James 3:2 - Hawaii Pidgin Bible

² All us guys, we all jam up plenny. But if get one guy dat no jam up eva wen he talk, dat guy stay all grown up inside, an he know how fo take charge a da way he live an no do bad kine stuff.

James 3:2 交叉參考

1 Kings 8:46

“Bumbye, dis peopo Goin go do bad kine stuff An go agains you. Cuz no mo nobody Dat no do bad kine stuff! Den you goin come huhu wit dem, An let da peopo dat stay agains dem Take da peopo An make dem prisonas An take um away to dea land, O maybe nea yoa land, o maybe far away.

2 Records 6:36

“Bumbye, maybe dey goin do bad kine stuff agains you (cuz no mo nobody dat no do bad kine stuff). Den fo shua you goin come huhu wit dem, an let da peopo dat stay agains dem win ova dem. Den dose guys goin make yoa peopo prisonas, an take dem one land nea hea, o far from hea.

Job 15:13

How come you talk jalike you stay huhu wit God?! How come you let dat kine talk come outa yoa mout?!

Songs 34:13

Make shua you no tell notting bad. Make shua you no bulai nobody Fo get someting from dem.

Songs 39:1

Dis wat I wen tell: “I goin watch how I live, So I no tell bad kine stuff. I goin make shua I shut my mout Weneva get peopo nea me Dat stay do bad kine stuff.”

Smart Guys 10:19

No talk too much! Bumbye you goin tell someting An peopo goin come all huhu wit you. Da guys dat tink firs befo dey open dea mout, Dey undastan real good wat dey suppose to do.

Smart Guys 13:3

Da peopo dat watch how dey talk, Dey stay alive long time cuz a dat. Da peopo dat no kea how dey talk, Dey come wipe out cuz a dea big mout.

Smart Guys 20:9

No mo nobody can tell, “I wen make me clean inside awready! No mo notting bad inside dea! I no do bad kine stuff jalike befo time!”

Smart Guys 21:23

Whoeva take kea wat come outa dea mout wen dey tell, Big kine trouble no goin come to dem.

Teacha 7:20

Get peopo all ova da world Dat do wat da Rules From God tell um fo do, But no mo even one a dem dat do wass right erytime, An no do notting bad eva.

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Prieses 13:39

da pries guy goin tes da guy o da wahine. If da place stay white an shiny an almos no can see um, az ony one rash on top da skin an odda guys no can catch um, an da guy o da wahine can come in front me cuz dey stay pono.

Matthew 12:34

You guys jalike one snake ohana! You guys no good. How you guys goin talk good wen you guys not good, aah? Wateva stay inside you guys, goin come outa you guys mout.

Matthew 12:37

Cuz from wat you tell, da Judge goin let you go, o he goin punish you.”

Rome 3:10

Jalike da Bible befo time tell, “No mo nobody dat do da right ting erytime. No mo even one guy!

Rome 7:21

I figga dis: wen I like do wass good, right dea inside me I like do da bad kine stuff too.

1 Corint 9:27

Jalike I make my body tough an work um hard. No good, if I tell all da odda peopo bout God, an den I jam up an God gotta throw me outa da race.

Galatia 3:22

Da Bible tell dat erybody stay do bad kine stuff an dass jalike dey stay lock up in prison cuz a dat. An dass how come da Bible tell dat dey lock up fo show dat peopo gotta trus Jesus Christ, fo get da kine life God wen promise.

Galatia 5:17

Cuz God Spirit tell “Laytas” to da kine stuff yoa body tell you fo do, an da body tell “Laytas” to da kine stuff God Spirit like you fo do. Dey stay agains each odda. Az why you guys no can do da kine stuff you like fo do.

Colosse 1:28

We stay tell erybody bout Jesus. We tell dem how dey gotta live. An we use eryting us know fo teach dem, fo dem come mo strong inside cuz dey go all out fo stay tight wit Christ.

Colosse 4:12

Epafras, da odda guy from Colosse, he like tell you guys “Aloha!” too. He one worka fo Christ Jesus. He erytime pray hard fo you guys, fo you guys come mo solid inside an know fo shua wat God like you guys fo do.

Hebrews 13:21

So, I like God make you guys ready fo do eryting good dat he like you guys fo do. I like him fo do stuff inside us guys dat make him stay good inside. He do dat cuz Jesus Christ give us da powa dat we need. An I like fo erybody tell how awesome Jesus stay, foeva an eva! Dass it!

James 1:26

If one guy tink he erytime do wat God like, but no hold back his mout, his religion wase time, cuz he stay fooling ony him!

James 1:4

Wen you guys go all out fo hang in dea, dat goin make you guys grow up an come mo strong inside, jalike you suppose to, so dat you guys no need notting moa.

James 2:10

Dis wat I mean: Anybody dat do eryting God tell his peopo dey gotta do, but ony jam up one ting, dey still wen broke all da Rules From God, you know.

1 Peter 3:10

Cuz da Bible tell, “Whoeva like live one good life, An be jalike dat ery day, He gotta no talk bad bout stuff, An no bulai o scam nobody,

1 Peter 5:10

God like do plenny stuff fo all us guys. He wen tell you guys fo come his guys, cuz you guys stay tight wit Christ. An cuz a dat you guys goin come awesome foeva jalike God. Afta you guys suffa one short time, God goin make you guys come mo betta den befo time. He goin make you guys stan up mo strong an come real solid inside so notting shake you up.