James 4:10 - Hawaii Pidgin Bible

¹⁰ No make jalike you mo betta den da odda guys da way Da One In Charge see you. Den, he goin make you come somebody fo real kine.

James 4:10 交叉參考

Songs 147:6

Da One In Charge, Fo da peopo dat no ack big, He help um. But fo da peopo dat stay do wass wrong, Jalike he throw dem down On top da dirt.

Matthew 23:12

Whoeva make jalike he importan, God goin make um not importan. An whoeva make jalike he not importan, God goin make him importan.”

1 Peter 5:6

So den erybody, tink bout da powa God get an no get big head. Den bumbye, wen God like, he goin show dat you guys stay importan.

Luke 14:11

Cuz whoeva make jalike he importan, no goin be importan, an whoeva make jalike he not importan, goin be importan.”

Job 22:29

Cuz God take down da ones dat talk big cuz dey make high makamaka! But da ones dat not lidat, God goin get dem outa trouble.

Songs 113:7

Da peopo dat no can do notting, Da One In Charge pick dem up Outa da dirt. Da peopo dat get hard time, He help dem fo stan up An come outa da rubbish pile.

Luke 1:52

He stay pull down plenny big kings From dea thrones, An he stay make da peopo Dat no mo notting, come importan.

Luke 18:14

Jesus tell, “I tell you, wen dis tax guy go home, he get um right wit God awready. But not da Pharisee guy. Cuz whoeva make jalike he importan goin come not importan, an whoeva make jalike he not importan goin come importan.”

Songs 27:6

So now, I goin be da winna Ova da guys dat stay agains me, Dat stay all aroun me. Weneva I bring animals to God tent fo make sacrifice, I goin sing cuz I feel good inside, An make music fo Da One In Charge.

Songs 30:1

Eh! You Da One In Charge! I stay tell good tings bout you Cuz you get me outa trouble! Da peopo dat stay agains me, You no let dem win ova me An feel good bout dat.

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!

Songs 28:9

Eh! You Da One In Charge! Get yoa peopo outa trouble An give dem da powa fo do Da tings you wen make um fo do, cuz dey yoa guys. So, take kea dem, an back dem up foeva!

Outa Egypt 10:3

So Moses an Aaron go by da Pharaoh guy. Dey tell um, “You betta lissen! Dis wat Da One In Charge tell, da God fo da Hebrew peopo. God tell, ‘Eh! How long you goin tink you no need fo come notting in front me, haa?! Let my peopo go way from hea fo dem make one religious kine ceremony fo me.

1 Samuel 2:7

Da One In Charge make some peopo lose dea stuffs. An he make some peopo come rich too. He make some peopo come jalike dey notting, An he make some peopo come real big time.

2 Records 7:14

If dat kine ting happen, maybe den my peopo, da ones erybody know dey my guys, goin make um come not importan. Dey goin pray an try know me fo real kine. An dey goin no do da bad kine stuff dey wen do no moa. Wen dey do dat, den I goin lissen from da sky. I goin let dem go an hemo dea shame fo da bad kine tings dey wen do. An I goin make dea land come good one mo time.

Job 5:11

He make da peopo dat not importan come importan. He rescue da peopo dat stay sad inside.

Smart Guys 29:23

Anybody dat ack high makamaka, Dey goin come notting cuz a dat. Anybody dat no ack high makamaka, Dey goin get plenny respeck.

Ezekiel 21:26

Dis wat me Da One In Charge, da Boss, tell: Hemo da cloth you wind aroun yoa head fo show you da king! Take off yoa crown! Now, no goin be jalike was befo time. Da peopo dat not importan befo time, dey goin come importan. Da peopo dat importan befo time, dey no goin be importan no moa.