da One dea ancesta guys wen wait fo.’

Songs 27:2

Weneva da bad kine peopo attack me Jalike fo eat me up, Dey da ones dat goin come tired an fall down, not me.

1 Corint 15:34

Wise up! Tink strait how you suppose to tink! No go do da bad kine stuff no moa! Cuz even get some peopo dat donno God, you know. I stay talk lidis fo make you guys come shame.

Jesus Guys 17:23

Cuz I walk aroun an see all da place you guys go down an pray. I even find one altar place dat get one writing on top um dat tell, ‘Fo Da God Us Donno.’ Now I goin tell you bout da god dat you go down an pray to dat you donno.

John 17:25

Faddah, you erytime do da right ting. But da peopo hea inside da world donno you. I know you, an my peopo, dey know dat you da One wen sen me hea.

Zefaniah 3:8

Da One In Charge tell: “Az why wait fo me, Fo da day I goin stan up fo poin finga da Jerusalem peopo. Cuz I make up my mind awready Fo bring togedda all da peopos an dea kings. An I goin make dem know dat I stay real huhu wit dem. I goin burn up all da peopo inside da world, Cuz I go all out fo no let um go down in front odda gods!

Sad Song 2:22

“Jalike you call da peopo fo come togedda wen get da spesho religious ceremonies, Now you call terroris guys fo come all aroun me fo make me come real sked. Wen you, Da One In Charge, wen stay real huhu, No mo nobody get outa dea o stay alive. Get peopo dat was born from me, an I bring dem up, But da peopo dat stay agains me wipe dem out!”

Isaiah 64:7

No mo nobody know wat kine god you, So nobody call you fo help um. No mo nobody try fo hang in dea wit you, Cuz you no like even look at us guys. You make us lose fight, So da bad kine stuff we do, take ova us.

Isaiah 43:22

“You Jacob ohana peopo! No was me you guys wen aks fo help you. You Israel peopo! You guys neva bus ass an come tired Fo do stuff fo me.

Jesus Show 16:1

Den jalike one dream, I hear one loud voice from da Real Real Spesho Place dat tell da seven angel messenja guys, “Dis da seven bowl dat show dat God stay huhu, an tell ‘Laytas’ to da bad kine stuff da peopo inside da world stay do. Take um, an go pour da stuff inside um on top da earth.”

Songs 69:24

Get mad an punish um plenny! Stay huhu wit dem! No let um run away!

Songs 147:20

He neva do notting lidat Fo da odda peopos. Dey neva find out da tings Da One In Charge tell Cuz he da judge. Tell good tings bout Da One In Charge!

Isaiah 9:12

Da Aram peopo from da east side, An da Filisha peopo from da west side, Dey go agains da Israel peopo An dey win ova um. An Da One In Charge stay huhu wit da Israel peopo still yet, An he stay ready fo bus um up.

Jeremiah 11:1

Dis da message dat come fo Jeremiah from Da One In Charge:

Jeremiah 30:16

Still yet, erybody dat wipe you out, I goin wipe dem out too. Erybody dat stay agains you, Dey all goin come prisonas an go one far place. Erybody dat steal stuffs from you, I goin steal dea stuffs too.