Hosea 3:5 - Hawaii Pidgin Bible

⁵ An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Hosea 3:5 交叉參考

Jeremiah 30:9

But dey goin work fo me, dea God, Da One In Charge, An fo David dea king, Wen I make somebody from David line Come king fo dem.

Isaiah 2:2

Bumbye, wen da world almos pau, God goin make da hill wea da Temple Fo Da One In Charge stay, Come da mos importan place in da whole world, Mo importan den da odda hills. Den all da peopo from odda countries Goin come dea.

Rome 2:4

God get plenny good heart fo you, an he stay hang in dea an wait fo you. An den, you make jalike dass notting? You no tink he like you come sorry an no do da bad kine stuff no moa, o wat?!

Micah 4:1

In da las time, wen Da One In Charge ready fo come king fo da peopo, Da hill wea da Temple Fo Da One In Charge stay now Goin stay solid an be mo importan den all da odda hills. An plenny peopo goin come dea, Jalike da watta dat stay come down in one riva.

Ezekiel 38:8

Long time goin be befo somebody call you fo fight. Bumbye you goin take yoa armies fo go afta da peopo inside da Israel land wea da peopo get war befo time, an den now come good one mo time. Da Israel peopo goin bring back dea peopo from diffren lands, an bring um inside da mountains inside Israel, dat was wasted fo long time. God wen bring dose peopo outa diffren lands, an now dey all goin live dea an stay safe.

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

Jeremiah 23:5

Da One In Charge tell: “An you know wat?! Da time goin come bumbye Wen I goin do dis fo King David: I goin make one guy from King David blood line Come da king. Jalike King David da Root An dis guy da New Branch dat come out from him, One guy dat goin do wass right erytime. He goin be da kine king dat know how come stuff happen. He goin keep all da rules An do wass right inside da land.

Rome 11:25

Braddahs, dis someting you guys gotta know dat was secret befo time. If you undastan um, den you no goin get big head cuz you tink you smart. Dis da secret: Da Israel peopo wen come hard head an neva like trus God, but dey no goin be lidat foeva. Bumbye wen all da peopo dass not Jew guys trus God, den da Jew guys goin trus um too.

Amos 9:11

Plus, Da One In Charge tell dis: “Dis peopo dat had King David fo dea king befo time, Now dey all hamajang, jalike one shack ready fo fall down. But goin come da time, I goin fix up dea land jalike was King David time. Jalike da peopo fix one wall dass all broke an fall down, I goin fix dat wall dat was all bus up An put up da tings dat wen broke. I goin build um jalike was befo time.

Hosea 5:15

Den I goin go back my place, Till dey know dat dey da ones get da blame. Den dey goin turn to me. Cuz dey get trouble, dey goin try real hard fo come tight wit me.”

Hosea 5:6

Wen dey go wit dea sheeps, goats, an cows, Fo find me, Da One In Charge, Dey no goin find me. Cuz I wen bag from dem awready.

Daniel 10:14

Now, I stay come hea fo help you undastan wat goin happen to yoa peopo long time from now. Da ting you see jalike one dream, tell bout one time dat still yet goin come.”

Daniel 2:28

But, get one God inside da sky dat make peopo know da secret tings. King Nebukadnezzar, God wen make you know awready wat goin happen bumbye. Now, I goin tell you wat you wen dream, an tell all da pichas dat you wen see in yoa head wen you lay on top yoa bed.

Ezekiel 38:16

You goin attack my Israel peopo jalike one cloud dat cova da land. All dis goin happen bumbye, long time from now. Dat time, I goin make you Gog come agains my land, an I goin use you fo make da odda peopos know who me! Cuz dass wen I goin show dem dat I stay good an spesho, da way dey goin see me!

Jeremiah 33:17

“Cuz dis wat Da One In Charge tell: ‘David erytime goin get one guy dat come from him an get da right fo be king fo da Israel ohana.

1 Kings 12:16

Wen all da Israel peopo see dat King Rehoboam no stay lissen dem, dey talk back to him. Dey tell um, “Eh! You king guys from da David ohana, You worth notting to us! Us no get notting from da Jesse ohana! Us Israel guys, we goin get outa hea! You David ohana guys Take kea yoa peopo, No bodda us!” So da Israel guys go home.

Rules Secon Time 4:30

Wen all dis kine trouble happen to you guys, an you guys come bum out, bumbye you guys goin come back by yoa God, Da One In Charge, an lissen wat he tell you fo do.

Census 24:14

Kay den, now I goin go back by my peopo. But let me tell you wass good fo you know—I tell wat da Israel peopo goin do to yoa peopo bumbye.”

Jeremiah 33:9

Den plenny peopo goin know wat kine god me cuz a wat goin happen Jerusalem town. Peopo goin stay good inside, talk good bout me, an respeck me plenny. All da diffren peopos on top da earth goin hear bout all da good kine stuff dat I stay do fo da Jerusalem peopo. Dey goin feel real good, cuz a all da good kine stuff I do fo da peopo inside Jerusalem, an cuz I make eryting come good fo dem.”

Jeremiah 30:24

Wen Da One In Charge come huhu, He goin stay huhu Till he pau eryting he plan fo do. You guys goin undastan all dis, Bumbye wen da right time come.

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Isaiah 9:13

Cuz da Israel peopo still yet no lissen An no come sorry fo da bad stuff dey do An no come back to da One dat stay bus um up, An still yet dey no like even find out Wat Da One In Charge, Da God Ova All Da Armies, tell dem fo do.

Isaiah 17:7

Dass da time erybody goin start fo tink Bout da God dat wen make dem. Dey goin start fo look At da One Dat Stay Spesho fo da Israel peopo.

Hosea 1:11

Den da Judah peopo an da Israel peopo goin come back togedda one mo time. Dey goin pick one leada. An dey goin come up outa da land wea dey stay. Dass goin be one real importan time fo da Jezreel peopo, cuz Jezreel mean ‘God plant’ too. God goin plant dem inside dis country one mo time!”

Hosea 11:10

“Bumbye da Israel peopo goin come follow me, Da One In Charge. I goin make one loud noise jalike one lion. Wen I make dat loud noise, My peopo goin come from da islans on da west side, sked an shaking!

Isaiah 60:5

Wen you guys see all dat, You goin smile plenny! You goin shake cuz you feel real good inside, An yoa heart goin beat mo fas. All da kine stuffs da trader guys bring From da odda side a da ocean, Goin be fo you, an not fo odda peopo. An rich kine stuffs goin come fo you guys From all da diffren peopos.

Hosea 6:1

Da Israel peopo tell, “Go come, we go back by Da One In Charge. He wen rip us up, But he goin make us come good. He wen wack us guys, But he goin put one bandage on us.