Hosea 9:9 - Hawaii Pidgin Bible

⁹ Dey go all out fo do plenny bad kine stuff, Jalike wen happen long time befo inside Gibeah town. God no foget da blame dese guys get. An he goin punish dem fo all da bad stuff dey do.

Hosea 9:9 交叉參考

Hosea 10:9

Da One In Charge tell, “From da time wen yoa ancesta guys Wen do bad kine stuff Gibeah side, You guys still stay do bad kine stuff jalike dem! Had one war Gibeah side fo attack Da bad guys dat wen live Gibeah town!

Local Leadas 19:16

Wen almos dark, one ol guy from up country Efraim, dat live inside Gibeah, come from working inside his field. (Da peopo from Gibeah, dey from da Benjamin ohana.)

Hosea 8:13

Dey make sacrifices fo me, an dey eat da meat. But fo me, Da One In Charge, no mean notting. So now I no goin foget dat dey get da blame, An I goin punish dem cuz a all da bad kine stuff dey do. Den dey goin go back Egypt side.

Isaiah 31:6

You Israel peopo, go back by Da One In Charge! You wen go agains him, an dass real bad.

Isaiah 24:5

Da whole world, Jalike stay pilau awready Cuz a da peopo dat live dea. Az cuz dey no do da stuff God wen teach um, An broke da Rules— Da deal God wen make wit dem foeva.

Local Leadas 19:12

His boss tell, “No, we no goin go inside one big town wea oua Israel peopo no stay. We go Gibeah.”

Local Leadas 20:43

Da Israel guys make one circle aroun some a da Benjamin guys an chase da oddas east from Gibeah town too.

Jeremiah 14:10

Dis wat Da One In Charge tell bout how his peopo stay: “Dey like go check out any kine place. Dey no pick da right way fo go.” Az why Da One In Charge no like how dey ack. Da way tings stay now, He no goin foget da wrong tings dey stay do. He goin punish dem cuz a da bad tings dey do.

Hosea 4:9

Same same, wat goin happen To da peopo an to da pries guys?! I goin punish all a dem An pay dem back fo da bad kine stuff dey wen do!

Hosea 5:8

“Blow da sheep horn trumpet inside Gibeah! Blow da metal trumpet inside Ramah! Yell fo fight inside Bet-Aven! Lead da army guys, you Benjamin guys!

Hosea 7:2

But dey no tink dat I rememba All da bad kine stuff dey do. Da bad kine stuff dey do still stay all aroun dem. I erytime see da bad kine stuff dey do.

Hosea 9:8

Da guys dat talk fo my God, Dey da guys dat guard you Efraim peopo. But all ova da place, get traps dat stay ready Fo catch da guys dat talk fo God. Get peopo dat hate dem even inside da Temple Fo God.

Zefaniah 3:7

Me, Da One In Charge, I tell da Jerusalem peopo, ‘Fo shua you guys goin get choke respeck fo me now, An lissen wen I teach you how fo do da right kine stuff.’ If dey do dat, den I no need wipe out da place wea dey live, An I no need punish dem all da ways I wen tink bout. But still yet, dey stay amping out Fo do all kine pilau kine stuff.”

Outa Egypt 32:7

Den Da One In Charge tell Moses, “Go back down da mountain quick! Yoa peopo, da one you wen bring outa da Egypt land, dey stay jam up an stay do all pilau kine stuff awready.

Local Leadas 19:22

Wen dey stay feel good, some good fo notting kine guys from da town come aroun da house. Dey poun da door, an yell to da ol guy dat own da house, “Bring out da guy dat come yoa house! Us guys like make sex wit him!”

Ezekiel 21:28

“An you, Real Kine Guy! Go talk fo me. Tell wat me Da One In Charge, da Boss, tell—bout da Ammon ohana peopo, an bout da way dey mout off an make fun a da Israel peopo. Tell um dat get one sword! Da sword come outa da sword bag ready fo kill you Ammon peopo! All polish fo kill cuz dat sword flash jalike da lightning!