Hosea 13:5 - Hawaii Pidgin Bible

⁵ I wen take kea yoa ancesta guys inside da boonies, Wea stay real hot an dry.

Hosea 13:5 交叉參考

Rules Secon Time 32:10

Da One In Charge wen find da Israel peopo inside da dry boonies, One place wea no mo notting Ony get wild animals stay making big noise. But Da One In Charge stay all aroun da Israel peopo so notting hurt dem. An he take kea dem. He make shua notting hurt dem, Jalike erybody make shua nobody hurt dea eye.

Rules Secon Time 8:15

He da One wen lead you guys thru da big an skery boonies, wea get poison kine snakes an scorpions. Wen you guys was thirsty an no mo watta dea, he make watta come out from inside one real hard stone fo you guys drink.

Rules Secon Time 2:7

An Moses tell, “Cuz oua God, Da One In Charge, do plenny good stuff fo us guys, an make eryting us guys make come out good. He take kea us guys inside da big boonies. He stay wit us guys fo all dis forty year, an us neva need notting eva.

Galatia 4:9

But now, you guys know God. Mo betta, God know you guys. So how come you guys go back an like stay tight wit da spirits dat stay junk an not strong? Dey like make you guys jalike dea slaves one mo time.

Nahum 1:7

Da One In Charge, he good! He jalike one place fo hide wen get trouble. He take kea da peopo dat trus him.

Songs 142:3

Wen I come weak inside, Still yet, you da one dat know Da way fo me go. Cuz wea I walk, Az jalike peopo hide traps dea.

Songs 63:1

Eh God! You da God fo me! I stay look fo you. Me, I go all out fo find you, Jalike I go find watta wen I thirsty! I desperate fo see you, My body come weak, Till I find you! Jalike I stay one place Wea no mo rain an erybody tired Cuz no mo watta ova dea.

Outa Egypt 2:25

God see da Israel peopo an he know wat he gotta do fo dem.

1 Corint 8:3

But if somebody get love an aloha fo God, God know dem, an dass wass importan.

Jeremiah 2:6

Dey neva even tink fo aks, ‘Wea Da One In Charge stay, Da One dat wen bring us guys hea outa Egypt? He da One wen bring us guys thru da boonies Wea up country eryting dry, An get plenny gulch wea no mo watta, An get real dark kine place wea can mahke. Wea no mo nobody go thru dea, An no mo nobody live ova dea.’

Jeremiah 2:2

“Go tell dis Fo all da peopo inside Jerusalem hear you. Da One In Charge tell, ‘I no foget how you guys was, young time. You guys was real tight wit me, Jalike one bride dat get plenny love an aloha fo da guy she marry. You guys wen stay tight wit me all da way thru da boonies, Even da places wea no can plant seeds notting.

Songs 31:7

You stay tight wit me cuz I yoa guy, An dass how come I goin stay Real good inside. Cuz you wen see how I stay All sore inside, An you know da hard times I get.

Songs 1:6

Cuz Da peopo dat stay right Wit Da One In Charge, He know wat dey stay do. But Bummahs fo da peopo Dat broke his Rules!

Start 31:40

Dis how was: I work day time wen too hot fo work, an nite time wen come real cold, an I no can sleep.

Hosea 5:3

I know eryting bout you Efraim peopo. You Israel peopo, You guys no can hide notting from me. You Efraim peopo, you fool aroun plenny. You Israel peopo do plenny pilau kine stuff.

Hosea 9:10

Da One In Charge tell: “Was nice, firs time wen I wen find da Israel peopo! Az jalike wen you find grapes inside da boonies. Wen I see yoa ancesta guys, Az jalike I wen find da firs ripe fruits on top one fig tree. But wen dey wen come Baal-Peor, Dey go all out fo dat shame kine idol god ova dea. Dey come shame jalike da idol dey love.