Hosea 6:9 - Hawaii Pidgin Bible

⁹ Da pries guys, dey one gang, Jalike da steala guys dat hide togedda fo jump somebody. Dey kill peopo on top da Shekem road. Dey make plans fo do real bad kine stuff.

Hosea 6:9 交叉參考

Hosea 7:1

Erytime I wen like make da Israel peopo come good, I neva do um! Az cuz a da bad kine stuff da Efraim peopo do, An da crooked kine stuff da Samaria peopo do, All dat kine stuff show up. Dey bulai. Da steala guys bus inside da houses! Gangs wit da bad kine guys rip off peopo on top da streets!

Hosea 5:1

Da One In Charge tell, “Lissen, you pries guys! Lissen good, all you Israel ohana peopo! An lissen, you king an yoa ohana! Wat da judge tell stay agains you guys: You guys wen lead peopo to one trap Mizpah side. An az jalike you spread out one net fo catch peopo at Mount Tabor.

John 11:47

Den da Main Pries guys an da Pharisee guys tell all da Jew leadas fo come togedda. Dey tell, “Dis guy Jesus stay do all kine awesome stuff dat show who him! Wat we goin do?

Mark 14:1

Da spesho religious kine ceremony fo da Bread Dat No Mo Yeast, da time wen dey no put yeast inside da bread fo make um come big. Two days befo da spesho religious kine ceremony an da Passova, da Main Pries guys an da teachas dat teach da Rules From God, dey try fo find one way fo trick Jesus fo bus him an kill him.

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.

Micah 3:9

“Lissen up now, you leada guys dat come from Jacob, An you main guys dat stay in charge a da Israel ohana! You guys tink az pilau, wen da judges judge da right way! You guys take eryting dass right, An make um come all kapakahi.

Ezekiel 22:27

Da Israel leadas ack jalike da wolfs dat rip up animals an make um bleed. Dey wipe out peopo cuz dey greedy fo do wass wrong fo make money.

Ezekiel 22:9

Inside yoa town get guys dat go aroun an tell bulai stories bout peopo fo dose guys go all out fo kill dose peopo. An inside yoa town get guys dat eat sacrifice meat by da altars fo odda gods on top da mountains. Pilau how dey ack!

Jeremiah 11:9

Den Da One In Charge tell me, “Da Judah peopo an da Jerusalem peopo, dey stay make one secret deal wit each odda.

Ezra 8:31

April 19, us leave oua camp nex to da Ahava Watta Ditch fo go Jerusalem. Da God us guys stay pray to like do good tings fo us an help us plenny. Az why God wen take kea us guys all da way dea. Da peopo dat like go agains us guys an da guys dat like jump us, he no let dem hurt us.

1 Kings 12:25

Den Jeroboam make strong da walls fo Shekem town, up country Efraim side. He go dea fo live. From dea, he go ova Peniel side an make strong da walls fo dat town too.

Jesus Guys 4:24

Wen dea peopo hear dat, dey pray togedda lidis: “You Da One In Charge, you da King. You wen make da sky, da earth, an da ocean, an eryting dat stay inside dem.

Ezekiel 22:25

Da Israel princes make plan togedda agains da land. Dey jalike da lion dat make loud noise wen he kill one animal an rip um up. Az jalike da prince guys eat up da peopo. Dey rip off da rich kine stuff dat worth plenny, an make plenny Israel wahines come widows.

Ezekiel 23:27

Az why I goin stop all da shame kine stuff you do, an stop how you fool aroun fo money from da time you stay inside Egypt. You no goin even tink bout dat kine stuff, o rememba Egypt no moa.

Hosea 2:10

So now I goin show erybody how she make shame Wen da guys dat make sex wit her stay watch. Den no mo nobody goin take her outa my powa.

Hosea 4:2

Dose guys put kahuna on top each odda. Dey bulai each odda an murda each odda. An dey rip off peopo. Dey fool aroun behind dea wife o husban back. Dey bus up peopo an kill um one afta anodda.

Hosea 5:2

Da guys dat like fight me, Dey kill plenny peopo. But I goin punish all a dem.

Start 12:6

Den Abram dem start fo go from one side Canaan land to da odda side. Dey come one place, Shekem town. Get one real big tree dea at Moreh, an dey stay dea. Da Canaan peopo dat live ova dea awready go Moreh fo find out wat dea gods like dem fo do.

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.