Hosea 5:10 - Hawaii Pidgin Bible

¹⁰ Da Judah leada guys ack jalike da steala guys Dat move da stones dat show wea da edge a one field stay. I goin come real huhu wit dem I goin hit um Jalike one wattafall.

Hosea 5:10 交叉參考

Rules Secon Time 19:14

Wen you guys go inside da land dat yoa God, Da One In Charge, stay give you guys fo take ova fo come yoa property, no go move da stone dat show wea da land stay fo da guy dat live nea you. Da peopo dat wen stay dea befo you guys wen put dat stone dea.

Songs 32:6

Cuz a dat, I like tell dis: All da peopo dat stay tight wit you, Good dey pray to you Erytime dey get trouble. Jalike wen da big flood come down, An no hit dem.

Rules Secon Time 27:17

“Da Levi guys goin tell: ‘God goin punish anybody dat move one stone dat show wea anodda guy land stay!’ “All da peopo goin tell, ‘Az right!’

Luke 6:49

But da guy dat hear wat I tell an no do um, he jalike da guy dat build his house on top da groun, but no mo foundation. Da big watta poun um, an dat house fall down an bus up.”

Matthew 7:27

Da rain come, da riva flood, an da wind come from all ova da place an poun da house hard. Az da house dat fall down an come wipe out!”

Ezekiel 7:8

Pretty soon, I goin show how mad I stay agains you guys fo punish you cuz I pau take da stuff you guys do. I da judge goin look how you guys ack, an I goin pay you guys back fo all da pilau kine stuff you do.

Smart Guys 22:28

No go move da property pin dat yoa ancesta guys wen put Fo show wea yoa land end, Fo you steal land from da odda guy.

Smart Guys 17:14

Wen peopo start fo argue, Az jalike you make puka in one dam An let da watta come out an broke eryting. Mo betta make um so notting bodda you, An no say notting, befo you come Jalike one wild animal.

Songs 88:17

All day, da tings you do, Az jalike wen da big watta Come aroun da house, An eryting happen to me All da same time.

Songs 69:24

Get mad an punish um plenny! Stay huhu wit dem! No let um run away!

Isaiah 1:23

Yoa leada guys, dey go agains me. Dey hang aroun wit steala guys. Dey all like get unda da table kine money Fo eryting dey do. Dey no make jalike one good judge Fo kokua da kids dat no mo faddah o muddah. Dey no even tink notting Bout kokua da widow wahines.

Ezekiel 22:22

Jalike peopo melt da silva inside one fire, you guys goin come melt inside da big town. An you guys goin know dass me Da One In Charge wen show how mad I stay agains you guys.”