Isaiah 7:3 - Hawaii Pidgin Bible

³ Den Da One In Charge tell Isaiah, “You an yoa boy Shear-Jashub (dat mean, ‘Some peopo goin come back’), go out dea meet King Ahaz. Go by da end a da ditch wea da watta from da Mauka Watta Place go. Go on top da road dat go da field wea dey put da cloth inside da watta an step um fo make um come ready fo dye um.

Isaiah 7:3 交叉參考

Isaiah 36:2

Den da Assyria king Sennakerib sen da territorial govna guy fo dat side, an plenny army guys from Lakish fo go by King Hezekiah inside Jerusalem. Da territorial govna guy stop by da ditch wea da watta from da Mauka Watta Place go, on top da main road dat go da field wea da peopo put da cloth inside da watta an step um fo make um come clean.

2 Kings 18:17

Den da Assyria king sen one a da main general guys, da govmen guy dat stay ova da territorial govna guys, an da territorial govna guy, wit one big army. Dey go from Lakish an go by King Hezekiah in Jerusalem. Wen dey come Jerusalem town, dey stop by da watta ditch dat take da watta to da Mauka Watta Place, by da road fo da field wea dey put da clotheses inside da watta an step um fo make um come clean.

Rome 9:27

Befo time, Isaiah talk fo God inside da Bible. He tell, “Get choke plenny peopo dat get Israel fo dea ancesta guy. Da ohana big, jalike da sand on top da beach, No matta God goin take ony litto bit peopo Outa da bad kine stuff dey do.

Isaiah 6:13

But even if still yet get ten percent a da peopo dat stay on top da land, Da army guys goin come back one mo time An burn eryting. But, jalike da terebint tree an da oak tree still ony get stump Wen somebody cut um down, Da peopo dat still stay dea, Goin come jalike one spesho seed fo God, Jalike da stump dat goin grow one mo time.”

Jeremiah 22:1

Dis wat Da One In Charge tell: “Go down by da palace fo da Judah king. Wen you come ova dea, tell um:

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

Isaiah 10:21

Ony some a da Jacob peopo goin come back hea An trus da Real God dat get all da powa.

2 Kings 20:20

All da odda stuff dat Hezekiah do, an how he make da watta place an da tunnel dey use fo bring watta inside da big town, all dat stay inside da Record Book Fo Da Israel Kings.

Outa Egypt 7:15

Tomorra, morning time, wen da Pharaoh guy go da Nile Riva, you stan right dea nea da riva fo talk to him. Inside yoa hand, take da stick fo walk dat wen come one snake.

Nehemiah 3:16

Afta dem da odda Nehemiah Azbuk boy, dat stay in charge a half da Bet-Zur Districk, fix da wall. He start from across King David Ohana tombs, an go to da watta place dey wen dig befo time, an to da house fo da army guys.

2 Kings 16:1

Wen Pekah, Remaliah boy, stay da Israel king fo seventeen year, Ahaz, Jotam boy, come da Judah king.

Isaiah 22:10

You count da houses inside Jerusalem, Den you broke um down fo get wood an stone Fo make da wall mo strong.

Isaiah 22:11

You guys goin build one new watta place Inside da town walls Fo nobody take da watta From da ol watta place. “But you guys neva even tink bout Da One In Charge, Da One dat wen make all dis happen, Cuz he wen plan um from long time befo time.