Hosea 6:7 - Hawaii Pidgin Bible

⁷ “But jalike Adam wen do, dey wen broke da deal dey get wit me. Da way dey ack, I no can trus dem.

Hosea 6:7 交叉參考

Hosea 8:1

Da One In Charge tell, “Blow da sheep horn war trumpet! Da ones dat stay agains dem, Az jalike get one eagle bird stay come down fo attack my Temple. Az cuz da peopo wen broke my deal wit dem. Dey go agains my rules.

Hosea 5:7

Me, Da One In Charge, I no trus dem, Cuz dey go agains me. Dey born kids dat no mo da right fo be my kids. Cuz a dat, wen dey make da spesho religious kine ceremony fo da new moon, Dey goin come wipe out, an dea property too.

Jeremiah 9:6

Wea you live, erybody bulai erybody. An cuz dey bulai, No way dey goin tell dat I dea God.” Az da message from Da One In Charge.

Job 31:33

If I cova ova da bad kine stuff dat I do, Jalike plenny peopo hide um— But I no do dat kine stuff! An if I wen know dat I get da blame, An still hide um inside— But I no mo blame!

Start 3:11

God tell um, “Who wen tell you you stay naked? You wen eat da fruits from da tree, da one I wen tell you fo no eat, o wat?!”

2 Kings 17:15

Dey no do wat God tell um dey suppose to do, an dey no keep da deal dat he wen make wit dea ancesta guys. Wen God tell um bad kine stuff goin happen, dey no lissen. Dey stay tight wit da idol kine gods dat ony wase time, an dey come wase time jalike dea gods too. Dey copy da odda nations aroun dem, no matta Da One In Charge tell um fo no make lidat!

Start 3:6

Da wahine wen look da tree an tink da tree look real good fo get food. She eye up da fruit, an tink, “Ho! Nice looking, da tree! If I take some a da fruits an eat um, I goin come smart an can undastan any kine!” Den she take some a da fruits an eat um. She give um to her husban too, an he eat um wit her.

Hebrews 8:9

No goin be same same jalike da deal Dat I wen make wit dea ancesta guys, Da time I wen hold dea hand Fo bring um outa Egypt. Dem guys, dey neva stick wit da deal I wen make wit dem. Cuz a dat, I no lissen dem.’ Az wat Da One In Charge tell.

Jeremiah 31:32

No goin be jalike da deal I wen make wit dea ancesta guys, Da time I wen take dea hand An pull um outa Egypt. Cuz dey wen broke dat deal I wen make wit dem, No matta I get da right fo tell dem wat fo do.”

Jeremiah 5:11

Da Israel ohana an da Judah ohana, Da way dey ack, no way I can trus dem!” Az wat Da One In Charge tell.

Jeremiah 3:7

I wen tink dat afta dey do all dat kine stuff, dey goin come back by me, but dey neva. An da Judah peopo, dey jalike dea sistah guys too. Dey see wat da Israel peopo do, an dey do da same ting an ack jalike one wahine you no can trus too.

Isaiah 48:8

You guys neva hear o know Bout wat I tell goin happen. From long time befo time you no like lissen. “But I know dis fo shua— No can trus you guys fo notting. Erybody know, you guys stay go agains me From da time you born.

Isaiah 24:16

From da mos far places on top da earth We hear peopo sing, “Da peopo dat do da right ting erytime, Dey look real good!” But me, I tell dis: “Bummahs! Jalike I stay come wipe out! Cuz get peopo, I no trus dem. Dey tell, dey stay my side. But wen I wen trus dem, Dey trick me.

Isaiah 24:5

Da whole world, Jalike stay pilau awready Cuz a da peopo dat live dea. Az cuz dey no do da stuff God wen teach um, An broke da Rules— Da deal God wen make wit dem foeva.

Rome 5:14

Erybody from Adam time till Moses time gotta mahke fo shua, no matta dey neva do da same ting dat God tell Adam fo no do. Still yet, dey wen go do odda kine bad stuff. Az why dey gotta mahke jalike Adam. How was wit Adam, dass how stay fo erybody. Adam set um up fo erybody mahke, but same time he set um up fo Jesus show up bumbye.

Jeremiah 34:18

Da guys dat broke da deal I wen make, an no do eryting dey tell me dat dey goin do. I goin make to dem jalike dey make to da bebe cow dat dey cut in half, an den walk thru da middo a da pieces, fo make one deal good. I goin do da same ting to dem.

Rules Secon Time 31:20

Wen I bring dem inside da land wea get plenny milk an honey erytime, da land I wen make one spesho promise to dea ancestas fo give dem, dey goin eat all dey like an come full, an eryting goin go good fo dem. Den dey goin turn away an go down in front odda gods an work fo dem. Dey goin go agains me, an broke da Deal I wen make wit dem.