Isaiah 2:6 - Hawaii Pidgin Bible

⁶ Cuz Da One In Charge, you wen leave yoa peopo awready, Da Jacob ohana peopo. Dey lissen da odda peopo from da east side, Babylon side, So now dey even go call da spirit from da mahke peopo Fo come tell um wat goin happen bumbye, Jalike da Filisha peopo stay do. Yoa peopo stay make one deal wit da odda peopos Dat donno you.

Isaiah 2:6 交叉參考

Rome 11:20

Dass wat wen happen, but God hemo dose branches cuz dey no trus him, az why. An you, you graf in cuz you trus God. Eh, no get big head! Mo betta you come sked!

2 Kings 1:2

One time King Ahaziah stay inside his upstairs room inside da Samaria palace, an he fall down an broke da criss-cross kine sticks ova da window. Dat make him fall down thru da window an hit da groun. He hurt plenny. He tell some messenja guys fo go Ekron side an find out from Baal-Zebub, da god fo da Ekron peopo, if he goin come good one mo time, o if he goin mahke cuz a da hurt.

Sad Song 5:20

So, how come you erytime foget us guys? How come you bag from us long time?

Jeremiah 10:2

Dis da message from Da One In Charge. Dis wat he tell: “No go learn how fo do stuff Da way da odda peopos do um. Dose peopos come all sked Wen dey see da star pichas inside da sky, But you guys, no let dat kine stuff make you guys sked.

Isaiah 8:19

Peopo goin tell you, “Go by da wahines dat talk to da mahke peopo, an da guys dat know da kine spirit dat wispa an make small kine noise you no can undastan. Aks dem fo tell you wat goin happen bumbye.” But, eh! Mo betta da peopo go aks dea God wat goin happen, aah?! No make sense talk to da mahke peopo, an tink dat goin help da guys dat stay alive!

Smart Guys 6:1

Eh my boy! If some guy owe somebody money, An you make one promise Dat you goin pay wateva dat guy owe If he no can pay, Even if you donno da guy,

Songs 106:35

Dey marry an come hapa wit da peopos dat stay dea, An learn how fo do Da kine stuff dat dose peopo stay do.

Nehemiah 13:23

Dat time too, I see Jew guys dat wen marry wahines from Ashdod, Ammon, an Moab.

2 Records 24:20

Den Da Spirit from Da One In Charge take ova Zekariah, Jehoiada da pries guy boy. He stan in front da peopo, an tell, “Dis da message from God: ‘How come you guys neva lissen wat me, Da One In Charge, wen tell you guys fo do? No mo notting goin come out good fo you guys. You guys wen bag from me, Da One In Charge! Az how come I bag from you guys!’ ”

2 Records 15:2

Azariah go out fo meet Asa wen Asa come back from fight da Sudan guys. Azariah tell, “King Asa an all you Judah an Benjamin peopo, lissen me! Da One In Charge stay tight wit you guys all da time you stay tight wit him. If you like know him, he goin let you guys come fo know him. But if you bag from him, he goin bag from you guys.

1 Records 10:13

Saul wen mahke cuz he go agains Da One In Charge. He no do wat Da One In Charge wen tell um fo do. He even tell one wahine dat talk to da mahke peopo spirits, fo tell him wat fo do.

Census 23:7

An Balaam tell dis spesho message from God: “Balak wen bring me hea from da Aram land. He da king fo Moab. He call me from da mountains da east side a my land. He tell me, ‘Go come! Put kahuna on top da Jacob peopo fo me! Tell um how mad you stay wit dem!’

Prieses 20:6

“I goin go agains whoeva go look fo da wahines dat talk to da mahke peopo, an da guys dat know how fo find out wat da mahke peopo spirits know. Dey make jalike one hoa wen dey go agains me an follow da odda spirits. I goin cut dem off so dey not my peopo no moa.

Prieses 19:31

“No go look fo da wahines dat talk to da mahke peopo, an no go find da guys dat know how fo find out wat da mahke peopo spirits know. Cuz if you guys do dat, goin make um so you guys no can come in front me. I da One In Charge, yoa God.

Outa Egypt 34:16

Den you goin make one deal wit dem fo yoa boys marry dea daughtahs. But dea daughtahs, dey goin go all out fo do stuff fo dea gods, jalike wen one guy like go all out fo fool aroun one hoa, an dey goin make yoa boys like do da same ting jalike dem fo dea wifes gods.

Outa Egypt 22:18

Any wahine dat put kahuna on top any kine ting, no let her live.

1 Samuel 6:2

Den da Filisha leada guys call dea pries guys an da guys dat aks dea gods wat goin happen. Dey tell, “Wat we goin do wit da box fo Da One In Charge, da Israel god? Tell us guys awready, how we goin sen um back da place wea suppose to stay?”

Isaiah 14:29

Eh! All you Filisha peopo! You betta not stay good inside cuz you tink lidis, “Da king fo da Assyria peopo dat wen bus us guys up, He mahke, an now dey no mo powa!” But da king guys dat goin come Afta da Assyria king mahke Goin be mo worse den him! Cuz jalike you kill one snake, Anodda snake goin come from da firs one Dat can kill you wit poison. An you kill dat one, An goin get anodda snake come from dat one Dat can fly an catch you an bite you.

Jeremiah 12:7

Da One In Charge tell: “I goin leave my ohana an let um hang. I goin bag from da peopo dat stay mines. I goin let da peopo I love Suffa from da guys dat stay agains dem.

Micah 5:12

I goin wipe out all da kahuna kine stuff you guys make. You guys no goin get nobody fo call da spirits Fo come tell you wat goin happen bumbye.

Zefaniah 1:8

Da time wen me Da One In Charge make dat sacrifice, I goin punish da leadas an da king ohana peopo, An all da peopo dat pray to da gods from anodda place.

2 Kings 17:20

Az why Da One In Charge come plenny huhu an cut off da Israel peopo from him. He let da steala guys rip off dea stuffs, all da time till he kick dem outa da land wea he stay.

Micah 5:11

I goin wipe out big towns inside yoa land, An broke down all yoa strong wall.