Hosea 2:23 - Hawaii Pidgin Bible

²³ I goin plant da Israel peopo inside da land fo be my peopo. I goin show love an pity fo da ones I wen call um Lo-Ruhamah, dat mean ‘nobody pity dem.’ An fo da ones dat I wen call um Lo-Ammi, dat mean ‘dey not my peopo,’ But I goin tell um, ‘Now you my peopo!’ An dey goin tell, ‘You oua God.’ ”

Hosea 2:23 交叉參考

Zekariah 13:9

I goin put da one third a dem inside da fire. I goin burn all da junks outa dem Inside da real hot fire, Jalike peopo do fo silva. I goin tes um out jalike dey do fo gold. Dey goin call me by my name. An I goin talk to dem. I goin tell, ‘Dey my peopo!’ An dey goin tell, ‘Da One In Charge, he oua God!’ ”

Rome 3:29

Kay den. God, he ony fo da Jew guys, o wat? You tink he not God fo da peopo dass not Jew guys too? Fo shua, he da God fo dem too!

Zekariah 2:11

“Dat time, plenny nations goin come tight wit me, Da One In Charge. Dey goin come my peopo. I goin live wit you guys.” An you guys goin know dat Da One In Charge, Da God Ova All Da Armies, he da One wen sen me, Zekariah, by you guys.

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Hosea 1:6

Gomer come hapai one mo time, an born one bebe girl. Da One In Charge tell Hosea, “Give her da name Lo-Ruhamah. Dat mean ‘Nobody pity her.’ Cuz I no goin show pity fo da Israel ohana no moa. An I no goin take away dea blame no moa.

Jeremiah 31:27

Da One In Charge tell: “Da time goin come wen da Israel an Judah land goin get plenny peopo an animals, jalike I wen throw seed all ova da place.

Jeremiah 32:38

Dey goin come my peopo, an I goin come dea God.

Songs 68:31

Ambassada guys goin come from Egypt. Da Sudan peopo goin bring presents fo God.

Jeremiah 16:19

Me, Jeremiah, I pray lidis: “Eh, you Da One In Charge. You da One make me strong! You give me one strong place fo hide! I can run away dea wen get trouble! All da nations all ova da world goin come by you From da mos far places inside da world. Dey goin tell, ‘Fo shua, oua ancesta guys ony get bulaia kine gods, Idol kine gods dat good fo notting. Da idol kine gods neva help dem.’

Songs 118:28

Eh God! You da God fo me! I goin tell good tings bout you. You da God fo me, An I goin tell peopo Dat you da greates!

Zekariah 14:16

Den all da peopo dat still yet stay alive from all da peopos dat wen go agains Jerusalem, dey goin come back ery year fo go down in front da King—Da One In Charge, Da God Ova All Da Armies. Da peopos goin go Jerusalem fo make Da Spesho Religious Ceremony Fo Live In Shacks.

Zekariah 14:9

Erybody goin know Da One In Charge da ony king ova all da world. Dat time he goin be da ony God, an his name, Da One In Charge, goin be da ony name fo pray to.

Songs 72:16

I like fo da land grow Plenny food fo harves, Dat grow food all da way To da mountain tops! I like da land get plenny fruits, Jalike Lebanon! I like fo eryting go good Fo da peopo inside da towns. I like fo da peopo come Jalike wen da grass get flowas All ova da country side!

Zekariah 10:9

No matta I wen scatta dem wea da odda peopos stay, Still yet dey no goin foget me from da lands far away. Dem an dea kids goin stay alive, An dey goin come back.

Love Song 2:16

Da one dat love me, he stay mines, An I stay his. He jalike one deer dat find his food wea da lily flowas grow.

Hosea 8:2

Da Israel peopo call to me fo help. Dey tell, ‘Eh, oua God! Us Israel guys know dat you da One!’

Isaiah 44:5

One guy goin tell, ‘Da One In Charge own me.’ Anodda guy goin tell he one Jacob ohana guy. Anodda guy goin write on top his hand, ‘Da One In Charge own me.’ An tell ‘Call me Da Israel Guy.’ ”

James 1:1

Aloha! Dis me, James, da guy dat work fo God an fo Jesus Christ, Da One In Charge. I stay write dis letta fo God peopo from da twelve Jew ohana, dat stay scatta all ova da world.

Jeremiah 30:22

“Az how you guys goin come my peopo, An me, I goin come yoa God.”

Jeremiah 33:26

An jalike I neva broke dat deal, I no goin broke my deal bout da Jacob ohana, o da peopo dat goin come from my worka guy David! Fo shua I goin pick guys dat come from him, fo stay king fo da peopo dat come from Abraham, Isaac, an Jacob. Az cuz I goin bring um back from prison, an I get love an pity fo dem.”

Ezekiel 36:29

I goin get you guys outa all da bad kine stuff you guys do. I goin bring plenny wheat an barley by you guys, so you no goin be wit no mo food no moa.