Hosea 11:7 - Hawaii Pidgin Bible

⁷ My peopo go all out fo tell ‘Laytas’ to me. Even wen dey call me Da Mos Importan God, Dey no mo respeck fo me.

Hosea 11:7 交叉參考

Jeremiah 8:5

So! How come dese peopo stay go da wrong road? How come da Jerusalem peopo erytime no come back by me? Dey stay tight wit bulaia kine gods. Da Jerusalem peopo tell, ‘Us guys no goin go back!’

Hosea 14:4

Da One In Charge tell, “I goin make dem come good, No matta dey wen tell ‘Laytas’ to me. I goin show plenny love an aloha fo dem Cuz I no stay huhu wit dem no moa.

Hosea 11:2

But no matta how plenny I wen call dem, Dey go da odda way, mo far away. Dey wen make sacrifice fo da Baal gods, An dey burn incense fo da idol kine gods.

Hosea 7:16

Dey no turn to me, Da God Dass Mo Importan Den All Da Odda Gods. Dey jalike one bow dat you no can trus fo shoot strait, Dey good fo notting. Dea leadas goin mahke in da war. Cuz dey tell how dey stay piss off wit me. Cuz a dat, erybody inside Egypt Goin make fun a dem.”

Jeremiah 3:11

Da One In Charge tell me dis too: “Da Israel peopo, dey no stay tight wit me. But dey stay do mo right den da Judah peopo, dat ack jalike one wahine you no can trus.

Smart Guys 14:14

Da peopo dat like go back do da bad kine stuff, Dey goin get plenny bad kine pay back Cuz a da way dey like live. But da peopo dat do good kine stuff, Dey goin get back mo plenny good kine stuff.

Songs 81:11

“But my peopo, dey no like lissen Wat I tell. Da Israel peopo neva like do Wat I tell um fo do.

Hosea 4:16

Da Israel peopo, dey hard head. Jalike one young hard head girl cow. So den, how Da One In Charge goin lead da Israel peopo To one big grass field, jalike dey bebe sheeps?! No can!

Jeremiah 14:7

Den dis how us guys pray: “I know us guys wen do wass wrong, An az why all dis stuff happen. You Da One In Charge. Try do someting fo show wat kine god you, Cuz us guys wen run away from you An do plenny bad kine stuff agains you.

Isaiah 26:10

But even if God hold back from punish da bad guys, Dey no goin learn fo do da right ting. Even inside one land Wea all da odda peopo stay do da right ting, Da bad kine peopo still goin do bad kine stuff. Dey no goin see Dat Da One In Charge stay awesome fo real kine.

Jeremiah 2:19

Da bad kine stuff you guys do, Dass wat goin punish you guys. Da way you guys make deaf ear to me, Dat show proof awready dat you guys stay wrong. Try tink hard, an you goin know Dat eryting come real bad fo you guys, Jalike you haunas! Az cuz you guys bag from me, yoa God, Da One In Charge, An no show respeck fo me.” Dass da message from Da One In Charge, da God Ova All Da Armies.

Jeremiah 7:25

from da time yoa ancesta guys come outa Egypt till now! Ery day, ova an ova, I sen you all my worka guys dat talk fo me.

Jeremiah 7:26

But yoa ancesta guys no lissen me o tink bout wat I tell. Dey hard head, an dey do mo plenny bad kine stuff den dea ancesta guys wen do.