James 5:13 - Hawaii Pidgin Bible

¹³ Anybody ova dea by you guys get trouble? Good dey pray! Anybody feel good inside? Good dey sing to God!

James 5:13 交叉參考

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Efesus 5:19

Den you goin talk to each odda wit songs from da Bible, an songs bout God, an da kine song dat God Spirit give you. An you goin sing an play fo Da One In Charge cuz dass how you like do um.

Jonah 2:2

He tell: “Wen I presha out to da max, I wen yell out to you, Da One In Charge, fo help me, An you help me. “Wen I stay inside da fish opu Was jalike inside da place wea da mahke peopo stay. I yell fo help, An you wen lissen me. Was jalike I stay inside da middo a da Mahke Peopo Place.

Hebrews 5:7

Wen Jesus stay hea inside da world, he pray real hard, an he cry real loud, cuz he know dat God can take him outa dea fo him no gotta mahke. An God lissen him, cuz Christ all da time show him respeck, an ony do wat God tell um fo do.

Jonah 2:7

“Wen I feel jalike I goin stay alive ony litto bit moa, I tink plenny bout you cuz you Da One In Charge. I wen pray hard fo you help me Ova dea wea you stay Inside da Temple dass spesho fo you.

Hosea 6:1

Da Israel peopo tell, “Go come, we go back by Da One In Charge. He wen rip us up, But he goin make us come good. He wen wack us guys, But he goin put one bandage on us.

Jesus Show 14:3

Dey sing one new song in front da throne, an in front da four tings dat stay alive an go ery place God go, an da older leadas. No mo nobody can learn da song, ony da 144,000 peopo on top da earth dat God wen pay da price fo get um back fo him, dey can learn um.

Luke 22:44

Jesus suffa plenny, an pray mo hard. He sweat jalike blood drip down on top da groun.

Matthew 26:30

Jesus dem sing one song fo tell God “Mahalo,” an go da Olive Ridge.

Daniel 5:4

Wen dey stay drink da wine from da cups, dey stay talk good bout dea idol kine gods dat dey wen make from gold, silva, bronze, iron, wood, an stone.

Songs 118:5

Befo time wen I get plenny presha, I yell fo Da One In Charge help me. He wen lissen, An he put me wea no mo presha.

Songs 91:15

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

Jesus Show 7:10

Wit one loud voice dey tell, “Oua God an da Bebe Sheep Guy, Dey sit on top da throne. An dey da One dat take us outa da bad kine stuff we stay in.”

1 Corint 14:26

Kay den, my braddahs an sistahs. Wen you guys come togedda, erybody get someting—one song bout God, o someting fo teach, o fo tell someting dat God like tell dat was secret befo time, o someting fo tell in diffren kine language, o dey can tell wat da odda peopo mean wen dey talk diffren kine language. Eryting dey do, gotta be fo make each odda come mo strong inside.

Luke 23:42

An da guy tell Jesus, “Jesus, no foget me wen you come da King!”

Micah 4:5

No matta all da odda peopos know wat kine gods dey live wit, Us guys, we goin stay tight Wit oua God, dass Da One In Charge a us, Cuz we know wat kine god him, foeva an eva.

Songs 105:2

Sing fo him, Make music fo him. Tell ova an ova All da awesome kine tings he do!

Songs 95:2

We go da Temple fo meet him An tell him “Mahalo plenny!” Fo make big noise fo him wen we sing!

Songs 18:6

Wen me get plenny trouble, I yell fo my God, Da One In Charge, help me. Up dea inside God temple inside da sky, He hear me yell to him.

Job 33:26

He tell God wat he need, an God like um cuz he do dat. He come in front God, an yell cuz he stay good inside. God bring him back Fo him get um right wit God, jalike befo time.

1 Records 16:9

Sing fo show respeck fo him! Make music fo him! Sing fo tell bout da awesome kine tings he do!

Isaiah 65:14

My worka guys goin yell plenny, Cuz dey stay good inside. But you guys goin cry plenny, Cuz you stay sad inside, An moan, cuz inside, you donno wat fo do.

1 Corint 14:15

So, wat I suppose to do, aah? I goin pray how I like pray inside, plus, I goin figga inside my head how I goin pray, same time. I goin sing fo God how I like sing inside, plus, I goin figga how I goin sing inside my head, same time.

James 5:10

Eh my braddahs an sistahs! Tink bout da guys dat wen talk fo Da One In Charge long time befo time. Dey wen suffa plenny, but dey wen hang in dea. So, make jalike dem.