Jeremiah 10:18 - Hawaii Pidgin Bible

¹⁸ Cuz dis da message from Da One In Charge: “Dis wat I goin do right now. I goin throw out you peopo dat live inside dis land. I goin make you guys suffa plenny Fo da odda army guys capcha you.”

Jeremiah 10:18 交叉參考

1 Samuel 25:29

My boss, wen somebody go chase you fo try kill you, fo shua yoa God, Da One In Charge, goin make shua you stay alive! Jalike he take kea all da peopo dat suppose to stay alive, jalike he keep um wit all da odda peopo dat get da real kine life fo dem no get hurt. But he goin make shua da guys dat hate you goin mahke, jalike he use one sling fo throw um far.

Zekariah 1:6

“But long ago, get plenny stuff I wen tell da guys dat wen talk fo me. Get plenny rules dat I wen give dose guys dat work fo me an talk fo me. I tell um all dat, fo dem pass um on to yoa ancesta guys fo dem know wat dey gotta do. An da tings I tell um, dey not jus fo yoa ancestas! My rules wen stay fo dem, an dey still stay true!” Den da peopo wen come sorry. Dey change how dey tink. Dey tell, “Da One In Charge, Da God Ova All Da Armies, he punish us guys fo tings we wen do, an befo time he wen make up his mind he goin do dat.”

Ezekiel 6:10

An dey goin know az me, Da One In Charge, dat stay do all dis. An I no tell dem fo notting dat I goin make happen to dem all dis bad kine stuff.

Jeremiah 23:20

Wen Da One In Charge come huhu, He goin stay huhu Till he pau do eryting he plan fo do from befo time. You guys goin undastan all dis, Bumbye wen da right time come.”

Jeremiah 16:13

Az why I goin throw you guys outa dis land, an bring you inside one land dat you guys an yoa ancesta guys neva know befo time. Ova dea you guys goin work fo odda gods day time an nite time. Cuz I no goin give you guys chance.

Rules Secon Time 28:52

Dey goin put army guys all aroun da big towns inside yoa land, fo nobody go inside o come outside, till da tall strong walls aroun da towns fall down, da ones you guys wen trus fo help you. Dey goin put dea army guys aroun all da towns inside da land dat yoa God, Da One In Charge, stay give you guys.

Jeremiah 22:26

I goin throw you out, an yoa muddah too dat wen born you, an make you go anodda land. You an her neva born ova dea, but you two guys goin mahke ova dea.

Zefaniah 1:17

Me, Da One In Charge, I goin make da peopo come bum out. Dey goin walk jalike dey no can see notting, Cuz dey wen do bad tings agains me, Da One In Charge. Dea blood goin pour out jalike watta. Dea guts goin come out jalike doodoo.

Isaiah 22:17

“ ‘You betta watch out! Da One In Charge stay ready fo grab you An throw you away, you big moke!