James 3:3 - Hawaii Pidgin Bible

³ Jalike da horse: We put da small bit on da bridle inside dea mout, an dass how we make um go wea eva we like.

James 3:3 交叉參考

Songs 32:9

No ack jalike da horse o da mule Dat no undastan Wea dey suppose to go, You gotta use da bit an da bridle Fo no let um run away.”

Songs 39:1

Dis wat I wen tell: “I goin watch how I live, So I no tell bad kine stuff. I goin make shua I shut my mout Weneva get peopo nea me Dat stay do bad kine stuff.”

James 1:26

If one guy tink he erytime do wat God like, but no hold back his mout, his religion wase time, cuz he stay fooling ony him!

2 Kings 19:28

Cuz wen you come all piss off at me, An I hear you talk like you no give a rip bout notting, I goin put my hook in yoa nose, An put my horse bit inside yoa mout An I goin make you go back Da same way you wen come ova hea!’ ” Dass wat Da One In Charge tell Sennakerib.

Isaiah 37:29

Cuz you stay mad agains me, An I hear how big head you get Cuz you tink you mo betta den me, Me, Da One In Charge, goin make you my prisona Fo do wateva I like you fo do, Jalike I put one hook inside yoa nose, An one bit inside yoa mout, jalike you one horse. An I goin make you go back yoa place On top da same road wea you wen come from.’ ”

James 3:4

Same ting wit da big kine boats. Even if da boat big, da strong winds inside da ocean make um go all ova. But still yet, ony need one small rudda, an da guy dat drive um make da boat go wea eva he like.

Job 41:13

Nobody can take off his skin. Nobody can poke him inside da skin, Cuz he get two laya body armor.