Isaiah 11:4 - Hawaii Pidgin Bible4 Dass why he make one good judge Fo da peopo dat no mo notting. Wen dis judge make up his mind, He goin do da right ting fo da peopo all ova da world Dat no tink dey numba one. Da stuff he tell cuz he da judge, Dat goin bus up peopo all ova da world, An wipe out da ones dat do bad kine stuff. 參見章節 |
Isaiah 11:4
50 交叉參考
One sharp kine sword come out from his mout, an he win da war agains all da diffren peopos from all ova da world wit da sword. He goin be King ova dem, an lead dem wit one iron club. Da Guy on top da white horse goin walk all ova da grapes dat make da wine. An dat show dat Da God Dat Get All Da Powa stay huhu, an had it wit da bad kine stuff da peopo stay do.
Da Spirit from my Boss, Da One In Charge, He stay in charge a me, Cuz he wen put oil on top my head Fo show he pick me. He sen me fo tell good kine stuff To da peopo dat odda peopo tink not importan, An fo help da peopo dat feel all bum out Fo dem feel good inside one mo time, Fo tell da ones da army guys wen take to dea country, Dey can go home now, An fo tell all da prisona guys, Da prison stay open now fo dem go.
Da place outside Jerusalem Wea da peopo dat donno God Burn up dea kids Fo make one sacrifice fo dea idol kine gods, From long time, jalike dat place stay ready Fo burn up da Assyria king. Somebody wen dig da burning place Real deep an real wide. Get plenny fire An plenny wood all pile up dea. Wen Da One In Charge blow on top um, Make um start fo burn, Jalike one burning sulfur riva Make da wood pile burn.
He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.
Had guys dat no can see, now dey can see. Had guys dat no can walk, now dey can walk. Had lepa guys, now dey no mo sick. Had guys dat no can hear, now dey can hear. Had guys dat wen mahke, now dey stay walk aroun. Da peopo dat no mo notting, now dey hear all da Good Kine Stuff From God dat I stay teach um.
Even da mos pooa ones from my peopo, Da ones dat no mo notting, Dey goin find food. An my peopo dat get hard time cuz dey need stuff, Dey goin lay down an res, an nobody goin hurt dem. But you Filisha peopo, Yoa mos importan guys goin mahke, Cuz I no let um get notting fo eat. An you odda guys dat still stay alive, You all goin mahke too cuz no mo food.
Wen he breave, jalike one riva Dat run fas, Dat no can stay inside da stream, But reach up to da peopo neck. He shake da peopo inside diffren countries Jalike dey stay inside one straina, An dey no can do notting. Jalike he put one horse bridle inside dea mout Dat make da diffren peopos go da wrong way.
Wen diffren countries figga diffren kine bout someting, Da One In Charge goin be da judge dat tell who a dem stay right. He goin tell wat peopos stay right An wat peopos stay wrong. Den dey goin take dea swords, An make um come plows. Dey goin take dea spears, An make um come knifes fo prune da plants. Dat time, no mo country goin fight anodda country no moa. Dey no even goin know how fo fight an make war no moa.
廣告