Hosea 9:10 - Hawaii Pidgin Bible

¹⁰ Da One In Charge tell: “Was nice, firs time wen I wen find da Israel peopo! Az jalike wen you find grapes inside da boonies. Wen I see yoa ancesta guys, Az jalike I wen find da firs ripe fruits on top one fig tree. But wen dey wen come Baal-Peor, Dey go all out fo dat shame kine idol god ova dea. Dey come shame jalike da idol dey love.

Hosea 9:10 交叉參考

Hosea 4:14

I no goin punish yoa girls Wen dey fool aroun fo money, O yoa daughtah-in-laws Wen dey fool aroun behind dea husban back. Cuz dea guys do da same ting, Dey fool aroun da hoaz too, An make sacrifice wit da hoaz Dat fool aroun inside da temple Fo da idol kine gods. Da peopo no undastan. Az why dey goin come all wipe out!

Jeremiah 11:13

You Judah guys get plenny towns an plenny gods, jalike get one god fo ery town. An you Jerusalem guys put up plenny sacrifice places fo make one shame kine sacrifice, an dose sacrifice places fo da shame kine god Baal, jalike you guys get one sacrifice place fo ery street inside Jerusalem.’

Micah 7:1

Den Micah tell: “Bummahs! I feel jalike one guy dat like go pick up fruits summa time, Afta da harves guys harves um awready. An I no find grapes fo eat, An no mo early figs dat I plenny ono fo eat.

Hosea 2:15

Ova dea I goin give her back her grape fields. I goin make Trouble Valley come Da Place Wea Fo Shua Someting Good Goin Happen. An ova dea she goin sing to me jalike wen she stay young. Jalike da time I bring up outa Egypt.”

Ezekiel 20:8

But dey wen go agains me an no like lissen me. Dey no throw out all dea horraz kine idol gods dat dey like look at. An dey no bag from da idol kine gods from Egypt. So I tell dat I goin show how mad I stay agains dem, an pay dem back befo dey leave da Egypt land.

Amos 4:5

Burn some a da bread you suppose to put wit da sacrifice Fo tell God ‘Mahalo plenny!’ An talk big plenny wen you guys give God someting you no need give. Cuz dass da way you Israel peopo do um cuz you tink dass real importan.” Dass wat Da One In Charge a me tell.

Hosea 11:1

Da One In Charge tell, “Befo da Israel peopo come one nation, dey jalike my kid. I get love an aloha fo all dem. An I call out to all dem, ‘Eh my boy! Go come outa Egypt!’

Jeremiah 31:2

Den Da One In Charge tell dis: “Da peopo dat still stay alive Moses time Afta da Egypt guys try fo kill dem, I wen make dem spesho kine Wen dey stay inside da boonies, An wen dey go from dea fo res inside dea land.”

Jeremiah 5:31

Da guys dat tell dey talk fo God, Wateva dey tell, dey bulai. Da pries guys make da kine rules dey like. An my peopo like fo eryting stay lidat. But how you guys goin handle Wat goin happen cuz a dat, aah?”

Isaiah 28:4

Dat town, da army guys goin take um ova An rip off eryting, No matta da place stay look Jalike one nice looking flowa, On top a da Samaria hill, An stay jalike one real nice haku lei Dat stay come all dry up, Ova one valley wea eryting grow good! Dat town, goin be jalike one fruit dat come ripe early An somebody see um, An right den an dea, Dey grab um an eat um.

Songs 81:12

Me, I let dem do wat dey goin do Cuz dey hard head An dey ony like do Wateva dey tink good fo dem.

1 Kings 16:31

Fo Ahab, az no big ting fo him do da same kine bad kine stuff jalike Jeroboam, Nebat boy. He wen marry Jezebel, her faddah Etbaal, da king fo da Sidon peopo. He wen start fo make da god Baal be his god, an go down an show um respeck.

Local Leadas 6:32

So from dat day da peopo call Gideon “Jerub-Baal,” cuz dey tell, “Let Baal fight him,” cuz Gideon broke down da altar fo Baal.

Rules Secon Time 32:17

You make sacrifice to da aumakua kine spirits. But dat kine spirits, dey not real gods! You guys neva know dose spirits befo time. Dey new kine spirits fo you peopo. Befo time, yoa ancesta guys neva stay sked a dem O show respeck fo dem.

Rules Secon Time 32:10

Da One In Charge wen find da Israel peopo inside da dry boonies, One place wea no mo notting Ony get wild animals stay making big noise. But Da One In Charge stay all aroun da Israel peopo so notting hurt dem. An he take kea dem. He make shua notting hurt dem, Jalike erybody make shua nobody hurt dea eye.

Rules Secon Time 4:3

“You guys see wat Da One In Charge wen do, da time us guys stay Baal-Peor side. Yoa God Da One In Charge wen wipe out from you guys all da peopo dat wen follow da idol kine god Baal, ova dea Mount Peor side.

Census 15:39

You guys goin put da tassels so wen you look at dem, you guys no goin foget all da stuff me Da One In Charge wen tell you guys fo do. Den you guys goin do um, an no go fool aroun fo do all da no good odda stuff dat inside you like do, an dat yoa eyes tell you guys fo do.

Rome 6:21

Wat good kine ting you guys wen get from all dat? Notting! You guys ony get plenny shame weneva you guys tink bout dat. Cuz wen you do bad kine stuff, az you da one get cut off from God cuz a dat.

Songs 115:8

Da peopo dat make idol kine gods, Dey goin come jalike dose gods. Same ting fo all da peopo Dat stay trus dat kine gods.

Jeremiah 3:24

From da time us small kids, Baal, da god dat do shame kine stuff, Eat up all da stuff oua faddahs wen bus ass fo get. He take dea sheeps an goats an cows. An he take dea boys an girls.

Jeremiah 24:2

One basket get real good kine fig, da kine dat come ripe early. Da odda basket get rotten figs, real rotten so nobody eat um.

Hosea 4:18

Even wen dey no mo booze, dey still stay fool aroun. Dea leadas ony like make shame fo real kine.

Census 18:13

All da firs food dey harves from da land fo bring fo me, Da One In Charge, goin be fo you guys. Erybody inside yoa ohana dat can come in front me, can eat um.

2 Kings 17:11

Dey burn incense on top ery sacrifice place dey make on top da hills, jalike da peopos dat Da One In Charge wen kick out wen da Israel peopo come dea. Dey do real bad kine stuff fo make Da One In Charge come huhu.

Love Song 3:6

Eh! Wat dis, dat stay come up from da boonies, Jalike az smoke go up from da groun to da sky? Smell jalike myrrh kine perfume an incense Dat dey make from all da spices dat da trader guys get.

Jeremiah 3:25

Us no goin show face cuz we get plenny shame. Us goin come bum out cuz no mo nobody get respeck fo us! Us an oua ancesta guys, all us wen do bad kine stuff Agains oua God, dass Da One In Charge a us. We do all dat from small kid time till now. We neva lissen wat oua God, dass Da One In Charge a us, tell us!’ ”

Hosea 13:5

I wen take kea yoa ancesta guys inside da boonies, Wea stay real hot an dry.