Isaiah 7:4 - Hawaii Pidgin Bible

⁴ Tell Ahaz, ‘Watch out, but stay cool. No sked. Inside yoa heart, no lose fight! Fo shua, dose two kings, Rezin fo da Aram peopo, an Remaliah boy, dey stay all hot an huhu. But dey jalike two small stick inside da fire dat litto mo all burn out, but still yet dey get plenny smoke.

Isaiah 7:4 交叉參考

Isaiah 35:4

Tell da peopo dat feel sked, “Come strong! An no sked! Fo shua, yoa God goin show up Wen da time come fo pay back Da ones dat stay agains him! He da One goin come, An get you guys outa trouble!”

Sad Song 3:26

Az good fo wait an stay quiet, Till Da One In Charge get us outa trouble.

Isaiah 30:15

But dis message come from Da One In Charge a me, Da One dat stay good an spesho fo da Israel peopo: “Fo you guys get outa trouble, You gotta come back my side, Fo come so notting bodda you. Fo you guys come strong inside, You gotta stay quiet an trus me.” But you guys still no like lissen!

Rules Secon Time 20:3

He goin tell, “Lissen you Israel guys! Today you guys stay ready fo go fight da peopo dat stay agains you. No lose fight. No sked dem. No come sked an shaking cuz a dem.

Matthew 24:6

You guys goin hear da war dat stay by us guys, an you guys goin hear bout da wars dat stay all ova da odda places. No come all shook up. All dat kine stuff gotta happen, but dat no mean eryting goin come pau yet.

Zekariah 3:2

Da One In Charge tell Da One Dat Stay Agains God, “Me, Da One In Charge. I tell az wrong, wat you stay do! Me, Da One In Charge. I wen pick Jerusalem. An I tell az wrong, wat you stay do! Dis guy Joshua, he jalike one stick dat stay burn, an somebody pull um outa da fire.”

2 Records 20:17

But az not yoa kuleana, fight dis war! Line up, stan strong, an watch how Da One In Charge goin get you guys outa trouble. You Judah an Jerusalem guys, no sked, an no lose fight! Go out fo face dem tomorra, cuz Da One In Charge goin stay wit you guys.’ ”

Amos 4:11

Da One In Charge tell: “I wen wipe out some a da towns wea you guys live, Same ting jalike I wen wipe out Sodom town an Gomorrah town befo time. Some a you guys wen get outa yoa towns alive, aah? Dey jalike sticks dat somebody pull out quick from da fire Dat stay half burn awready. Still yet, you guys no like come back an be my guys!” Dass wat Da One In Charge tell.

Isaiah 30:7

Da Egypt peopo, even if dey try fo kokua da Judah peopo No goin help da Judah peopo notting. Az why I call da Egypt peopo, ‘Da proud fake crocodile Dat ony make plenny noise!’ ”

Isaiah 10:24

Dass da ting Da One In Charge a me tell, Da God Ova All Da Armies: “My peopo dat stay in Jerusalem town, lissen! No sked da Assyria guys! No matta dey beat you guys wit sticks, An pick up dea club fo wack you, Jalike da Egypt guys wen do befo time!

Isaiah 8:4

Az cuz befo dis small boy learn how fo tell ‘Daddy’ o ‘Mama,’ da Assyria army guys goin steal all da rich kine stuffs inside Damascus town an Samaria town. Dey goin bring um to da king fo Assyria.”

Isaiah 7:8

Da main town inside Aram, dass Damascus. Da main guy inside Damascus, dass King Rezin. Befo 65 year pau, Da Israel peopo goin come real bus up, Dey no even goin be one peopo no moa.

1 Samuel 17:32

David tell Saul, “No good erybody lose fight cuz a dis Filisha guy. I work fo you, az why I goin fight um.”

Matthew 10:28

No sked da guys dat can make yoa body mahke, but no can make yoa spirit mahke. But you guys betta come sked a God. He can make yoa body an yoa spirit get cut off from God foeva inside Hell.

Isaiah 41:14

“No sked, you Jacob guys, No matta you no mo powa, jalike one worm. No sked, you Israel guys! I da One goin help you!” Az da spesho message from Da One In Charge, Da Good An Spesho God fo da Israel peopo, Da One dat pay da price Fo get you guys outa trouble.

Isaiah 7:1

King Ahaz was Jotham boy, an Jotham was Uzziah boy. King Pekah fo da Israel peopo was Remaliah boy. One time, King Rezin fo da Aram peopo, wit King Pekah fo help him, wen go fight da Jerusalem town peopo Judah side, wea Ahaz was da king. But dey no even can go nea dea fo start da fight.

Isaiah 7:9

Da main town inside Israel, dass Samaria, Da main guy inside Samaria, dass Remaliah boy. If you guys no stay shua bout dis, Az cuz you no stay solid bout um.”

Isaiah 37:6

Isaiah tell dem, “Go tell yoa boss dis, da ting Da One In Charge tell me awready: ‘No sked cuz a all wat you wen hear, all dat real bad kine stuff da slave guys fo da Assyria king stay tell.

2 Kings 15:27

Wen Azariah (dass Uzziah) stay da Judah king fo fifty-two year, Pekah, Remaliah boy, come da Israel king inside Samaria town. He stay king fo twenny year.

Isaiah 8:6

“Dis Judah peopo tink Dat wat I stay do fo dem, az no good. No matta I do good tings fo dem, Jalike I give um da watta Dat run slow inside da Siloam watta place. But dey ony feel good cuz dey hear Bout wat goin happen To Rezin da king fo Aram, An to Remaliah boy da king fo Israel.

Habakkuk 2:3

Wat I goin show you, Gotta wait fo da right time. Az da trut bout da end. No matta how slow, wait fo um. Goin happen fo shua, but not late. Goin come wen come.