Hosea 11:1 - Hawaii Pidgin Bible

¹ Da One In Charge tell, “Befo da Israel peopo come one nation, dey jalike my kid. I get love an aloha fo all dem. An I call out to all dem, ‘Eh my boy! Go come outa Egypt!’

Hosea 11:1 交叉參考

Matthew 2:15

Dey stay dea till Herod mahke. Wen all dis happen, was jalike Hosea wen tell, da guy dat talk fo God long time befo time, “I tell my boy fo come outa Egypt.”

Outa Egypt 4:22

Wen dat happen, you tell da Pharaoh guy, ‘Dis wat Da Boss, Da One In Charge, tell: Da Israel peopo, dey jalike dey my numba one boy.

Hosea 13:4

Da One In Charge tell, “But me Da One In Charge, I yoa God. I wen bring yoa ancesta guys outa Egypt. You guys betta not know any odda god, ony me. Me, da ony One can get you guys outa trouble.

Hosea 2:15

Ova dea I goin give her back her grape fields. I goin make Trouble Valley come Da Place Wea Fo Shua Someting Good Goin Happen. An ova dea she goin sing to me jalike wen she stay young. Jalike da time I bring up outa Egypt.”

Jeremiah 2:2

“Go tell dis Fo all da peopo inside Jerusalem hear you. Da One In Charge tell, ‘I no foget how you guys was, young time. You guys was real tight wit me, Jalike one bride dat get plenny love an aloha fo da guy she marry. You guys wen stay tight wit me all da way thru da boonies, Even da places wea no can plant seeds notting.

Malakai 1:2

Da One In Charge tell dis to you guys: “I get love an aloha fo you Israel guys.” But you guys tell God, “Eh! How you wen show you get love an aloha fo us guys?!” Dis wat Da One In Charge tell: “You guys know Jacob, yoa ancesta? He get one braddah Esau, aah? But da peopo dat come from Jacob, da Israel peopo, dey da ones I get love an aloha fo!

Hosea 12:13

But wen Da One In Charge bring da peopo dat come from Jacob outa Egypt, He sen one guy Moses dat talk fo him, An dass how he wen take kea all a dem.

Ezekiel 16:6

“ ‘Den me Da One In Charge go by dea an see you stay kicking yoa feet an laying down inside yoa blood. I tell you, “No mahke! Stay alive, no matta you get blood all ova! No mahke! Stay alive!”

Rules Secon Time 7:7

“Da One In Charge like you guys. Az why he pick you guys. But he neva do um cuz you guys get mo plenny peopo den da odda peopos, cuz dat time, you guys ony litto bit peopo.

Hosea 12:9

Da One In Charge tell, “Me, Da One In Charge, yoa God. I wen bring yoa ancesta guys outa Egypt. Bumbye I goin make you guys live inside tents one mo time, Jalike wen yoa ancesta guys make da spesho religious ceremony, Da one Fo Live In Shacks.

Outa Egypt 4:23

I tell you dis awready, “Let go da Israel peopo, cuz dey spesho jalike dey my numba one boy fo dem pray to me.” But you tell, you no goin let um go. Kay den, yoa numba one boy, I goin kill him.’ ”

Songs 129:1

All you Israel peopo, tell dis to erybody: “From da time us guys Come one nation, All da time Peopo presha us guys plenny!”

Jeremiah 12:7

Da One In Charge tell: “I goin leave my ohana an let um hang. I goin bag from da peopo dat stay mines. I goin let da peopo I love Suffa from da guys dat stay agains dem.

Hosea 10:15

Same ting goin happen to you Bethel peopo, Cuz you guys stay do real bad kine stuff! An da day wen Da One In Charge goin fight Wen start fo get light, Da Israel king goin mahke!”

Outa Egypt 19:4

You guys see awready wat I wen do to da Egypt peopo. You guys know, was me da One dat bring you guys outa Egypt, jalike I one eagle bird an I carry you guys away from dea on my wings, an I bring you guys ova hea by me.

Rules Secon Time 33:3

You, Da One In Charge, fo shua you get Love an aloha fo da Israel peopo. All da ones dat stay spesho fo you, Jalike dey stay inside yoa hand. Dey go down in front yoa feets, An dey learn stuff from you.

Isaiah 43:4

Az cuz weneva I tink bout you guys, I see dat you worth plenny to me. I show you respeck, Cuz I get love an aloha Fo all you guys. I goin give odda peopo fo pay fo you. I even goin let um mahke Fo you stay alive.

Ezekiel 16:22

You do all pilau kine stuff dat I hate! Wen you fool aroun, an you no rememba wen you was naked, small kid time, you was kicking yoa feet an laying down inside yoa blood.