7 Me, Da One In Charge, I no trus dem, Cuz dey go agains me. Dey born kids dat no mo da right fo be my kids. Cuz a dat, wen dey make da spesho religious kine ceremony fo da new moon, Dey goin come wipe out, an dea property too.
But you Israel peopo, Da way you guys ack, I no can trus you! You guys ack jalike one wahine dat her husban no can trus, An she dig out from him!’ ” Dass da message from Da One In Charge.
You guys neva hear o know Bout wat I tell goin happen. From long time befo time you no like lissen. “But I know dis fo shua— No can trus you guys fo notting. Erybody know, you guys stay go agains me From da time you born.
I goin stop all her religious ceremonies, Da spesho times she make ery year, Da new moon spesho times, da Res Days, An all da odda spesho religious ceremonies.
Az why you gotta tell um, “Dis wat da Boss, Da One In Charge tell: Eryting I tell no goin take long time fo happen. Eryting I tell goin happen fo real kine. Az wat da Boss, Da One In Charge tell!”
Us go agains Da One In Charge, An show he no can trus us guys. Us no follow oua God. Us tell “Laytas” to him. Us tell peopo az okay Fo make any kine to odda peopo An go agains odda peopo. Us tink how fo bulai peopo, An teach odda peopo how fo do da same ting.
Da peopo from anodda place Stay attack me, So no let dem capcha me. Get me outa trouble. Wen dose peopo talk, No can trus wat dey tell. Wen dey put up dea right hand Fo make one promise, Dey ony bulai.
Da peopo from anodda place Stay attack me, So put down yoa hand From up dea wea you stay, An no let dem capcha me. Get me outa trouble, Cuz dey jalike one flood Dat can wipe me out.
Yoa new moon meetings An yoa odda spesho religious kine ceremonies, Dey no make me feel good. Dey jalike one heavy ting on top my back Dat I gotta carry. I had it wit um awready.
