Hosea 8:1 - Hawaii Pidgin Bible

¹ Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Hosea 8:1 交叉參考

Hosea 6:7

“But jalike Adam wen do, dey wen broke da deal dey get wit me. Da way dey ack, I no can trus dem.

Rules Secon Time 28:49

“Da One In Charge goin bring one peopo agains you guys from one far place, from da mos far part a da earth. Dey goin come real quick, jalike one eagle dat dive down real fas fo grab one small animal. You no goin undastan dea language.

Hosea 5:8

“Blow da sheep horn trumpet inside Gibeah! Blow da metal trumpet inside Ramah! Yell fo fight inside Bet-Aven! Lead da army guys, you Benjamin guys!

Jeremiah 4:13

“Look! Da army guys, come jalike da clouds. Dea war wagons come jalike one strong wind! Dea horses run mo fas den da eagles fly. Bummahs! Us guys goin come wipe out awready!

Habakkuk 1:8

Dea horses run mo fas den da leopards. Dey mo skery den da hungry wild dogs Wen dey hungry dark time. Wen get war, all dea horses run real fas. Da guys dat ride um come from far away. Dey go jalike one scavenja bird Dat dive down fas fo grab someting fo eat.

1 Corint 15:52

Dis goin happen real fas, mo fas den can blink yoa eye. Goin happen bumbye wen time fo blow da las trumpet. Goin get da noise from da trumpet. Right den, da mahke guys goin come back alive. No way dey goin mahke an come rotten one mo time! Same ting wit us guys, us all goin come diffren.

Matthew 24:28

Wen dat happen, you guys goin know wea I stay. Jalike erybody know wea get someting mahke wen da scavenja birds come togedda ova dea.

Zekariah 11:1

You Lebanon peopo, open yoa gates, Fo da fire burn up yoa cedar trees.

Zekariah 9:14

Den Da One In Charge goin show up ova his peopo. His arrow goin go out jalike lightning. Da Boss, Da One In Charge, Goin blow da sheep horn trumpet. He goin attack jalike he stay riding On top da storms from da south side.

Zefaniah 1:16

One day wen dey goin hear da sheep horn trumpets an yelling fo fight Agains da big towns dat get strong wall, An towas on top da cornas fo da wall.

Amos 9:1

Amos tell: “Jalike one dream, I wen see my Boss. He stan right dea by da altar fo da sacrifice. He tell: “ ‘Go wack da top a da main poses fo da Temple! Till eryting undaneat da poses shake an fall down! Bus um up fo da whole ting fall down! Bring um down on top da head a all da peopo Dat still yet stay inside da Temple! Anybody stay alive still yet, I goin kill um wit da sword. No mo nobody goin get outa dea, No mo nobody goin run way!

Amos 8:3

Da One In Charge a me, he tell dis too: “Wen dat time come, da peopo dat sing inside da Temple no can sing, cuz dey sore inside an stay cry loud. Goin get choke plenny mahke bodies! All ova da place! Take um outside da town! An no talk! Dass wat me Da One In Charge tell.”

Amos 3:6

If somebody blow da war trumpet inside one town, Da peopo dea goin tell, “Wassup?! Watch out!” Weneva bad tings happen inside one town, Az Da One In Charge da One make um happen!

Joel 2:1

Blow da sheep horn trumpet On top Mount Zion! Yell to da peopo on top da hill dat stay spesho fo me, An tell um watch out! Good, dat erybody dat live inside da land goin shake cuz dey sked. Cuz da time stay nea fo Da One In Charge come!

Hosea 9:15

Da One In Charge tell, “Cuz a all da bad kine stuff my peopo wen do Gilgal side, Ova dea I wen start fo hate dem. Cuz a da bad kine tings dey stay do, I goin kick dem outa my land. I no goin love dem no moa. All dea leadas stay go agains me.

Hosea 4:6

My peopo stay coming wipe out Cuz dey donno me. An cuz you pries guys no like know me, Az why I no like let you guys be my pries guys. You guys foget da teaching Dat come from me, yoa God, Da One In Charge, Az why I goin foget yoa kids.

Ezekiel 16:59

“ ‘Dis wat me Da One In Charge, da Boss, tell: I goin punish you Jerusalem guys, da way I suppose to, cuz you neva show respeck fo my strong promise! You guys wen broke da deal you wen make wit me!

Ezekiel 7:14

Da army guys goin blow trumpets an erybody goin get ready, but no mo nobody goin make war cuz I stay huhu wit all dem.

Jeremiah 51:27

“Put up one flag inside da Babylon land! Blow da sheep horn trumpet Fo tell da diffren peopos time fo attack! Make da peopos come spesho fo me Fo dem fight Babylon! Call dese peopos fo go agains Babylon: Ararat, Minni, an Ashkenaz. Pick one officer guy fo take charge agains Babylon. Sen plenny horses jalike az plenny locust kine grasshoppas.

Jeremiah 48:40

Dis wat Da One In Charge tell: “Look! One nation stay come! Jalike one eagle dat dive down fas. Da eagle spread his wings fo attack Moab.

Jeremiah 31:32

No goin be jalike da deal I wen make wit dea ancesta guys, Da time I wen take dea hand An pull um outa Egypt. Cuz dey wen broke dat deal I wen make wit dem, No matta I get da right fo tell dem wat fo do.”

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!

Jeremiah 4:5

Da One In Charge tell: “Tell da Judah peopo! An make da Jerusalem peopo hear dis! ‘Make noise wit da sheep horn trumpet all ova da land!’ Yell real loud an tell, ‘Erybody come togedda! Us guys gotta reach da big towns dat get strong wall!’

Isaiah 58:1

Da One In Charge tell: “Yell real loud! No hold back! Jalike one trumpet, make um loud! Tell my peopo, da one dat come from Jacob, How dey go agains me An do bad kine stuff!

Isaiah 24:5

Da whole world, Jalike stay pilau awready Cuz a da peopo dat live dea. Az cuz dey no do da stuff God wen teach um, An broke da Rules— Da deal God wen make wit dem foeva.

Isaiah 18:3

God tell dis: “All you peopo dat stay live inside da world, Wen I put up my war flag on top da mountains, You goin see um. An wen da trumpet make noise, You goin hear um.”

2 Kings 18:27

But da territorial govna guy tell um, “Wen my boss sen me ova hea fo tell dis stuff, you guys tink az ony fo yoa boss guys, an fo you guys?! You tink no was fo da guys dat stay sit ova dea on top da wall too?! Bumbye, goin come mo bad, dat dey goin eat dea doodoo an drink dea shishi, an you guys goin do da same ting too!”

Joel 2:15

Blow da sheep horn trumpet on top Mount Zion! Tell da peopo fo no eat so dey can pray to Da One In Charge! Tell dem come togedda fo Da One In Charge.

Jeremiah 34:18

Da guys dat broke da deal I wen make, an no do eryting dey tell me dat dey goin do. I goin make to dem jalike dey make to da bebe cow dat dey cut in half, an den walk thru da middo a da pieces, fo make one deal good. I goin do da same ting to dem.

Jeremiah 49:22

Look! One nation stay come! Jalike one eagle dat stay fly high An den come down fas. Da eagle spread his wings fo attack Bozrah town. Dat time, da Edom army guys, Goin suffa, jalike one wahine Dat suffa wen she born one bebe.

Ezekiel 17:3

Tell um, ‘Dis wat Da One In Charge, da Boss, tell: Had one big eagle wit strong wings, long feathers, an plenny odda feathers in all kine colors. He go Lebanon side an grab da top a one cedar tree.

Ezekiel 11:4

Cuz dey ack lidat, go tell dem wat I tell agains dem. Eh! Fo Real Kine Guy, go talk fo me!”