Isaiah 2:4 - Hawaii Pidgin Bible

⁴ Wen diffren countries figga diffren kine bout someting, Da One In Charge goin be da judge dat tell who a dem stay right. He goin tell wat peopos stay right An wat peopos stay wrong. Den dey goin take dea swords, An make um come plows. Dey goin take dea spears, An make um come knifes fo prune da plants. Dat time, no mo country goin fight anodda country no moa. Dey no even goin know how fo fight an make war no moa.

Isaiah 2:4 交叉參考

Micah 4:3

Den he goin be da judge fo plenny peopos, An show da nations how dey no need fight, No matta how strong o how far dey stay. Dey goin take dea swords An make plow points outa dem. Dey goin take dea spears An make um come knifes fo prune da plants. Dat time, one peopo no goin fight anodda peopo. Dey no goin even learn how fo fight an make war no moa.

Hosea 2:18

Dat time I goin make one deal Wit da wild animals inside da fields, Da birds inside da sky, An da small animals dat move aroun on top da groun. I goin take away da bows an arrows, da swords, an wars from da land. Den erybody can live an no mo notting goin hurt dem.

Zekariah 9:10

He goin take away da war wagons from da Efraim peopo, An da war horses from Jerusalem. He goin broke da bow dey use fo fight. He goin tell da peopos dey gotta come good wit each odda. He goin be da leada from one sea to da odda sea, An from da Eufrates riva to da end a da world.

Isaiah 32:18

My peopo goin stay inside places Wea eryting come good fo dem. Dey goin live inside places Wea dey can stay shua notting bad goin happen, Places wea dey goin res An no need worry bout notting.

Songs 46:9

An all ova da world, He make peopo pau fight So dat no mo war. He broke dea bows fo shoot arrow, An broke dea spears too, An burn up dea shields wit fire.

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Joel 3:10

Make swords from yoa plows. Hamma yoa knifes dat you use fo prune da trees Fo make spear poin outa dem. Tell even da weak guys fo tell, ‘I stay strong!’

1 Samuel 2:10

Dose peopo dat go agains Da One In Charge, he goin smash um down. He even goin make da thunda, dat stay inside da sky, make dem all hamajang. Da One In Charge da One goin judge da peopo all ova da world. “He goin give plenny powa to da guy he wen pick fo be da king. He goin make da guy he wen pick, come mo strong erytime.”

Songs 82:8

Kay den, God! Go fo broke! Go be da judge Fo all da peopo inside da world! All da diffren peopos, dey yoas!

Jesus Show 19:11

Den, jalike one dream, I see da sky open up, an dea in front me get one white horse wit one guy on top him. Dey call dat guy Da One Dat Do Wat He Tell He Goin Do an Da One Dat Tell Da Trut. He erytime do wass right, wen he make jalike one Judge, an wen he lead one army fo fight one war.

Jesus Guys 17:31

He set up one day wen he goin judge erybody inside da world. He goin sen one guy fo judge um da right way. He show dat dis stay true cuz he bring dat guy back alive from mahke.”

Isaiah 9:5

Fo shua, all da boots da army guys wear wen dey fight, An all da clotheses dat get blood all ova um, Dey goin throw all dat kine stuff on top da fire Fo burn um up.

Songs 110:6

He goin punish da diffren peopos. He goin leave dea mahke bodies All ova da place. He goin smash da main leada guys All ova da world.

Songs 96:13

In front Da One In Charge, Cuz he stay come hea! He stay come fo be Da Judge fo da whole world. He goin judge erybody in da world Da right way. He goin show da peopos Wass da trut fo real kine Fo dem trus him.

Isaiah 32:17

An cuz peopo stay do wass right, Dat goin make tings come good fo erybody. An wen dey stay do wass right Dey goin stay quiet an trus God all da time.

Isaiah 33:22

Da One In Charge, he oua Judge. Da One In Charge, he da One give us guys oua rules. Da One In Charge, he da king fo us guys. He da One goin get us outa trouble.

Isaiah 42:1

Da One In Charge tell, “Dis da guy dat work fo me. I kokua him. He da guy I pick awready. I feel good inside cuz a him. My Spirit stay inside him. He goin do wass right Fo all da peopo inside da diffren countries.

Joel 3:12

“Make da nations wake up. Make um go up inside da Jehoshafat Valley, Cuz me, Da One In Charge, I goin sit ova dea, Fo judge all da nations from all aroun dea.

Songs 46:10

He tell: “No fight! No foget dis: Me God! All da diffren nations goin know Dat I da main one. All ova da world Dey goin know dis!”

Isaiah 42:3

Wen somebody crush one bamboo litto bit, He no goin broke um, He goin give chance. Wen one candle almos pau burn, He no goin pio um. You can trus him Fo judge peopo da right way erytime.

Hosea 2:20

I goin marry you an you goin trus me. An you goin know who me fo shua, Da One In Charge.”