Hosea 12:5 - Hawaii Pidgin Bible

⁵ Da One In Charge, he da God Ova All Da Armies. Da One In Charge, nobody foget who him!

Hosea 12:5 交叉參考

Outa Egypt 3:15

God tell Moses fo tell da Israel peopo: “Da One In Charge, he da same God dat yoa ancesta guys wen pray to. He da God fo Abraham, fo Isaac, an fo Jacob. Was him wen sen me by you guys. “An no foget, Da One In Charge, Dass my name foeva! Dass how you goin teach yoa kids Fo no foget who me, An same ting fo dea kids, foeva!

Isaiah 42:8

“Me, Da One In Charge. Dass my name—‘Da One Dat Stay’! I no goin let nobody tink Dey awesome jalike me. I no goin let da peopo tell good kine stuff Bout da idol kine gods Jalike dey tell bout me.

Songs 135:13

Eh! You Da One In Charge! Peopo goin know who you, foeva! All da peopo dat goin come bumbye, All dem no goin foget you, Da One In Charge!

Start 32:30

Jacob give dat place da name Peniel, dat mean, “God face.” Cuz he tell, “I wen see God! I wen look his face, an I alive still yet!”

Start 28:16

Den Jacob wake up. He tell, “Fo real, Da One In Charge stay dis place! An me, I neva know!”

Songs 30:4

Eh! All you peopo Dat stay tight wit Da One In Charge! Sing to him! Tell dat you know wat kine god him, Cuz you guys no foget Dat Da One In Charge stay good an spesho.

Start 35:9

God show up fo Jacob wen Jacob stay coming back from da Paddan-Aram land. God tell Jacob he goin do someting spesho fo him.