Hosea 9:1 - Hawaii Pidgin Bible

¹ You Israel peopo, no yell jalike you stay good inside! No ack jalike da odda peopos wen dey amp out. I tell dat cuz you guys no stay tight wit yoa God. Ery place wea peopo split da wheat from da junks, You guys like get money Cuz you fool aroun wit idol kine gods!

Hosea 9:1 交叉參考

Hosea 10:5

Da peopo dat live Samaria town stay bodda inside, Cuz maybe someting bad goin happen To da young cow idol kine gods in Bet-Aven town. Da Samaria peopo goin come sked, An dea pries guys fo da idol kine gods, Dey all goin stay sad bout da calf statue too. Befo time dey wen stay good inside, Cuz da idol stay awesome. But now odda peopo wen take da awesome idol one far place.

Jeremiah 44:17

Fo shua we goin do eryting we tell we goin do. We goin burn incense fo oua wahine god da Queen Inside Da Sky. We goin pour out drink sacrifices fo her, jalike us guys, oua ancesta guys, da king guys, an oua leada guys wen do inside da Judah towns an on top da Jerusalem streets. Befo time, wen we make lidat, we get plenny food, an we stay rich, an we no suffa notting bad.

James 5:1

Eh! You rich peopo! Lissen! Mo betta you cry plenny now, an feel sad! Cuz bumbye, you goin suffa plenny fo shua.

James 4:16

You guys, ony like talk big! Az bad, fo talk big lidat, you know!

Amos 6:13

Get Israel guys dat feel real good inside Cuz dea army guys wen take ova Lo-Debar, da no wort notting town! But dey bulai. Dey tell, “You know wat? Us guys so strong, us wen take ova Karnaim, da muscle town!”

Amos 3:2

He tell: “You guys, you da ony peopo dat I wen pick, From all da ohanas dat get all ova da world! Az why, you da peopo dat I goin punish Fo all da bad kine stuff you stay do.”

Hosea 5:7

Me, Da One In Charge, I no trus dem, Cuz dey go agains me. Dey born kids dat no mo da right fo be my kids. Cuz a dat, wen dey make da spesho religious kine ceremony fo da new moon, Dey goin come wipe out, an dea property too.

Hosea 5:4

Da Israel peopo stay do bad kine stuff, An dat make um so dey no come back by me, dea God. Cuz inside, dey ony like fool aroun wit odda gods. Dey donno me, Da One In Charge.

Hosea 2:12

I goin wipe out her grape plants an her fig trees Dat she tink, ‘Da guys dat make sex wit me wen give me dis fo pay me!’ I goin make her trees grow thick togedda Fo ony da wild animals eat all da fruits.

Ezekiel 21:10

Da sword stay sharp fo kill plenny peopo. An stay polish fo flash jalike da lightning.’ “ ‘Da Judah peopo no can feel good bout dis, cuz my sword no respeck da spesho stick da Judah king carry fo show he da king.

Ezekiel 20:32

“ ‘You guys tell, “We like come jalike da odda peopos from all da diffren lands. Us guys like work fo da idol kine gods dat dose peopo make from wood an stone.” But wat you tink goin happen, no ways goin happen!

Sad Song 4:21

You Edom peopo tink you can stay good inside, You guys dat live inside da Uz land. But bad tings goin happen to you guys too. Jalike you guys goin get piloot, an take off all yoa clotheses.

Isaiah 17:11

No matta you put one fence Da same day you plant um, An da nex morning you make da seed start fo grow, You goin get ony junk kine plants From da seed you plant, Cuz you goin get one sick dat nobody can make come good, An you goin hurt plenny.

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Songs 73:27

I know dis: Da peopo dat no stay nea you, Dey goin come wipe out. Da peopo dat like fool aroun Wit odda gods, you goin wipe dem out.

Amos 4:5

Burn some a da bread you suppose to put wit da sacrifice Fo tell God ‘Mahalo plenny!’ An talk big plenny wen you guys give God someting you no need give. Cuz dass da way you Israel peopo do um cuz you tink dass real importan.” Dass wat Da One In Charge a me tell.

Jeremiah 2:19

Da bad kine stuff you guys do, Dass wat goin punish you guys. Da way you guys make deaf ear to me, Dat show proof awready dat you guys stay wrong. Try tink hard, an you goin know Dat eryting come real bad fo you guys, Jalike you haunas! Az cuz you guys bag from me, yoa God, Da One In Charge, An no show respeck fo me.” Dass da message from Da One In Charge, da God Ova All Da Armies.

Jeremiah 2:20

“Long time befo time you guys wen no do wat I tell you fo do, Jalike one cow dat broke off da yoke fo pull da wagon, An broke da ropes dat tie um. You guys wen tell, ‘Us no goin work fo you!’ Fo shua, unda da trees wit plenny leaf on top ery big hill, You guys ack jalike da wahines Dat make sex dea fo get money.

Ezekiel 16:15

“ ‘But cuz you was nice looking, you wen trus how you look. Cuz erybody know yoa rep, you one hoa. You make nice nice an eye up whoevas pass by you, an sell yoa body to dem fo sex.

Ezekiel 16:30

“ ‘Me, Da One In Charge, da Boss, tell dis: Fo shua, inside you goin come weak wen you do all dis kine stuff. You Jerusalem peopo ack jalike one hoa dat get big head an no mo shame!