Hosea 5:2 - Hawaii Pidgin Bible

² Da guys dat like fight me, Dey kill plenny peopo. But I goin punish all a dem.

Hosea 5:2 交叉參考

Hosea 9:15

Da One In Charge tell, “Cuz a all da bad kine stuff my peopo wen do Gilgal side, Ova dea I wen start fo hate dem. Cuz a da bad kine tings dey stay do, I goin kick dem outa my land. I no goin love dem no moa. All dea leadas stay go agains me.

Isaiah 29:15

Bummahs! fo da guys dat tink dey can hide dea plans Inside one deep hole, so Da One In Charge donno bout um. Bummahs! fo da guys dat do dea work in da dark an tink, “Nobody goin see us! Nobody goin know!”

Hosea 6:9

Da pries guys, dey one gang, Jalike da steala guys dat hide togedda fo jump somebody. Dey kill peopo on top da Shekem road. Dey make plans fo do real bad kine stuff.

Jesus Show 3:19

Erybody I get love an aloha fo, I show um wea dey no do da right ting, an I help um fo do da right ting. Az why you guys gotta wise up an come sorry fo all da bad kine stuff you do, an no do da bad kine stuff no moa.

Hosea 6:5

Az why I sen da guys dat talk fo me. But you neva lissen wat I tell! An cuz you no lissen dem, I goin cut you guys up Fo kill you wit wat I tell.

Hosea 4:2

Dose guys put kahuna on top each odda. Dey bulai each odda an murda each odda. An dey rip off peopo. Dey fool aroun behind dea wife o husban back. Dey bus up peopo an kill um one afta anodda.

Jeremiah 18:18

Some peopo tell: “Eh come! We go make one plan fo kill Jeremiah. Dat way, we not goin throw out da rules da pries guys teach, o throw out wat da guys dat know wat fo do erytime tell us fo do, o throw out da tings da guys dat talk fo God tell. So we goin poin finga Jeremiah an tell wat he do wrong. We no goin lissen him notting!”

Jeremiah 6:28

Den I tell Da One In Charge: “All dem guys bag from you! Dey stay hard head, Jalike dea head bronze an iron metal. Ery place dey go, dey tell bad kine stuff bout you. All a dem guys make eryting come pilau!

Jeremiah 5:3

Jeremiah tell, “Eh! Da One In Charge, fo shua you look Fo peopo you can trus, aah?! But dese Jerusalem guys, even wen you wack um, Still yet, dey neva feel bad cuz a dat. You wen smash um, But no way dey goin learn fo do wass right. Dey hard head, jalike one rock. Az why dey no like change dea mind An come sorry fo da bad kine stuff dey wen do.

Isaiah 1:5

Eh! How come you guys like Fo God bus up you guys some moa?! How come you guys still stay go agains him?! Yoa head stay sore plenny awready, An inside, you not strong.