Hosea 4:5 - Hawaii Pidgin Bible

⁵ You guys trip an fall down day time. An nite time, da guys dat talk fo God trip an fall down jalike you guys. Az why I goin wipe out da Israel nation Dass jalike yoa muddah!

Hosea 4:5 交叉參考

Hosea 2:2

“But now, Tell yoa kids fo scold dea muddah good, (Her, da Israel peopo, you know.) Cuz her not my wife, An me not her husban. Her gotta no look jalike one hoa, An her gotta pau sleep wit odda guys On top her breases.

Jeremiah 15:8

I goin make dem get mo plenny widows Den da ocean get sand. Noon time, I goin bring somebody Fo wipe out da young guys. Right den an dea I goin make dea muddahs Come sore inside an stay real sked.

Galatia 4:26

But get anodda Jerusalem inside da sky, dat come from God fo da peopo dass not slaves. Az jalike oua muddah Sarah, dass not one slave.

Zekariah 13:2

Da One In Charge, Da God Ova All Da Armies, tell: “Dat time, I no goin let nobody use da names fo all da idol kine gods from da land. Nobody goin rememba dose gods no moa. I goin throw out da peopo dat talk fo dose gods, an da pilau kine spirit dat peopo inside dis land get.

Zekariah 11:8

In one month, I throw out three odda guys dat take kea da sheeps. I come tired wit dem, an dey come bum out cuz a me.

Jeremiah 50:12

Az why you Babylon guys, Da town dass jalike da muddah fo you guys. Goin come plenny shame. Da place wea you wen born goin come plenny shame. All da odda countries goin come mo importan den Babylon. No mo nobody goin live dea, Cuz too dry an notting grow dea.

Jeremiah 23:9

Dis bout da guys dat talk fo God. I tink bout Da One In Charge An all da tings he tell cuz he good an spesho. An den I tink bout da guys dat tell dey talk fo God. Make my head come all hamajang inside. Me, jalike my body come real weak. I stay jalike I piloot, Jalike one guy dat no can handle notting, from drink wine.

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Ezekiel 14:3

“Eh! Fo Real Kine Guy! Dese guys wit you, dey tink ony bout dea idol kine gods. Dey like do da kine stuff dat bumbye goin make dem do wass wrong. So, you tink az good fo me let um know wass goin happen, o wat?

Hosea 2:5

Wen dea muddah fool aroun. She come hapai but she no mo shame. She tell, ‘I goin go afta da guys dat make sex wit me, Da ones dat give me my food an watta, My wool, my linen, my olive oil, an my wine.’

Hosea 5:5

“Da Israel peopo get big head, Dat show dat dey get da blame. Da Efraim peopo an da odda Israel peopo, Jalike dey trip an fall down wen dey do bad kine stuff. An da Judah peopo trip an fall down wit dem.