Hosea 13:7 - Hawaii Pidgin Bible

⁷ Az why I goin make to dem jalike I one lion! Jalike one leopard, I goin stay hide by da road side fo jump um.

Hosea 13:7 交叉參考

Hosea 5:14

Cuz az me, Da One In Charge, Dat punish Israel an Judah. I goin be jalike one lion dat attack da Efraim peopo. Jalike one lion dat go agains da Judah ohana. I goin bus dem up, den go way. I goin drag dem wit me, an no mo nobody goin free um up.

Jeremiah 5:6

Az why da lions from da fores Goin attack dem. Da wild dogs from da up country boonies goin wipe um out. Da leopards goin wait fo dem nea da towns Fo jump whoeva go outside. Dis goin happen cuz dey go agains me ova an ova, An dey go da wrong way plenny times.’ ”

Sad Song 3:10

He wait fo jump me jalike one bear. He hide jalike one lion fo catch me.

Amos 3:8

Wen da lion make big noise, you betta come sked! Wen Da One In Charge a us guys dat talk fo him tell someting, Us guys betta talk fo him!

Amos 3:4

You tink da lion goin make da big noise inside da trees If no mo notting dea fo him kill? Not even! Da young lion not goin growl inside his house If he neva find notting fo catch.

Amos 1:2

Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”

Isaiah 42:13

Da One In Charge, he goin out fo fight Jalike one strong army guy. Jalike one army guy he stay ready fo fight, An he yell. He stay huhu, an he yell fo start fo fight Da guys dat stay agains him, An he goin be da winna ova dem!

Jesus Show 13:2

Da Wild Animal I see look jalike one leopard, but he get feets jalike one bear, an da mout jalike one lion. Da Dragon give da Wild Animal his powa, an his throne, an da right fo take charge a da peopo wit him.

Job 10:16

If I ack proud, you go afta me jalike one lion. Ova an ova, you show yoa awesome powa agains me.

Jeremiah 25:38

Jalike one lion leave da place wea he stay hide fo hunt, Da One In Charge goin go out lidat too! Az why dat land goin come one skery place fo live. Cuz da guys dat like put presha on dem, Goin bus um up wit swords, An cuz Da One In Charge stay real huhu.”