Hosea 11:5 - Hawaii Pidgin Bible

⁵ “But my peopo tell ‘Laytas!’ fo come back to me Cuz dey like, dey goin go back Egypt side! Oddas goin let da Assyria king come dea leada! Az cuz dey no change dea mind.

Hosea 11:5 交叉參考

Hosea 7:16

Dey no turn to me, Da God Dass Mo Importan Den All Da Odda Gods. Dey jalike one bow dat you no can trus fo shoot strait, Dey good fo notting. Dea leadas goin mahke in da war. Cuz dey tell how dey stay piss off wit me. Cuz a dat, erybody inside Egypt Goin make fun a dem.”

Hosea 8:13

Dey make sacrifices fo me, an dey eat da meat. But fo me, Da One In Charge, no mean notting. So now I no goin foget dat dey get da blame, An I goin punish dem cuz a all da bad kine stuff dey do. Den dey goin go back Egypt side.

Hosea 10:6

Dey goin take da idol Assyria side Fo make one present fo da importan king ova dea. Da Efraim peopo goin lose face. An all da odda Israel peopo goin come shame too Cuz dey wen trus da idol dey wen make from wood.

Hosea 9:3

Da peopo no goin stay inside da land Da One In Charge own. Da Efraim peopo, some goin go back Egypt side, An some goin go Assyria side. Dey goin eat da kine food ova dea Dat make um so dey no can go in front Da One In Charge.

Amos 5:27

Dass why now, I goin throw you guys outa dis land An make you guys go da odda side Damascus. Go ahead! Take da idol kine gods wit you!” Dass wat Da One In Charge tell, da One dat stay da God Ova All Da Armies.

Amos 4:6

Dis wat Da One In Charge a me tell too: “Was me dat wen make da peopo inside ery town hungry to da max! So neva have bread no place. Still yet, you guys no like come back an be my guys.” Dass wat Da One In Charge tell.

Hosea 9:6

Even if da Israel peopo no come wipe out, You know wat goin happen?! Da Egypt peopo goin make um prisonas, An da Memphis peopo goin bury dem. Da thorn bushes goin take ova da silva dey like plenny, An take ova dea tents.

Hosea 6:1

Da Israel peopo tell, “Go come, we go back by Da One In Charge. He wen rip us up, But he goin make us come good. He wen wack us guys, But he goin put one bandage on us.

Hosea 5:13

“Wen da Efraim peopo an da Judah peopo Wen see dey sick, Den da Efraim peopo wen go Assyria side Fo tell da strong Assyria king help dem. But he no can help you guys. He no can make yoa sores come pau.

2 Kings 15:29

Wen Pekah stay king Israel side, da Assyria king Tiglat-Pileser come back attack one mo time. He take ova five town: Ijon, Abel Bet-Maakah, Janoah, Kedesh, an Hazor. He take da Gilead an Galilee lands too, an all da Naftali land, an make da peopo dea give up dea land an go Assyria side.

2 Kings 15:19

Den Tiglat-Pileser, da Assyria king, go attack da peopo inside da Israel land, an Menahem wen give Tiglat-Pileser thirty-seven ton silva fo make Tiglat-Pileser come his side. Cuz a dat, Menahem come mo strong fo stay king.

Rules Secon Time 17:16

No foget: da king no can get plenny horses ony fo him, o make da peopo go back Egypt side fo get mo horses. Cuz Da One In Charge, he wen tell you guys, “No go back Egypt side no moa!”

Amos 4:11

Da One In Charge tell: “I wen wipe out some a da towns wea you guys live, Same ting jalike I wen wipe out Sodom town an Gomorrah town befo time. Some a you guys wen get outa yoa towns alive, aah? Dey jalike sticks dat somebody pull out quick from da fire Dat stay half burn awready. Still yet, you guys no like come back an be my guys!” Dass wat Da One In Charge tell.