Isaiah 1:3 - Hawaii Pidgin Bible

³ Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Isaiah 1:3 交叉參考

Jeremiah 8:7

Even da stork bird Know wen az time fo fly away. An da dove, an da small swallow, an da heron bird, Dey all know wen az time fo go away. But my peopo donno wat stay right fo do No matta Me, Da One In Charge tell um wat dey gotta do.”

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Isaiah 44:18

Dat kine peopo, dey donno notting. Dey no undastan notting. Jalike Da One In Charge put plasta ova dea eye So dey no can see notting An dey no can tink good.

Isaiah 5:12

Dey make big party, Dey get plenny small harp an bass harp, Tammorine, flute, an wine dea. But dey no tink notting bout Da One In Charge, An da tings he do. Wen he show da tings he make wit his hands, Dey no see notting.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Songs 94:8

You guys from oua peopo Israel Dat donno how fo tink notting, Mo betta you undastan! You peopo dat do stupid kine stuff, No good you neva learn wat fo do!

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

2 Peter 3:5

But you know, get one ting dem buggahs make deaf ear bout: Long time befo time, wen eryting wen start, God wen command an get da sky. Den God wen start wit da watta fo make da land an da watta diffren kine. He make da land come up from da watta.

Smart Guys 6:6

Eh, you lazy buggah! Go look da ants. See how dey do stuff, So den you know wat fo do erytime.

Jeremiah 10:14

Peopo, dey stupid. Dey donno notting. Da guys dat make stuff from gold come shame cuz a da idols dey make. Da idol kine gods dey make, dey not da real kine God. Dey no can breave!

Jeremiah 10:8

Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Matthew 13:19

Any guy hear da stuff bout da King in da sky, an no undastan, da Bad Guy come an take away da stuff dat da guy wen hear dat stay inside him. Dass jalike da seed dat fall down by da trail.

Isaiah 5:13

Dass why my peopo goin come prisonas An go anodda land, Cuz dey donno notting. Dea importan peopo goin mahke Cuz dey no mo food fo eat, Da odda peopo goin mahke Cuz dey no mo notting fo drink.

Isaiah 56:11

Da leada guys, dey jalike greedy dogs Dat no get enuff fo eat! But same time, dey da ones Dat suppose to take kea da peopo Jalike da guys dat take kea da sheeps, But dey no undastan notting! All dem turn away An go any place dey like. Dey ony tink fo get eryting fo ony dem.

Ezekiel 16:30

“ ‘Me, Da One In Charge, da Boss, tell dis: Fo shua, inside you goin come weak wen you do all dis kine stuff. You Jerusalem peopo ack jalike one hoa dat get big head an no mo shame!

Daniel 9:11

All da Israel peopo wen make deaf ear fo da rules you wen teach, an go da odda way from you, an tell dat dey no goin lissen you. “Az why, jalike you wen drop on top us guys all da bad tings dat Moses yoa worka guy wen write down inside da rules. You wen make one promise dat dese bad tings goin happen if us guys no do da tings we wen make one deal wit you fo do. All dat bad stuff stay happen to us cuz we do bad kine stuff agains you.

Hosea 2:8

“But she neva know I da one Wen give her da wheat an barley, da new wine, an da olive oil. I da one wen give her plenny silva an gold, Dat her an da guys dat make sex wit her go use um fo da Baal god.

Smart Guys 28:5

Da bad kine peopo, Dey donno how fo judge da right way. But da peopo dat like know Da One In Charge fo real kine, Dey know eryting bout wass right an wass wrong.

Isaiah 42:20

No matta you see plenny stuff, You foget wat you see. No matta yoa ears stay open, You no hear notting.”

Jeremiah 35:16

Da guys dat come from Rekab boy Jonadab, dey lissen wat Jonadab tell um fo do. But dese peopo no lissen me.’

Jeremiah 50:6

“My peopo, dey jalike sheeps dat stay lost. Dea leada guys, jalike sheep guys Dat no give a rip wea dea sheeps go. Wen da sheeps go inside da mountains, Az cuz da sheep guys wen show um da wrong way fo go. Da sheeps wen go from one mountain to anodda hill, An foget wea dea res place stay.