Hosea 2:16 - Hawaii Pidgin Bible

¹⁶ Da One In Charge tell, “Dat time, you goin call me, ‘my husban.’ You no goin call me, ‘my boss’ no moa.

Hosea 2:16 交叉參考

Isaiah 54:5

Az cuz fo my peopo, You jalike da wahine dat get husban now— Cuz jalike I yoa husban, Da One wen make you! Me, Da One In Charge, Da God Ova All Da Armies, Dass my name! I da One dat pay da price Fo get you outa trouble, I Da Good An Spesho God Fo da Israel peopo! Da God Fo Da Whole World, Dass wat dey call me!

Hosea 2:7

She goin chase afta da guys dat make sex wit her, But she no goin catch um up. She goin look fo dem, But she no goin find dem. Den she goin tell, ‘Eh! Wase time awready! I goin go back by my firs husban, Cuz wen I stay wit him, Eryting mo betta den now.’

Jeremiah 3:14

Da One In Charge tell dis too: “Go come back by me, you peopo dat like dig out an go way from me. Cuz I yoa husban, dat get da right fo tell you wat fo do. I goin pick some a you guys, one from one town, o two from one ohana, wea eva you stay scatta. I goin bring you guys back to da place dat stay spesho fo me, az Zion.

Jesus Show 19:7

Now we can feel good inside, An dance an sing, An tell how awesome he stay! “Cuz now, get da big luau Fo God Bebe Sheep Guy! Jesus goin take his peopo fo be wit him, An dey stay ready fo stay wit him, Jalike wen da groom marry his bride An she stay ready fo him.”

2 Corint 11:2

Jalike God stay jealous fo you guys, I stay jealous fo you guys too. I wen make one promise to Christ fo him come jalike yoa one husban. Az jalike fo him marry you. You come jalike one bride dat neva sleep yet wit nobody.

John 3:29

“Da groom, he da guy dat get da bride. Da bes man, he stay standing dea, an he stay real good inside wen he hear da groom stay talking. I jalike da bes man, an Jesus, jalike da groom. Dass why I stay real good inside.

Start 34:3

Den he start fo feel plenny love fo Dinah, Jacob daughtah. So he make nice to her.

Local Leadas 19:3

her Levi guy go talk wit her an she like come back. He take wit him one worka guy an two donkeys. She let him come inside her faddah house. Wen her faddah see him, he stay good inside.

Ruth 2:13

Ruth tell Boaz, “Eh boss! You stay real good to me! You wen give me good kine words an you talk to me wit one good heart. Jalike I one a yoa worka wahines, no matta I not, an no can come one a dem.”

Isaiah 40:2

You guys, talk to da Jerusalem peopo An tell all dem Fo dem feel good inside. Tell dem dat da hard work dey wen do Cuz dey owe me plenny, all pau awready. Da bad tings dey wen do, Dey awready get punish fo all dat. Me, Da One In Charge, I wen awready pay dem back double Fo all da bad kine stuff dey wen do.”

Ezekiel 20:35

I goin bring you guys one far place inside da boonies wea da odda nations no can do notting fo make you guys come back by dem. An ova dea, I goin face you guys an show dat you do wass wrong an punish you.