James 3:8 - Hawaii Pidgin Bible

⁸ But no mo nobody can make dea mout do wat dey like um fo do erytime. Yoa mout stay jalike one wild ting. You no can stop tell bad kine stuff, an wat you tell can kill you, you know, jalike da poison.

James 3:8 交叉參考

Rome 3:13

Dea mout real haunas jalike one open grave. Dey bulai wit dea mout. Da poison come from inside dea mout, Jalike one snake.

Songs 140:3

Da stuff dey tell can kill you, Jalike one snake bite. Wen dey open dea mout, Eryting dey tell, Jalike da poison from da cobra snake. (Time out fo da music.)

James 3:6

An da mout jalike one fire. Erybody get mout, but wit yoa mout you can make one diffren kine world, wea eryting stay wrong. Da tings us guys tell wit da mout can make us come bad inside. Cuz wat we tell can make eryting come jalike get one fire stay burn you up inside. An dat kine fire come strait from Hell.

Songs 55:21

Da tings he wen tell soun nice, But inside, he ony like beef. He talk nice kine, But da tings he tell, Jalike one sword fo stab me.

Songs 57:4

Weneva I go sleep, Da peopo dat stay agains me, Dey jalike lions all aroun me Dat like eat peopo, An get sharp teet jalike spears an arrows. Wen dey talk, jalike dey cut me Wit one sharp sword.

Songs 59:7

Look dem ova dea! Dey talk bad plenny. Da tings dey tell, Sharp jalike swords fo hurt peopo. But dey tink, “Eh! no mo nobody goin hear!”

Songs 58:4

Dey jalike poison, Da poison from one snake, Da cobra snake dat make deaf ear.

Teacha 10:11

If one snake bite you Befo da guy dat train snakes teach um fo no bite, Den da snake guy no goin earn notting.

Rules Secon Time 32:33

Da wine dey make, Jalike az poison from snakes, Da kine can kill peopo.

Jesus Show 12:9

Da big Dragon, God throw um outa da sky. Dass da ol snake. Dey call um da Devil an Satan, Da One Dat Stay Agains God. He bulai all da peopo inside da world. God throw him an his angel messenja guys down on top da earth.

Smart Guys 17:20

Da kine peopo dat like do crooked kine stuff, No mo notting goin come good fo dem. Da kine peopo dat erytime like change dea story, Bad tings goin happen fo dem.

James 3:7

Get some peopo dat can make any kine animal do wat da guy like—da kine wild animals, da birds, da lizard, an da animals dat live in da ocean, lidat.