Isaiah 26:9 - Hawaii Pidgin Bible

⁹ All nite, I fo real kine tink bout you. An morning time, I go all out Fo know you fo real kine. Cuz wen you judge peopo an punish dem, Den peopo all ova da world Goin learn fo do wass right.

Isaiah 26:9 交叉參考

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

Songs 119:62

Late nite time, I get up Fo tell good tings bout you, Cuz weneva you judge peopo, You judge um da right way.

Songs 63:1

Eh God! You da God fo me! I stay look fo you. Me, I go all out fo find you, Jalike I go find watta wen I thirsty! I desperate fo see you, My body come weak, Till I find you! Jalike I stay one place Wea no mo rain an erybody tired Cuz no mo watta ova dea.

Mark 1:35

Real early morning time, wen start fo get light, Jesus get up an go outa da house. He go one place wea no mo nobody, an pray ova dea.

Jesus Show 11:13

Right den an dea da earth start fo shake real hard. An ten percent a da Big Town come wipe out, an seven tousan peopo mahke. Da res a da peopo was real sked, an dey tell dat God dat stay inside da sky, he awesome.

Luke 6:12

Dat time Jesus go up one hill fo pray. He stay dea an pray all nite.

Isaiah 55:6

Go all out fo know Da One In Charge Right now, wen he let you guys meet him. Call him fo help you Now, wen he stay nea.

Smart Guys 8:17

“I get love an aloha fo erybody dat get love an aloha fo me. Erybody dat go look fo me, dey goin find me.

Songs 58:11

Den peopo goin tell, “Fo shua, God do good tings Fo pay da peopo Dat stay do wass right! Fo shua, get one God dat judge Da peopo inside da world!”

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Isaiah 27:9

Dass wat God goin do fo pay da price, Fo hemo da shame fo da Jacob ohana. Dass wat goin happen Wen God throw out all da bad kine stuff dey wen do. Den, God goin make all da stones Inside da altars fo da odda gods Come jalike chalk wen somebody smash um. Da poses wea dey pray to da wahine god Asherah An da altars wea dey burn da incense fo da odda gods, Dey no goin stan dea no moa.

Songs 130:6

I hang in dea an trus my Boss. I feel jalike da army guys Dat guard da town all nite. An dey hang in dea an wait Long time fo day time come,

Songs 64:9

All da peopo goin come sked. Dey all goin talk bout da tings Dat God stay make happen, Dey goin undastan wat God wen do.

Songs 83:18

You, yoa name Da One In Charge! I like dose peopos know Dat no mo anodda god jalike you! You da God Dass Mo Importan Den All Da Odda Gods! You stay in charge a da whole world!

Songs 78:34

But afta God kill some a dea peopo, Da ones dat still stay alive Change dea mind. Dey like know God Jalike dey wen know um befo time.

Songs 63:5

Inside, I feel jalike I get eryting I like, Jalike wen I eat da bestes kine grinds. I goin yell cuz I feel good An tell erybody dat you da bestes!

Songs 105:7

Dass him, Da One In Charge! An he oua God. Wat he tell cuz he da judge Stay true all ova da world.

Songs 119:55

Nite time, same ting, I tink plenny bout wat kine god you, Cuz you Da One In Charge. I stay do wat yoa Rules teach.

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

Sad Song 2:19

Wake up! Yell loud nite time, Wen da watcha guys start fo call. Pour out eryting inside you, jalike watta in front da Boss. Lif up yoa hands an pray to him, fo yoa kids no mahke! Dey stay hungry, so dey pass out at ery street corna.

Sad Song 3:25

Da One In Charge do good tings fo da peopo dat wait fo him, An dat like find out from him wat fo do.

Ezekiel 5:15

Da nations aroun you goin tell how pilau you guys town stay an make fun a you guys town. Dey goin see dat dey betta not make jalike you guys. An dey goin come sked cuz dey no like come jalike you guys afta I punish you guys. I stay huhu, I tell ‘Laytas’ to da stuff you guys do, an I give you guys scoldings. Me, Da One In Charge, I da one tell dis.

1 Records 16:14

Him, oua God, Da One In Charge. He run da govmens all ova da world.