Hosea 2:10 - Hawaii Pidgin Bible

¹⁰ So now I goin show erybody how she make shame Wen da guys dat make sex wit her stay watch. Den no mo nobody goin take her outa my powa.

Hosea 2:10 交叉參考

Ezekiel 23:29

Dey goin come down hard on you cuz dey hate you. Dey goin take away eryting you wen work fo. Dey goin leave you naked, an show erybody how plenny shame you get wen you fool aroun fo money.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

Micah 5:8

All dose guys from da Jacob ohana dat still stay alive, Dey goin stay in da middo a plenny peopos, Dey goin be jalike one lion in da middo a da wild animals inside da fores. An jalike one young lion in da middo a plenny sheeps. He wase um, an no mo nobody dea fo get um outa trouble.

Hosea 2:3

If she no pau make lidat, Den I goin make her come naked Jalike da day she wen born. I goin make her come jalike da boonies An jalike da dry land. An den she goin come thirsty an mahke.

Jeremiah 13:26

Jalike I pull up yoa robe ova yoa face. An erybody goin see yoa shame.

Jeremiah 13:22

Wen you guys start fo tink, “How come all dis stay happen to us?” All dis happen cuz you guys stay do plenny bad kine stuff. Az why dea army guys goin rip off yoa clotheses An rape you!

Isaiah 3:17

I goin put sore all ova dea head. I goin make all da Jerusalem wahines come bolohead.”

Smart Guys 11:21

You betta know dat da bad kine peopo Goin get busted an suffa, But fo da peopo Dat do da right ting erytime, Da ones dat goin come from dem Goin stay outa trouble.

Songs 50:22

You peopo dat ack jalike God no matta, Tink real good Bout all da tings I tell you. Cuz if you no lissen, I goin rip you guys up, An no mo nobody Goin get you outa trouble.

Hosea 6:9

Da pries guys, dey one gang, Jalike da steala guys dat hide togedda fo jump somebody. Dey kill peopo on top da Shekem road. Dey make plans fo do real bad kine stuff.

2 Records 24:7

He tell um dat, cuz Ataliah, dat real bad wahine, her boys wen broke inside da Temple Fo God. Dey even use da stuff dat stay spesho fo Da One In Charge, from inside his Temple, fo da Baal kine gods.

Ezekiel 16:16

You use some a da nice clotheses I wen give you fo make fancy kine sacrifice places fo da idol kine gods. You lay on top da clotheses fo go make sex. Unreals, all dis kine stuff happen!

Ezekiel 16:19

An da food I wen give you, da fancy kine flour, olive oil, an honey dat I wen give you fo eat—az was jalike one sacrifice wit incense dat smell nice, an you put um in front da idol kine gods. Az wat wen happen! Az wat me, Da One In Charge, da Boss, tell.

Hosea 10:1

Befo time da Israel peopo Was jalike one grape plant dat grow an spread all ova. Da fruits, same ting. But wen dey come even mo right, Dey wen build mo plenny altars fo odda gods. Wen da land make even mo fruit, Dey make da kapu stones fo da idol kine gods mo fancy.

Hosea 13:1

Befo time wen da Efraim ohana leadas talk, Da odda peopo stay sked an shaking. Had importan peopo inside da Efraim ohana. But laytas, da Efraim guys wen go do someting bad, Cuz dey go down in front da Baal gods, Az why dey goin mahke.