Hosea 2:8 - Hawaii Pidgin Bible

⁸ “But she neva know I da one Wen give her da wheat an barley, da new wine, an da olive oil. I da one wen give her plenny silva an gold, Dat her an da guys dat make sex wit her go use um fo da Baal god.

Hosea 2:8 交叉參考

Isaiah 1:3

Da cows know who own um, An da donkeys know wea dea owna give um food. But da Israel peopo, dey donno me. Even my peopo no undastan notting bout me.”

Hosea 13:2

Now, dey stay do bad kine stuff mo an moa. Dey cova idol kine gods wit dea silva. Dey know how fo make um real good. But dass ony peopo dat make um. Odda peopo talk bout dem. Dey tell, “Dose peopo dat make da sacrifices to odda gods, Dey kiss da bebe cow statues.”

Hosea 8:4

Dey pick dea kings, but az not da ones I pick. Dey pick princes, but az da ones I no like. Dey make dea idol kine gods from da silva an gold dey own, But da ones dat make um ony goin get wipe out.

Hosea 4:11

wit odda gods. “Dey drink da ol wine an da new wine. Az why my peopo no undastan notting. My peopo aks da idol kine gods dey make from wood Bout wass good fo dem do! Dey tink one stick can tell um Wat goin happen bumbye! Inside, dey ony like fool aroun wit odda gods. Dat make um no lissen me, dea God fo real kine.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Luke 15:13

“Afta dat, da younga boy get all his stuffs, sell his share an take da money, an go one far place. An ova dea he spen um all, cuz he buckaloose.

Habakkuk 1:16

Az why dey make sacrifice fo dea nets, Jalike da nets was gods. Dey burn incense fo dea nets. Cuz dea nets help dem stay rich An eat da bestes kine food.

Hosea 2:5

Wen dea muddah fool aroun. She come hapai but she no mo shame. She tell, ‘I goin go afta da guys dat make sex wit me, Da ones dat give me my food an watta, My wool, my linen, my olive oil, an my wine.’

Daniel 5:23

You go ack jalike you mo importan den da God dat stay king inside da sky. You wen tell yoa guys fo go bring da fancy kine cups an bowls from da Temple fo dat God. Den you, yoa alii guys, yoa real wifes, an yoa odda wifes drink wine from um. An you talk good bout da silva, gold, bronze, iron, wood, an stone gods—no matta dey no can see, hear, o undastan notting. But you neva tell notting bout how awesome da God dat get da powa fo make you stay alive o fo kill you! He da One stay in charge a eryting you do!

Jeremiah 7:18

Da kids get firewood, an dea faddahs make fire, an da wahines lomi da bread dough fo make spesho kine roun breads fo make one sacrifice fo da wahine god dey call da Queen A Da Sky. Dey pour wine on top da altars fo make sacrifice fo da odda gods too, jus fo piss me off.

Isaiah 46:6

Get peopo pour out gold from dea money bag, An weigh dea silva on top da scales. Dey pay one metal worka guy Fo make da gold come one god. Den dey go down an put dea face on top da groun An pray to um.

Local Leadas 9:27

Wen harves time come, da Shekem guys all go out inside dea fields, an bring in da grapes, an step um fo make wine. Den dey make one big party inside da temple fo dea god. Wen dey stay eat an drink, dey put plenny kahuna on top Abimelek.

Hosea 10:1

Befo time da Israel peopo Was jalike one grape plant dat grow an spread all ova. Da fruits, same ting. But wen dey come even mo right, Dey wen build mo plenny altars fo odda gods. Wen da land make even mo fruit, Dey make da kapu stones fo da idol kine gods mo fancy.

Rules Secon Time 8:18

But you guys, no foget dat oua God, dass Da One In Charge a us, he da One dat make you strong fo get rich kine stuffs. Az how he keep da deal he wen make wit yoa ancesta guys, da time he make one strong promise fo give da land to dem, jalike he stay do today.

Ezekiel 23:41

You sit on top one fancy kine bed. Get one table in front da bed wea you put da incense an da olive oil dat stay spesho fo me Da One In Charge.

Daniel 3:1

King Nebukadnezzar wen tell his guys fo make one gold kine statue, ninety feet tall an nine feet wide. Den he tell um, put um up on top Dura wea stay flat.

Hosea 13:1

Befo time wen da Efraim ohana leadas talk, Da odda peopo stay sked an shaking. Had importan peopo inside da Efraim ohana. But laytas, da Efraim guys wen go do someting bad, Cuz dey go down in front da Baal gods, Az why dey goin mahke.

1 Records 29:16

Eh, you oua God, dass Da One In Charge a us! All dis rich kine stuff, we wen make um ready fo build you one temple! Dass how peopo goin know dat you stay good an spesho. An all dis come from you, an you da owna.

Job 19:8

God block my road, so I no can pass. He make my trail come all dark.