Hosea 5:6 - Hawaii Pidgin Bible

⁶ Wen dey go wit dea sheeps, goats, an cows, Fo find me, Da One In Charge, Dey no goin find me. Cuz I wen bag from dem awready.

Hosea 5:6 交叉參考

John 7:34

You guys goin look fo me, but you no goin find me, cuz wea I goin go, you guys no can go.”

Smart Guys 1:28

She tell: “Dem guys, let um try yell fo me help dem, I no goin lissen! No matta dey try hard fo find me, Dey no goin find me.

Ezekiel 8:6

An God tell me, “Eh, Fo Real Kine Guy! You see wat dey do? Da Israel ohana peopo stay do supa pilau kine stuff. Dass why I like stay far from dis place dat suppose to be spesho fo me. But you goin see some tings dat even mo pilau!”

Sad Song 3:44

Jalike you cova up wit one cloud, Fo no hear wen we pray to you.

Jeremiah 7:4

Wen you guys hear ova an ova, “Dis hea, az da Temple Fo Da One In Charge, da Temple Fo Da One In Charge, da Temple Fo Da One In Charge!” Az not true, you know! No trus da tings peopo tell you guys. All dat no goin help you guys!

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Luke 5:16

But plenny time Jesus go wea no mo nobody, fo pray ova dea.

Jeremiah 11:11

Az why dis wat me, Da One In Charge, tell: ‘I goin make one real bad kine ting happen to dem, an dey no goin get outa dat. Dey goin yell fo me help um, but I no goin lissen.

Isaiah 66:3

But da odda kine guys, Dey do wat dey goin do, An feel real good inside Wen dey stay do dat kine pilau stuff. Wit dem, wen dey kill one cow fo make sacrifice, Az bad, cuz az jalike dey wen kill one guy. Wen dey kill one bebe sheep fo make sacrifice, Az bad, cuz az jalike dey wen broke one dog neck. Wen dey give one wheat offering, Az bad, cuz az jalike dey wen give pig blood fo make sacrifice. Wen dey burn incense fo God no foget dem, Az bad, cuz az jalike dey stay talk good bout dea idol kine god.

Love Song 5:6

I open da door fo da one dat love me, But he wen turn go way awready. He no stay. My heart drop cuz he no stay. I wen go look fo him, but I no can find him. I call him, but he no ansa me.

Smart Guys 21:27

Wen da bad kine peopo make one sacrifice, Wat dey do, make God real mad. An wen dey make da sacrifice Fo help um do someting real bad, God come mo mad!

Outa Egypt 10:9

Moses tell um, “Erybody goin go, oua young peopo an oua ol peopo too. We goin take oua boys, oua girls, oua sheeps, goats, an oua cows. Cuz fo us guys, dis one spesho religious kine ceremony we make fo Da One In Charge.”

Micah 3:4

Bumbye, dose leada guys goin yell real loud Fo Da One In Charge help dem. But he no goin ansa dem! Dat time he goin hide his face from dem guys, Cuz a all da bad kine stuff dey wen do.”

Ezekiel 8:18

So same ting. Me, Da One In Charge, I real huhu. I goin show how huhu I stay wit dem. I no goin pity dem. I no goin hold back. No matta dey yell loud, I no goin lissen dem.”

Jeremiah 11:14

“Eh Jeremiah! Az why, no pray fo dis peopo no moa! No go yell o beg me fo do stuff fo dem! Cuz I no goin lissen wen bad tings happen an dey yell fo me fo help dem.

Jeremiah 14:12

No matta dey skip food wen dey pray, I no goin lissen wat dey yell to me fo do. No matta dey make burn up kine sacrifices an wheat an barley kine sacrifices, I had it wit wat dey stay do. I goin be da One dat goin wipe dem out cuz a da war, an cuz dey no mo food, an cuz a da real bad kine sick.”

Hosea 8:13

Dey make sacrifices fo me, an dey eat da meat. But fo me, Da One In Charge, no mean notting. So now I no goin foget dat dey get da blame, An I goin punish dem cuz a all da bad kine stuff dey do. Den dey goin go back Egypt side.

Malakai 1:10

Mo betta one a you guys shut da doors fo da sacrifice place. Den you no can go inside fo make da fire on top da altar an make one sacrifice fo me dat ony wase time. All da stuff you guys do, dat no make me feel good inside notting. Dass me dat tell dis, Da One In Charge, Da God Ova All Da Armies. No way I goin take da gifs you guys bring!

Amos 8:12

Dey goin go aroun from da Big Salt Lake To da Mediterranean Sea, An from da north side to da east side. Dey goin go all ova da place, fo aks peopo “Eh! Da One In Charge, wat he stay trying fo tell us guys?” But dey no goin find notting.’