Isaiah 3:1 - Hawaii Pidgin Bible

¹ Den Isaiah tell, “Look! Da Boss, Da One In Charge, Da God Ova All Da Armies, He goin take away all da stuff From da peopo inside Jerusalem an Judah, All da stuff dey need fo take kea dem, All da food fo eat an da watta fo drink.

Isaiah 3:1 交叉參考

Prieses 26:26

Wen I take away da food from you guys, ony goin need one oven fo ten wahines bake litto bit bread fo dea ohana, cuz goin get ony litto bit flour. Dey goin bring back da bread fo you guys an weigh um so erybody get same same. You guys goin eat, but you not goin get enuff.

Ezekiel 14:13

“Eh! Fo Real Kine Guy! Maybe da peopo inside one land goin do bad kine stuff cuz dey go agains me an I no can trus um. So den I make fis fo smash um. I cut off dea food so dey no mo notting fo eat, an I kill dea peopo an dea animals cuz no mo notting fo eat.

Isaiah 1:24

Dass why dis wat Da One In Charge, da Boss, tell. He da God Ova All Da Armies, Da Strong One dat help da Israel peopo. Az wat he tell: “I goin fight an win Ova erybody dat go agains me, Fo dem no bodda me no moa! I goin pay back erybody dat stay agains me.

Jeremiah 38:9

“Eh, you my king an you da boss! Dese guys wen do one real bad ting to Jeremiah, da guy dat talk fo Da One In Charge! Dey wen put him down inside one big hole fo watta. He goin mahke down dea cuz no mo notting fo eat. Right now, no mo bread inside Jerusalem town, you know.”

Jeremiah 37:21

Den King Zedekiah tell his guys fo put Jeremiah inside da palace open lanai wea get security guard guys. He tell um fo give Jeremiah one roun bread from da street wea da baker guys make bread, ery day till all da bread inside Jerusalem all gone. Dass how Jeremiah stay inside da open lanai dat get security guard guys.

Isaiah 51:22

Dis, one spesho message from Da One In Charge a you guys, From yoa God, da one dat stay help his peopo: “Look! Now I take away yoa trouble. Befo time, I wen make you guys suffa plenny Cuz I stay huhu wit you guys. Jalike I make you guys drink da wine From inside one bowl, An you no can walk good cuz a dat. But you guys no goin get dat kine trouble From me no moa. No way you goin drink from dat wine bowl Again, no moa.

Isaiah 36:12

But da territorial govna guy tell, “You tink az was ony fo you an yoa boss dat my boss wen tell me fo tell dis stuff? No! He like tell um to all dese guys dat stay sit ova dea on top da wall. Cuz dose peopo, jalike you, goin come hungry an like drink watta, but dey goin eat ony dea doodoo an drink ony dea shishi.”

Isaiah 5:13

Dass why my peopo goin come prisonas An go anodda land, Cuz dey donno notting. Dea importan peopo goin mahke Cuz dey no mo food fo eat, Da odda peopo goin mahke Cuz dey no mo notting fo drink.

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Songs 105:16

Da One In Charge wen make um Fo no mo enuff fo eat All ova da Canaan land. He wen jam up eryting Dey plant fo eat.

Isaiah 3:16

Anodda time, Da One In Charge tell dis: “Cuz da wahines inside Jerusalem, Dey ack high makamaka, Dey walk an hold up dea neck sexy kine. Dey check out guys wit dea eye. Dey walk jalike dey fashion models. Dey wear jangly kine jewel on top dea feets an ankles.

Isaiah 9:20

Ova one side, dey goin steal food an eat, But still yet dey hungry. Ova hea one side, dey eat stuff, But dey no come full. Dey even goin eat dea kids.

Jeremiah 52:3

Cuz a dat, Da One In Charge come real huhu wit da Jerusalem peopo an da Judah peopo. So he throw dem outa da place he stay. Den Zedekiah fight fo no let da Babylon king stay in charge a da Judah peopo.

Jeremiah 52:6

Den, July 18 dat year, no mo food fo da Jerusalem peopo fo eat, an dey suffa plenny.

Sad Song 5:4

Us gotta pay fo drink oua watta, An we gotta pay fo oua wood.

Amos 4:6

Dis wat Da One In Charge a me tell too: “Was me dat wen make da peopo inside ery town hungry to da max! So neva have bread no place. Still yet, you guys no like come back an be my guys.” Dass wat Da One In Charge tell.

Micah 4:9

How come now you guys cry lidat? You guys no mo king, o wat? All da smart guys dat tell you guys wass good fo you do, Dey all gone, o wat? How come you guys squirm an suffa Jalike one wahine dat stay born one bebe?

2 Kings 25:3

Den, July 18 dat year, get hard time, cuz no mo food inside da big town. No mo notting fo da peopo eat.